Vikipediya:Bürokratlara müraciət/Arxiv 2025

@Sortilegus, @Turkmen, @Toghrul R, salam. Zəhmət olmasa, bunu da nəzərə alaraq Turkmen-in təftişçi seçkisinə düzəliş edib onu düzgün yekunlaşdırardınız. Hörmətlə, Qədir (müzakirə) 20:59, 23 mart 2025 (UTC)

Gadir, o nə düzəlişdir ki, siz həmin prinsipə 23 martda etmisiniz? Nəyə əsasən o düzəlişi etmisiniz? Seçki özü 15 martda yekunlaşıb. 15 martda yekunlaşan 1 seçkinin nəticələrinə seçkidən 1 həftə sonra prinsipə edilən və əsaslandırılmayan hansısa düzəlişə görə necə yenidən baxıla bilər?--Sortilegus (müzakirə) 21:54, 24 mart 2025 (UTC)

@Sortilegus, Turkmen səsverməni düzgün yekunlaşdırmayıb, təəssüf ki, hələ də düzəliş edilmədən qalıb. O əlavə texniki düzəlişdir, hansı ki, qlobal qaydaların tələb etdiyi əlavədir, sadəcə onu Turkmen və Bikar səhv anlayıblar deyə müzakirə səhifəsində müzakirə açdım və etiraz gəlmədiyini də nəzərə alaraq (mübahisəsiz o əlavə olunmalı idi onsuz, yoxsa, həmin şərtlərdə hüquq verilmir) müvafiq düzəlişi etdim. Müzakirələrə nəzər yetirsəniz, məsələ sizə aydın olacaq. Hörmətlə, Qədir (müzakirə) 22:41, 24 mart 2025 (UTC)

Gadir Vikipediya:Təftişçilər prinsipinə axırıncı düzəlişlər Vikipediya:Səsvermə/Təftişçi qaydalarının təkmilləşdirilməsi səsverməsində olub və həmin səsvermə 28 fevral 2025-ci ildə yekunlaşıb, təkmilləşdirmə ilə bağlı prinsipə təklif olunan düzəlişlər vikipediyaçılar tərəfindən dəstəklənib və qəbul olunub. Ondan sonra o prinsipə səsvermə keçirilmədən 1 vergül belə əlavə etmək olmaz. Amma siz dünən götürüb prinsipə belə bir ciddi əlavə etmisiniz. 25-30 səs ayrı şeydi, 25-30 dəstək səsi ayrı şey. Birinci halda onun içində "lehinə" səslərlə bərabər "əleyhinə" və "bitərəf" səslər də var, ikinci halda isə sadəcə "lehinə" səslər. Siz kiminsə müzakirə səhifəsində, lap elə kənd meydanında aparılan hansısa müzakirənin nəticələrinə görə prinsipə özbaşına belə bir əlavə edə bilməzsiniz, bunun üçün prinsipin yeni təkmilləşdirmə səsverməsi keçirilməlidir, çünki bu ciddi bir dəyişiklikdir. Heç vergül belə əlavə edə bilməzsiniz, çünki Azərbaycan dilində 1 vergül bütün cümlənin mənasını dəyişə bilir. Hələ onu demirəm ki, yeni təkmilləşdirmə səsverməsi keçirib prinsipə sizin bu düzəlişi əlavə etsək də o artıq yekunlaşmış təftişçi səsvermələrinin nəticələrini dəyişə bilməz, sonra keçiriləcək səsvermələr üçün nəzərə alına bilər. --Sortilegus (müzakirə) 22:57, 24 mart 2025 (UTC)

Sakit olun. Vikipediya bürokratiya deyil, 1 həftə davam edən müzakirə nəticəsində bu dəyişiklik edilib, ya səsvermə, ya da bu, fərqi yoxdur. Bu əlavə qaydanın mahiyyətini dəyişdirmir, sadəcə onu daha aydın hala gətirir (mənim üçün əvvəlki halı da elə daha aydındır və müzakirədə iştirak edənlər də bunu bildirib). Mən sadəcə hələ də başa düşə bilmirəm ki, necə ola bilər ki, "25-30 səs almalısınız" cümləsindəki səs sayının lehinə səs sayından söhbət getməsi aydın olmasın. Digər müzakirədə də qeyd etmişəm və qlobal siyasətlə əsaslandırmışam. Burda da bunu təkrar edirəm, 20 lehinə və 5 əleyhinə səs alıb ümumilikdə 25 səslə 80% dəstək faizinə çatan istifadəçiyə statusu verən deyillər, çünki tələb olunan lehinə səs sayı minimum 25-dir. Səsverməyə mütləq düzəliş edilməlidir, yanlış yekunlaşdırılıb və mən hətta bu barədə stüardla da danışmışam, səsvermənin müzakirə səhifəsində də bunu bildirmişəm. Sadəcə mən bürokrat olmadığım üçün mənim buna düzəliş etməyim düzgün olmaz. Hörmətlə, Qədir (müzakirə) 23:09, 24 mart 2025 (UTC)

 Y Turkmen tərəfindən müvafiq düzəliş edilmişdir. Hörmətlə, Qədir (müzakirə) 20:21, 29 may 2025 (UTC)

Salam hörmətli bürokratlar.

Mən Azərbaycan rəsmi xəbər veb-saytların siyahısı adlı səhifəni yaratmışam. Bu mövzu çox vacibdir, çünki son vaxtlar (Medianın İnkişafı Agentliyin yaranmasından sonra) bütün xəbər portalları akkreditasiyadan keçməlidir. Nəticədə rəsmi media orqanları ilə yanaşı, istifadəçilərə zərər verə biləcək saxta saytlar da mövcuddur. Mən bu problemlə üzləşdiyim üçün həmin siyahını yaratmağa qərar verdim. Səhifəni özüm, əllə hazırlamışam və digər oxşar siyahılardan nümunə götürərək Vikipediya qaydalarına uyğun işlədim. Gələcəkdə hər bir rəsmi KİV üçün ayrıca səhifə yaradaraq orada sahiblər, redaktorlar və digər məlumatları əlavə etməyi planlaşdırırdım.

Lakin istifadəçi Qədir əvvəlcə məni pullu ilə məşğul olmaqda günahlandırdı, daha sonra əsassız olaraq İİ (süni intellekt) istifadə etdiyimi iddia etdi. Halbuki siyahını tamamilə özüm hazırlamışam. Bundan sonra səhifəni silmişdir (digər səbəbi ilə), halbuki səhifəni yaxşılaşdırmaq və ya qaralama rejiminə keçirmək imkanı var idi. Mən uzun müddət izah etməyə çalışsam da, o, qaydaları pozaraq Vikipediya:Bərpa üçün namizəd səhifələr səhifəsində səsvermənin dayandırılmalı olduğunu yazdı. Halbuki belə bir səlahiyyəti yoxdur.

Mən hesab edirəm ki, bu istifadəçinin hərəkətləri yalnız qaydaları deyil, həm də Vikipediyanın ruhunu pozur. Bu səbəbdən sizdən xahiş edirəm:

1. Bu məsələ üzrə obyektiv qərar çıxarasınız.
2. Səhifəni bərpa edəsiniz və lazım gələrsə, onun təkmilləşdirilməsi üçün göstəriş verəsiniz.
3. İstifadəçinin hərəkətlərində qayda pozuntuları aşkarlanarsa, sanksiya tətbiq edəsiniz, hətta administrator hüquqlarının alınmasına qədər, əgər belə qərarı doğru hesab etsəniz.

Əvvəlcədən təşəkkür edirəm. Summer Smith C-137 (müzakirə) 08:09, 29 sentyabr 2025 (UTC)

Bürokratlar ilə inzibatçılar qanunla eyni səviyyədədir. Onlara nəyisə şikayət etmək heç nəyi dəyişdirmir. Nemoralis (müzakirə) 12:58, 29 sentyabr 2025 (UTC)

Niyə faktları təhrif edirsiniz? Ödənişli fəaliyyətlərlə və maraq toqquşması ilə bağlı sizə siyasətlərə uyğun suallar verilib, cavab alınıb. Amma bu cavablar yetərli qəbul edilməyib, fəaliyyətlərinizə baxanda görünür. Həmçinin inzibatçı VP:BNS müzakirəsində də müraciətinizə uyğun olaraq, sizə gərəkli açıqlamaları verib və müzakirəni özü üçün bitirdiyini deyib. Sizin bütün suallarınıza cavab verilib, fəaliyyətlərinizdən bunu görə bilərlər. Xəbərdarlıqlardan sonra da eyni fəaliyyətlər davam edir, istifadəçi buranı "döyüş meydanı" kimi qəbul edir (yeni istifadəçi deyil); halbuki mən tərəfdən ona bir neçə dəfə konstruktiv fəaliyyətlərə istiqamətlənmək barədə xəbərdarlıq edildi. Müzakirə tərəflərindən biri olduğuma görə inzibati tədbir görmək istəmirəm, amma digər inzibatçılar bu məsələni diqqətdə saxlasalar yaxşı olar. Həmçinin yuxarıda da qeyd edildiyi kimi, bu səhifənin mahiyyəti belə mövzular deyil. Hörmətlə, Qədir (müzakirə) 17:22, 29 sentyabr 2025 (UTC)

• Əlaqəli səhifələrdə (istifadəçinin fəaliyyət keçmişindən görə biləcəyiniz üzrə) və burada da bu barədə kifayət qədər açıqlama vermişəm. P.S. bürokratlar aidiyyəti səhifələrə diqqət yetirib yekunlaşdırmalar etsələr yaxşı olar. Bürokrat deyiləm deyə bunu etməyə çəkinirəm. Hörmətlə, Qədir (müzakirə) 01:42, 17 oktyabr 2025 (UTC)