Vikipediya:Açıq bilik üçün birlikdə yazırıq/Qaydalar

• Plan-proqramdan kənar çıxmamaq.
• Düşərgə müddətində bildiriləcək qaydalardan kənara çıxmaq olmaz.
• Hər bir iştirakçı hörmətli, məsuliyyətli və tolerant davranmalıdır.
• Düşərgənin gündəlik proqramına və müəyyən olunmuş saatlara ciddi şəkildə riayət edilməlidir.
• Gecikmələr, icazəsiz çıxışlar və proqramdan kənar fəaliyyətlər qadağandır.
• Təyin olunmuş ərazilərdən kənara çıxmaq qadağandır.
• Qidalanma saatlarına əməl olunmalıdır. Yeməklərdən əvvəl və sonra gigiyena qaydalarına riayət edilməlidir (sizləri düşünərəkdən).
• İştirakçı şəxsi gigiyena vasitələrini özü ilə gətirə bilər.
• Düşərgə ərazisində siqaret, spirtli içkilər və narkotik maddələrin istifadəsi qəti şəkildə qadağandır.
• Proqrama və komandaya uyğun hərəkət etmək hər bir iştirakçının məsuliyyətidir.
• İştirakçının hərəkətləri onun düşərgədəki iştirakına təsir edə bilər. Qaydalara ciddi əməl edilmədikdə, tədbirdə iştirak hüququ ləğv edilə bilər.
• Hər bir iştirakçı komanda kapitanına tabedir.

• Noutbuk götürmək mütləqdir.
• İştirakçı yoldaşlara diqqət və qayğı ilə yanaşmaq.
• Təlimlər və aktivlərə vaxtında qatılmaq.
• Düşərgəni icazəsiz tərk etmək olmaz.
• Təşkilat Komitəsinin qərarlarına qarşı çıxmaq olmaz.
• Kəsici, deşici alətlərin düşərgəyə gətirilməsi qəti qadağandır.
• Düşərgə rəhbərlərinin və təlimçilərin göstərişlərinə əməl etmək mütləqdir.
• Heç bir halda zorakılıq, təhqir, diskriminasiya, və ya aqressiv davranışlara yol verilmir.
• Digər iştirakçıların şəxsi məkanına və əmlakına hörmətlə yanaşmaq tələb olunur.
• Gəzinti zamanı təhlükəsizlik qaydalarına (su hövzələri, dağlıq ərazi və s.) riayət olunmalıdır.
• Tibbi vəziyyəti, və ya xüsusi ehtiyacları olan iştirakçılar əvvəlcədən təşkilatçılara məlumat verməlidirlər.
• Qəza, və ya narahatlıq halında dərhal düşərgə rəhbərliyinə məlumat verilməlidir.
• Ərazini təmiz saxlamaq hər kəsin məsuliyyətidir – zibil qutularından istifadə etmək vacibdir.
• İştirakçı hər hansı bir problemi, narahatlığı, və ya təklifi təşkilatçılara bildirməkdən çəkinməməlidir.

Toplanış: 27 may saat 06:30–07:00 Gənclik metrosu (Badamlı binasının önü) (şəxsiyyət vəsiqənizi gətirməyi unutmayın və gecikməyin). Gecikənlər nəzərə alınmayacaq və gözlənilməyəcəkdir!

• Təşkilat Komitəsi ilkin tibbi yardım çantası ilə təmin olunub. Zərurət yarandıqda iştirakçılar müraciət edə bilərlər.
• Gigiyenik, tibbi, xüsusi qida və lazımi vasitələr və s. özünüzlə gətirə bilərsiniz.
• Gediş, gəliş, otel və 3 dəfə qidalanma xərcləri təşkilat komitəsi tərəfindən qarşılanır.
• Musiqi alətlərində ifa etməyi bacaranlar özləri ilə gətirə bilər.
• Təlim: Düşərgə müddətində bir qrup təcrübəli istifadəçilər tərəfindən təlim keçiriləcəkdir
• Müxtəlif əyləncəli, intellektual və s. oyunların keçirilməsi üçün asudə vaxt səmərəli keçiriləcəkdir.
• Müxtəlif mövzularda dinləmələr, müzakirələr və s. olacaq.