Vikipediya:Ana Səhifə:Xəbərlər/fevral 2021

6. Həftə

• ABŞ-ın Virciniya ştatında ölüm hökmü ləğv edilib.
• Çeçenistanda 23 fevralda – çeçenlərin və inquşların deportasiyası günü hərbləşdirilmiş tur keçirmək planı qəzəb doğurub.
• Joze Mourinyo (şəkildə) karyerasında ilk dəfə ardıcıl iki ev oyununda məğlub olub.
• Səudiyyə Ərəbistanının Mədinə şəhərindəki Peyğəmbərin Həyatı və İslam Sivilizasiyası Muzeyində Məhəmməd Peyğəmbərin dövrünə aid 500 artefaktdan ibarət sərgi açılıb.
• Hindistanda buz sürüşməsi nəticəsində 150-dən çox insan itkin düşüb.

bax – müzakirə et – et – tarixçə

7. Həftə

• ABŞ Senatı impiçment prosesi çərçivəsində ABŞ-ın sabiq prezidenti Donald Trampa (şəkildə) bəraət verib.
• Özbəkistan 2023-cü il yanvarın 1-dən tam olaraq Latın qrafikasına keçməsini təsdiq edib.
• Formula-1-in ikiqat çempionu olan ispaniyalı Fernando Alonsonu avtomobil vurub.
• Şahmat Çempionlar Turunun "Opera Euro Rapid" adlanan III mərhələsində çıxış edən Teymur Rəcəbov üçüncü yeri tutub.
• Latviyada ilk dəfə quş qripi aşkarlanıb.

bax – müzakirə et – et – tarixçə

8. Həftə

• Amerikalı qolfçu Tayqer Vuds (şəkildə) Kaliforniya ştatında ağır yol qəzasına düşüb.
• Fransa nəşriyyatı "Gallimard" martın 18-də fransız yazıçısı Marsel Prustun əvvəllər heç vaxt nəşr olunmamış "Yetmiş beş səhifə" (Les Soixante-quinze feuillets) kitabını çap edəcəyini açıqlayıb.
• Səudiyyə Ərəbistanının varis şahzadəsi və krallıq hökuməti başçısının birinci müavini Məhəmməd ibn Salman laparoskopiyanın köməyi ilə appendisit əməliyyatı keçirib.
• İran və Yaponiya arasında Urmiya gölünün (şəkildə) qurumasının qarşısını almaq üçün əməkdaşlıq haqqında müqavilənin müddətinin daha 3 il uzadılması barəsində sənəd imzalanıb.
• Facebook sosial şəbəkəsi avstraliyalıların xəbər paylaşmasını bloklayıb.

bax – müzakirə et – et – tarixçə

9. Həftə

• Türkiyənin Bitlis ilində Türkiyə Hərbi Hava Qüvvələrinə məxsus vertolyotun qəzaya uğraması nəticəsində 11 Türkiyə hərbçisi həlak olmuş, ikisi isə yaralanmışdır.
• Azərbaycanda "Formula-1" yarışının keçirilmə müddəti 2024-cü ilə qədər uzadılıb.
• Ermənistanın baş naziri Nikol Paşinyan bu ilin oktyabr ayında ölkənin yarı prezident idarəetmə üsuluna keçidi üçün konstitusiyaya dəyişiklik edilməsi təşəbbüsü irəli sürəcəyini bəyan edib.
• Hollivud aktrisası Ancelina Coli (şəkildə) Böyük Britaniyanın Baş naziri Uinston Çörçil tərəfindən çəkilmiş "Əl-Kutubiyyə məscidinin minarəsi" adlı rəsm əsərini 11.5 milyon dollara satıb.
• "Tesla" və "SpaceX şirkətlərinin qurucusu İlon Mask ABŞ-ın Texas ştatında yeni şəhər olan Starbeysin inşasını qeyd edib.
• "Qarabağ"ın sabiq futbolçusu Miçel futbol karyerasını başa vurub.

bax – müzakirə et – et – tarixçə