Son iki il ərzində (2019-2020) Təkmilləşdirmə aylığı mövzusunda mövzulu ay müsabiqəsinin nəticələrinin nə üçün qiymətləndirilməməsinin səbəblərini bilmək istədim. Narahatlığa görə üzr istəyirəm. Rəşid Nurməmmədov (müzakirə) 18:00, 14 fevral 2020 (UTC)

11 gün keçməsinə baxmayaraq, bu suala cavab verilməməyi çox məyus edici haldır. Bu mövzulu aylara az olan marağı daha da azalda bilər. Yəni, bu ay ya keçirilməsin, keçirilirsə də, ciddi yanaşılsın. Hörmətlə:AfraimMammadov (müzakirə) 07:27, 25 fevral 2020 (UTC)

Hörmətli Eldarado, Araz Yaquboglu və Wertuose xahiş edirəm münasibət bildirəsiniz. Çünki mövzulu ay keçirilməsində jüri üzvləri siz olduğunuz üçün sizin fikriniz önəmlidir. --Drabdullayev17 (müzakirə) 11:10, 26 fevral 2020 (UTC)

Salam, bu barədə Rəşid bəyin wikimedia.az saytını rəsmi mail ünvanına yazdığı mailə cavab olaraq məlumat verilib. Buradan da qeyd edim ki, qeyd etdiyiniz müsabiqə azvikidəki boşluqların aradan qaldırılması məqsədi ilə keçirilir və mükafatlandırma nəzərdə tutulmur. Çünki minlərlə məqalədə redaktələr olunur və fiziki olaraq bunun yoxlanılması çox uzun vaxt alır. Digər müsabiqələr və mövzulu ay layihələri isə vaxtı vaxtında yoxlanılıb mükafatları təqdim olunur. Hörmətlə --eldarado ^✉ 11:16, 26 fevral 2020 (UTC)

Deyəcəklərimi Eldarado yazıb. Əlavə olaraq qeyd edim ki, mövzulu ayın qiymətləndirilməsi də şərt deyil ki, biz edək. Kim istəsə qiymələndirə bilər. --Araz Yaquboglu (müzakirə) 11:48, 26 fevral 2020 (UTC)

Qaydaya görə müsabiqə bitdikdən 5 gün ərzində qiymətləndirilməlidir. Yeni sistemə görə isə məqalələr Fountain alətinə yükləndiyi üçün yalnız orada təyin olunan jüri üzvləri qiymətləndirə bilir. Təbii ki, "Təkmilləşdirmə ayı" xaric. Çünki həmin ayın qiymətləndirilməsi Fountain alətində edilmir. Hörmətlə --eldarado ^✉ 11:53, 26 fevral 2020 (UTC)

Hörmətli idarəçilər (Araz Yaquboglu, Azerifactory, Babək Akifoğlu, Baskervill, Drabdullayev17, Eldarado, Eminn, Nicat49, NMW03, Qolcomaq,Sortilegus, Toghrul Rahimli, Turkmen, Wertuose, White Demon) hər birinizi salamlayır və rica edirəm ki, laboratoriyada lehinə səs verməyəcəyiniz məqalə və yaxud siyahını laboratoriyaya daxil etməyəsiniz. Məsələn dava əvvəl Ammian Marsellin, hazırda isə Məhəmməd Hadi məqaləsinin səsverməsinə nəzər yetirmənizi xahiş edirəm. Gördüyünüz kimi, müəyyən qurumlar vikipediyada ciddi qruplaşma yaradaraq, sadəcə çoxluq hesabına ən yaxşı halda yaxşı məqalə olacaq məqaləni seçilmiş məqalə etmək istəyirlər. Bu kimi problemlərin yaranmaması üçün, məqalələri laboratoriyaya daxil etməmişdən qabaq diqqətlə gözdən keçirməyinizi xahiş edirəm. Əgər hər belə məqalələr bu şəkildə seçilmiş məqalə statusu alacaqsa, azərbaycanca vikipediyanın gələcək inkişafı ürək açan olmayacaq.--Nicat^{49   ⋠müzakirə⋡} 10:52, 3 mart 2020 (UTC)

Salam hörmətli Nicat49, bəli haqlısınız. Ana səhifə Vikipediyanın keyfiyyət güzgüsüdür və bacardığımız qədər ən keyfiyyətli məqalələrin Laboratoriyaya keçidinə icazə verməliyik. Məqalənin bir neçə başlığını tam oxumadan və məqalədə işlədilən müvafiq şablona yaxşıca baxmadan məqaləni qəbul etmək düzgün deyil. Həmçinin Laboratoriya müzakirə səhifəsi olduğu üçün tutarlı arqumentlər olmayan imzaların fikirləri əsas götürülməməlidir. Məsələn, məqaləyə 5 lehinə səs gəlib ancaq lehinə səs vernən istifadəçilər heçbir şərh yazmadan sadəcə lehinə şablonundan istifadə ediblərsə bu cür imza etibarlı sayılmamalıdır və əgər məqalədə 1 əleyhinə səs varsa və tutarlı səbəblər varsa, həmin imzanın fikirləri əsas götürülməlidir. Habelə təklif edirəm ki, laboratoriya müzakirələrinə yekunlaşdırma da əlavə edilsin və idarəçi məqalənin nə üçün qəbul edildiyini, yaxud nə üçün qəbul edilmədiyini orada qeyd edərək məqaləni sm, ym yaxud ss-ya qəbul etsin, yaxud da etməsin. Hamınıza hörmətlə, --Turkmen ^müzakirə11:23, 3 mart 2020 (UTC)

Çox ciddi bir məsələdir. Laboratoriya sisteminin ləğv olunması məqalələrin başqa vikipediyalarda olduğu kimi müzakirə əsaslı müvafiq statusa layiq olub-olmamasına qərar verilməsi təklif olunsa da, bu gün Azvikidə bu sistemi tətbiq etmək təəssüflər olsun ki, mümkün deyildir. Mənim çox unikal bir təklifim var. Belə ki, statuslu məqalə ustaları adlı bir səhifə yaradaq və həmin səhifəyə bu günə qədər yaratmış olduğu seçilmiş və yaxşı məqalələrində heç bir problem olmayan istifadəçi və idarəçilərin adlarını əlavə edək. Sefer azeri, Yusif Sərrac, Solavirum və digər peşəkar imzaları həmin səhifəyə əlavə edək. Həmin səhifədə olan şəxslərin məqalələri bir başa laba əlavə edilsin, qalan imzalar üçün isə ən azı 3 idarəçinin təsdiqi tələb olunsun. Əks halda Azviki yaxın 1-2 il ərzində çox gülməli bir vəziyyətə düşəcək.--Baskervill (müzakirə) 11:36, 3 mart 2020 (UTC)

Hörmətli Nicat49, narahatlığınız başa düşüləndir və bunda haqlısınız. Qeyd etdiyiniz məqalələrin birincisini səhv etmirəmsə mən yekunlaşdırmışam tərəfli olaraq səs verildiyi üçün digərini isə mən qəbul etmişəm. Təbii ki, oxumadan qəbul etməmişəm. Səhvlər də lab dövründə düzəldilir zatən. Əgər hal hazırda dediyiniz kimi tərəfli şəkildə səs verilib status alan məqalə yoxdusa düşünürəm ki, təhlükə də yoxdur. Misal üçün yekunlaşdırdığım bu məqaləyə baxa bilərsiniz Dani_əməliyyatı. Bu cür hallarda belə müdaxilələr olunsa sorun olmaz və fikrimcə qarşı tərəfdə bunu anlayar. Hörmətlə --eldarado ^✉ 14:23, 3 mart 2020 (UTC)

Yuxarıda yazılan təkliflərlə razıyam. Xal sistemi məncə olsa yaxşıdır. Məsələn idarəçi - 5 səs, avtopatrul - 3, adi istifadəçi - 1 səs. Onda spam getməz--Azerifactory (müzakirə) 16:46, 3 mart 2020 (UTC)

Bu məsələni bir neçə dəfə vikigörüşlərdə də müzakirə etmişik, amma sonda yekun bir qərar qəbul etmək mümkün olmayıb. Əsas problem odur ki, nə birinci, nə də ikinci mərhələdə lehinə və ya əleyhinə səs verənlər məqalədəki nöqsanları aradan qaldırmaqla bağlı heç bir iş görmürlər. Məqalə qalır 1 nəfər müəllifin ümidinə və o da bir çox hallarda öz dil bilikləri çərçivəsində səhv-düz digər dillərdən tərcümə edib məqaləni yaradır. Status alan məqalələrin bir çoxunda məhz tərcümə səhvləri var. Yuxarıda Baskervillin verdiyi təklif məncə yaxşıdır. Bir az detallı müzakirə edib qəbul etmək olar.--Wertuose (müzakirə) 07:25, 4 mart 2020 (UTC)

Gəlin bu üzrə səsvermə edək. Eldarado, bunu etmək olar?--Azerifactory (müzakirə) 16:57, 4 mart 2020 (UTC)

Azerifactory, nə üzrə səsvermə? Tam olaraq anlamadım. Mənim təklifim də belə ola bilər. Bu işdə təcrübəsi, marağı və zamanı olan 3 idarəçi təyin edək. Hansı ki, onların məqaləni birbaşa laba təqdim etməyə və yekunlaşdırmağa hüququ olsun. Bürokratlar onların fəaliyyətinə nəzarət etsin. Həmin üç şəxs istədiyi zaman imtina edib başqa idarəçi ilə əvəz oluna bilsin. Digər idarəçilər də Laba təqdim olunan zaman münasibət bildirə bilsin lakin təsdiqləməni o 3 idarəçi etsin. Labdakı və sonrakı proses isə səsvermə yox müzakirə ilə əvəz olunsun. Razısınızsa bu məsələni ilk görüşdə müzakirə edək sonra vikipediya üzərində səsverməyə çıxaraq. Hörmətlə --eldarado ^✉ 08:28, 5 mart 2020 (UTC)

Eldarado, məncə əsas məsələ məqalələrin laba salınması deyil, labda baş verən spam səslər, necə desək, səsvermə saxtakarlığıdır. Enviki kimi layihələrdə bunun qarşısı çox yaxşı alınıb, biz niyə etməyək? --► Hörmətlə: SolaVirum 15:41, 5 mart 2020 (UTC)

Solavirum-la tam razıyam. Bu spam səsvermədir əsas problem--Azerifactory (müzakirə) 18:31, 5 mart 2020 (UTC)

Solavirum, bunun üçün qeyd etdiyimiz kimi səsverməni müzakirə ilə əvəz etməliyik. Mən yuxarıda qeyd etdiyim yekunlaşdırmada bunu tətbiq etmişəm. Məncə bunu reallaşdırmaq olar. Bəs sizin təklifiniz nədir. --eldarado ^✉ 07:29, 6 mart 2020 (UTC)

Eldarado, mən təklifim enviki üsulu kimi olardı, ancaq onu tətbiq etmək üçün yetərli töhfəverənimiz yoxdur təəssüf ki. --► Hörmətlə: SolaVirum 18:19, 6 mart 2020 (UTC)

Salam. Qurumların səsvermələrin nəticəsinə təsir eləməsi çox pis haldır. Ən tez nəticə verə biləcək həll yolu kimi Vikipediya:Səsvermə qaydalarında dəyişiklik etməyi təklif edirəm. İndiki şərtlər uzaq hazırlanıb. Həmin dövrdəki vəziyyətlə indiki şərtlər tamamilə başqadır və 3 aylıq təcrübə, 200 redaktə çox aşağı şərtdir. Cəmi 3 aylıq fəaliyyəti olan istifadəçi düzgün qərar verməyə də bilər, həmçinin bu şərtlər istənilən qurumun 3-5 ay ərzində "istifadəçi ordusu" yaratmasına şərait yaradır. 3 aylıq müddəti ən azı 6 ay, 9 ay və ya 1 il, 200 redaktə həddini isə ən azı 500 etmək lazımdır. --Eminn ismarıc 09:50, 7 mart 2020 (UTC)

Eminn-in təklifi də yaxşıdı, nəzərə alınsın. --Araz Yaquboglu (müzakirə) 10:20, 7 mart 2020 (UTC)

Nəticə nə oldu? Nə qəbul edirik?--Azerifactory (müzakirə) 19:32, 8 mart 2020 (UTC)

Mən belə bir məsələyə görə idarəçilərə müraciət etmək istəməzdim əslində. Sadəcə olaraq Azerifactory artıq neçənci dəfə xəbərdarlıqlarıma, izahlarıma, arqumentlərimə baxmayaraq vikiqaydaları kobud şəkildə pozduğuna görə idarəçilərə müraciət etməkdən başqa çarəm qalmadı. Əsas məsələ Xpert ləqəbli repçinin məqaləsinin müzakirəsində oldu. Mən o məqaləni məqalədə 23 istinad, sosial şəbəkə keçidləri istisna 3 xarici keçid, məqalənin tutumu da 13 kb idi. Azerifactory artıq 2-ci dəfədir ki, məqalədən bütün istinadları və sosial şəbəkə keçidləri istisna xarici keçidləri və məqalənin məzmununun da bir hissəsini (8 kb) silir. Məqalənin müzakirəsinə baxsaz görərsiz ki, özünə də dedim ki, düz etmirsiz, bu qaydalara ziddi. Deyir ki, istinadların içərisində YouTube linkləri var və arqument olaraq da envikidəki qaydanı göstərir. Mən də cavab yazmışam ki, əvvəla o qayda envikidədi, 2-cisi də 23 istinadın hamısı YouTube linki deyil axı, niyə hamısını silirsiz? Cavab vermir bu sualıma. Sildiyi xaric keçidlər biri Azadlıq Radiosuna müsahibədi, biri Azərbaycanın ilk və ən məşhur internet televiziyalarından Kanal 13-ə, biri də Azərbaycanın ilk və ən məşhur rep-rok saytlarından olmuş "raprock.az" saytına. Və idarəçinin özünün istinad etdiyi enviki qaydasında da yazılıb ki, YouTube linkinə o halda istinad etmək olar ki, məsələn "Reuters" filan ola. Mən də deyirəm ki, əvvəla "Azadlıq Radiosu" dünyada "Reuters" qədər məşhurdu, ikincisi də envikidən sitat gətirdiyiniz qayda xarici keçidlərə aid deyil, istinadlar barədədi. Bütün bunlardan əlavə məqalədə nə qədər YouTube linki varsa istinad kimi, onların hamısını "İstinadlar" bölməsindən çıxarıb "Qeydlər" bölməsinə də əlavə edə bilərəm. İdarəçi bütün bunlardan əlavə deyir ki, güya mən Paster ləqəbli repçinin məqaləsinə ölü link əlavə etmişəm. Əvvəla mən elə şey etməmişəm, 2-cisi də etmiş olsaydım belə bu qaydalara zidd deyil, çünki ola bilər ki, bir istifadəçi bir məqaləyə bir link əlavə edə, sonradan o link ölü linkə çevrilə. Bunun üçün də vikidə {{dead link}} şablonu var. Bütün bunlara baxmayaraq hər bir halda Paster məqaləsinin tarixçəsinə hamı baxa bilər. Mən heç vaxt o məqaləyə ölü link əlavə etməmişəm. Özünə də dedim ki, etməmişəm, yalan deyirsiz. Bütün bunlardan sonra idarəçi mənə verdiyi son cavaba baxa bilərsiz Xpert məqaləsinin müzakirə səhifəsində. Mənə "siz" yox "sən" dedi və iftira atmağı azmış kimi dedi ki "yalançı özünsən". Hələ bir xəbərdarlıq(?) da etdi. Mən artıq gördüm ki, o müzakirə yersiz yerə əndazəsindən çıxır, azvikinin bloklanma redkordçusu olduğum üçün hansısa idarəçi mənimlə mübahisə etdiyi hansısa mövzuda səhv ola-ola məni bəhanə ilə bloklamaq istəyəndə bunu hiss edirəm. Ona görə də idarəçilərə müraciət etməkdən başqa çarəm qalmadı. Ümidvaram ki, mənim bu müraciətim diqqətlə oxunacaq və mənə qarşı Nəzakət qaydalaırnı kobud formada pozan idarəçi cəzalandırılacaq. Onu da qeyd edim ki, idarəçi keçən dəfə də götürüb əsassız yerə Qarabağ münaqişəsi şablonunu mühafizəyə alıb. 1 dəfə dedim, boynuna almadı, 2-ci dəfə dedim sonra çıxartdı mühafizədən. Paster məqaləsini isə xəbərdarlıqlarıma baxmayaraq hələ də əsassız yerə mühafizədə saxlayır.— samral ^müzakirə12:30, 21 aprel 2020 (UTC)

Samral, özü bizi yalançı çağırıb, həmin məqalədə saxta kanallar artırır, Youtubedən Xpertin klipini istinad kimi göstərir, hansı ki, reklam sayılır.— Azerifactory (müzakirə) 11:33, 22 aprel 2020 (UTC)

Hörmətli Azerifactory istifadəçi sizə bir necə ittiham irəli sürüb xahiş edirəm fikirlərinizi sübutla əsaslandırasınız. — Drabdullayev17 (müzakirə) 17:42, 22 aprel 2020 (UTC)

Hörmətli Azerifactory lütfən mühafizə məsələsində fəaliyyətinizə çəki-düzən verin. Bundan əvvəldə bir IP şikayətlənmişdi bu mühafizə məsələsindən. Şablonları və məqalələri uzunmüddətli mühafizə edirsiz. IP-ləri uzunmüddətli bloklayırsız. Və həmçinin sizdən xahiş edirəm ki, sizdə Samral kimi cavabınızı əsaslandırasız və qaydalara uyğunlaşdırasınız. — Turkmen ^müzakirə18:31, 22 aprel 2020 (UTC)

Salam, haqqında danışılan idarəçi haqqında şikayətlər artıq həddindən artıq çoxdur. Yaxın müddətdə statusunun müzakirəyə çıxarılmalı olduğunu düşünürəm və çox güman ki, bu adımmı özüm atacağam. Hörmətlə — eldarado ^✉ 20:08, 22 aprel 2020 (UTC)

Eldarado, çox maraqlıdır. Mənə kimsə şikayət edən kimi, mənim haqqımda müzakirə açılır. Amma digər idarəçilərə aid olanda göz yumulur. Day deyin ki, ikili standardlar var və sosial şəbəkələrdə arxamca konspirasiya qurulur.— Azerifactory (müzakirə) 02:26, 23 aprel 2020 (UTC)

Turkmen və Drabdullayev17, məqalə açıqdır və mən yuxarıda yazmışam aydın.— Azerifactory (müzakirə) 02:26, 23 aprel 2020 (UTC)

İdarəçi dəfələrlə rast gəlmişəm ki, sildiyi səhifələri həmçinin mühafizə edir. Bu doğru deyil. Bəlkə silinən ensiklopedik məqalə pis halda olub silinib, kimsə vikiqaydalara uyğun yenidən hazırlayacaq səhifəni. Ümumən mühafizə olunan səhifələrin çoxluğu yaxşı hal deyil. — Araz Yaquboglu (müzakirə) 06:44, 23 aprel 2020 (UTC)

Bu məsələdə Samralın haqlı olduğunu düşünürəm. Əgər hansı hissə pis yazılıbsa, ora çıxarılmalıdır. İdarəçi tərəfindən nəzakət prinsiplərinin pozulması da mənfi haldır. Məqalə yazan vikipediyaçı kimi Azerifactory dəyərli istifadəçidir,amma bəzən məsələ artıq əndazədən çıxır. Azərbaycan fotoqraflarının siyahısı məqaləsinə Azərbaycanda ilk bədii fotoqrafiya haqqında kitabın müəllifi Tahir Məmmədovu əlavə etmişəm, istinad da . Lakin idarəçi onu heç nə demədən . Daha sonra heç nə demədən məlumatı yenidən əlavə etmiş, qısa məzmunda bununla bağlı yenidən məlumat . Buna baxmayaraq bölmə yenidən . İstifadəçinin yazdığı hansısa yazını redaktə edən kimi ya geri qaytarır, ya da səhifəni mühafizə edir. Bunu vikicəmiyyətə qarşı birbaşa hörmətsizlik kimi qəbul edirəm. — Toghrul Rahimli • M/F 09:24, 23 aprel 2020 (UTC)

Toghrul Rahimli, mən onu silməmişəm. Sadəcə digər Azərbaycan rəssamlarının siyahısına əlavə etmişəm. Necə ki, siz burada [Laboratoriyaya Qaydalardakı dəyişikliklər] edəndə, heç mənlə əlaqə saxlamayıb, qayda yaratmısız. Mənə isə bəzi idarəçilərin mənə qarşı qərəzli olmağı şübhə doğurur. Necə ki, 4-5 il əvvəl bəzi Azərbaycan istifadəçilərin Rus vikisində "gizli şəbəkə" yaratmağı xeyli istifadəçinin blok olması ilə bitdi. Bu da mənə WMF şikayət etmək stimulunu yaradır, hansının ki, fəsadları Azərbaycan vikipediyasına ancaq ziyan gətirəcək.— Azerifactory (müzakirə) 10:18, 23 aprel 2020 (UTC)

@Azerifactory, şəxs həm rəssam, həm də fotoqrafdır. Silmisiniz, buna baxmaq üçün tarixçəyə baxmaq kifayət edir. Qaydalar isə idarəçilər arasında müzakirə olunub, təkliflərdən ortaq məxrəcə gəlinib. Həm də səsverməyə çıxarılıb, birbaşa təsdiqlənməyib ki.. Sizi kimsə şəxsən tanısaydı (məqaləniz var, o heç 🙂), o zaman sizin də videokonfransda iştirakınız baş tutardı. Fəaliyyətimiz konspirativ deyil. Sizə olan ittihamlar əsaslıdır, və qeyd olunub. — Toghrul Rahimli • M/F 10:33, 23 aprel 2020 (UTC)

@Azerifactory, Heç kəs arxanızca iş görmür. Ümumiyyətlə sizi tanımırıq ki, arxanızca da iş görək. Hər şey göz qabağındadır. Şikayətlər də ortadadır, cavabsız qalan suallar da. Vikipediyadan əlavə rəsmi videogörüşümüz baş tutur. Bu da virusa görə görüşə bilmədiyimiz üçün təşkil olunur və icmalı istifadəçi qrupumuzun meta səhifəsində paylaşılır. Həmin videokonfransa da bütün idarəçilər dəvət olunur həmçinin siz də. Əgər mənə vermiş olduğunuz mail ünvanı doğrudursa sizə də bildiriş gəlir demək. Amma doğru olduğuna inanmıram, çox güman ki, mailing list üçün yeni mail açıb vermişdiz. Hörmətlə— eldarado ^✉ 10:57, 23 aprel 2020 (UTC)

Hörmətli @Azerifactory, yalan danışaraq və bir başa ona ünvanlanan sualları cavablandırmadığı üçün etimad səsverməsi təşkil edilməlidir.— Drabdullayev17 (müzakirə) 13:53, 25 aprel 2020 (UTC)

Drabdullayev17, mənə yalançı deməklə, özünüz nəzakət qaydalarınızı pozursuz. Niyə Eldarado və Turkmen dillənmirsiz? Niyə Samral qaydaları 100 dəfə pozub, ban aldığı hallarda, hələ da burada fəaliyyət göstərir? Sizin ədalətli mövqeyiniz budursa, etimad səsverməsi təşkil edin. Mən bəzi şəxslər kimi, heç nədən qorxmuram. But if I got to hell, I'm going to take everybody with me.

Araz Yaquboglu, orada ancaq vandalizmdır. Bəs siz əvvəllər AMEA-dan sifariş alıb, silinən bəzi məqalələri niyə qaytarırdız? — Azerifactory (müzakirə) 15:44, 25 aprel 2020 (UTC)

Azerifactory mən əvvala sifarişlə işləmirəm. Hamınız kimi mən də könüllüyəm. İstifadəçilərə kömək edirəm, kimsə şəkil yükləmək xahiş edir, yükləyirəm. Ya da haqsız yerə silinmiş məqalə üçün müraciət olunur baxıram və qaydalar çərçivəsində hərəkət edirəm. Məndən şikayətçi olan yoxdu. Yuxarıdakı yazılanlardan aydın olur ki, hamı sizdən narazıdı. Bu günlərdə bu xanım mənə də müraciət etmişdi. Amma mən məqaləni bərpa etmədim. Çünki ensiklopedik deyildi. Amma siz bərpa etmisiz. Bununla da müzakirədə iştirak edən 4-5 istifadəçinin fikrini bir daha öyrənməmisiz. Mənim dediyim odur ki, sildiyiniz səhifələri mühafizə etməyiniz yaxşı hal deyil. — Araz Yaquboglu (müzakirə) 16:05, 25 aprel 2020 (UTC)

Hörmətli Azerifactory. Mən bacadığım qədərilə obyektiv olmağa çalışıram bu qədər. O ki, qaldı etimad səsverməsinə. Bunuda indidən bilin ki, mənim sizin getməyiniz barədə heçbir fikrim yoxdur. Və yəqinki bitərəf olacam. Başa düşürəm əsəbləşirsiz amma mən inanmıram ki, burda sizə qarşı kimsə haqsızlıq edir. Özünüz fikirləşin düzgünmü edirsiniz? Məqalələri və şablonları uzunmüddətli vəya müddətsiz mühafizə etmək və IP-ləri uzunmüddətli bloklamaq düzgündürmü? — Turkmen ^müzakirə16:19, 25 aprel 2020 (UTC)

Turkmen, mən də heç kimdən nə çəkilmirəm və nə də əsəbləşmirəm. Sizin sualınıza qaldıqda isə istifadəçilər dəfələrlə eyni reklamlı məqalələri yaradırlar. Bu sizcə düzdür?— Azerifactory (müzakirə) 19:47, 25 aprel 2020 (UTC)

Azerifactory, "Niyə Samral qaydaları 100 dəfə pozub, ban aldığı hallarda, hələ da burada fəaliyyət göstərir?" yazmısız. Əvvəla adımı yazanda {{u|Samral}} formasında yaz (sən ki, xəbərdarlıqlarıma baxmayaraq mənə siz yox, sən deməyə davam edirsən, mən də o cür deyəcəm) ki, mənə bildiriş gəlsin, mən dərhal gəlib cavabıvı verim. Daha sonra, sən növbəti dəfə vikiqaydaları pozub yalan danışırsan. Mən nə 100 dəfə qayda pozmuşam, nə də 100 dəfə ban olmuşam. O ki qaldı niyə hələ də burada fəaliyyət göstərməyimə, bax belə əcəb edirəm, yaxşı eliyirəm, sözün var nəsə? Ya səndən icazə almalıyam burada fəaliyyət göstərmək üçün? Mən etdiyim yaxşılığı üzə vuran deyiləm, amma məcbur edirsən. Yadıva sal ki, sənin idarəçi seçilməyində mənim necə əməyim olub. Məhz mənim əsaslandırılmış lehinə səsimdən sonra əksəriyyət gəlib lehinə səs vermişdi. Nəysə.

Yeri gəlib deyə deyirəm, keçən dəfə də Baskervill götürüb VP:İMZ-də mənə qətiyyən aidiyyatı olmayan bir müzakirədə ki, "Həmin məntiqlə 50 dəfədən çox bloklanmış Samralın hər bloklanmasında daha çox bloklama müddəti təyin olunmalı idi." Baskervill-ə də dəfələrlə demişəm, indi də bir daha hamıya deyirəm ki, mən 50 dəfə bloklanmamışam və yerli yersiz mənim adımı çəkməyi yığışdırsın, yığışdırın. Hər kəs çox gözəl bilir ki, mənim bloklanma siyahımdakı bütün faktlar bloklanma deyil, əvvəla aralarında haqsız bloklanmalarım var, var ki, dəfələrlə bir idarəçi gəlib uzunmüddətli bloklayanda (həmin idarəçi də bənzər fəaliyyətinə görə hal-hazırda idarəçi deyil) bir başqa idarəçi dərhal gəlib ya blok müddətimi azaldıb, ya da tamam ləğv edib. Bundan əlavə siyahıda Cekli829 ilə bir-birimizi qısa bir müddət ərzində bloklayıb öz blokumuzu açmaq da var ki, yadınızdadırsa AzVikidəki sonuncu belə hadisə zamanı elə bu adımı yalan yerə hallandıran Baskervill və Cekli829 AzViki tarixində ilk dəfə nə şəkildə idarəçilikdən kənarlaşdırılmışdılar hər kəs görmüşdü. Ay Baskervill, belə çıxır ki, siz də 50 dəfə bloklanmısız da bu məntiqlə hə?

Xülasə, hər kəs öz işi ilə məşğul olsun. Yerli yersiz mənim adımı hallandırıb, qanımı qaraltmayın.— samral ^müzakirə20:52, 26 aprel 2020 (UTC)

Turkmen, Eldarado deyirsiz ki, mən aqressivəm amma Samral yuxarıda görün nə yazıb: mən dərhal gəlib cavabıvı verim. Bu hədə-qorxu birinci çox gülməlidir, ikincidə niyə buna mən dözməliyəm? Hər halda mən onunla kobud danışmıram. Sonra da deyirsiz ki, mən neytrallığı pozuram.— Azerifactory (müzakirə) 02:28, 27 aprel 2020 (UTC)

Hörmətli Azerifactory, əgər istifadəçinin hədə-qorxu gəlməsi doğru deyilsə sizin yuxarıda bütün Vikicəmiyyətə etdiyiniz hədəni (But if I got to hell, I'm going to take everybody with me.) necə başa düşək? Həmçinin əgər istifadəçi 100 dəfə qayda pozub və banlanıbsa demək lazımı cəzası çəkib. Bundan sonra onun burada fəaliyyət göstərməsi üçün heç bir maneə yoxdur. Bunu mühakimə etmək nə sizin nə mənim nə də başqasının iqtidarında deyil. — Drabdullayev17 (müzakirə) 07:26, 27 aprel 2020 (UTC)

Drabdullayev17, əvvəla mən dediyim hədə deyl, ingiliscə ifadədir. Əgər ingiliscə ifadələrini bilmirsizsə, bu mənim problemim deyl. İkincisi, söhbəti dəyişib, mən sualımdan yayınmayın. Niyə onun sözlərini hədə saymayırsız? Sadəcə deyin ki, Azerifactory, səni idarəçilikdən çıxartmaq istəyirik.— Azerifactory (müzakirə) 08:15, 27 aprel 2020 (UTC)

Hörmətli Azerifactory, bizim kimisə idarəçilikdən çıxarmaq kimi nə niyyətimiz var, nə də əlimizdə elə bir hüquq var. Biz vikicəmiyyətin rahat fəaliyyəti üçün çalışırıq. Hazırda istifadəçilərdən şikayətlər olduğu üçün sizi müzakirəyə çıxarmalıyıq qaydalara uyğun olaraq. Əgər vikicəmiyyət qalmağınızı istəsə qalacaqsız. Hörmətlə — eldarado ^✉ 11:07, 27 aprel 2020 (UTC)

 Cavab: @Eldarado, Azerifactory barədə bu müzakirəni açmış istifadəçi kimi açıq-aydın deyirəm ki, burada qeyd edilənlər Azerifactory-nin idarəçilik statusunun müzakirəyə çıxarılması üçün əsas olmamalı və idarəçiyə sonuncu dəfə ciddi xəbərdarlıq edilməlidir sadəcə. Yox əgər idarəçiliyi müzakirəyə çıxarlsa, əvvəla, bu səsverməyə səbəb olsa, əvvəlcədən qeyd edim ki, mən əleyhinə olacam. Çünki düşünürəm ki, bir idarəçi kimi AzVikiyə zərərindən çox xeyri var. Hətta bir sıra idarəçilərdən də çox. İkincisi də hər belə və ya buna oxşar səhvlərə görə idarəçilərin statusu müzakirəyə çıxarılacaqsa, onda bəzi idarəçilər üçün indiyə qədər 50 dəfə müzakirə və səsvermə keçirilməli idi ki, gərək.— samral ^müzakirə13:47, 27 aprel 2020 (UTC)

 Cavab: @Samral, məsələn hansı idarəçilər üçün 50 dəfə müzakirə və səsvermə keçirilməli idi ? Zəhmət olmasa konkret adlar çəkə bilərsinizmi ?— Baskervill (müzakirə) 06:20, 18 may 2020 (UTC)

İndi də "Tofiq Kərimli" ləqəbindən istifadə edən "Aydinsalis" məni çox ağır formada təhqir etmişdir. Öz də . Onun dərhal və ömürlük blok edilməsini və yazdığı təhqirlərin də tarixçədən də silinməsini tələb edirəm.
Araz Yaquboglu, Azerifactory, Babək Akifoğlu, Baskervill, Drabdullayev17, Eldarado, Eminn, Nicat49, NMW03, Qolcomaq, Sortilegus, Toghrul Rahimli, Turkmen, Wertuose, White Demon.— samral ^müzakirə19:01, 27 aprel 2020 (UTC)

Yazdığı ifadələrə görə bir həftəlik blok olundu. — Araz Yaquboglu (müzakirə) 19:12, 27 aprel 2020 (UTC)

 Cavab: @Araz Yaquboglu, 1 həftə blok? Bir dənə də mükafat verərdiz. Bu az oldu. Mənə başqa ölkənin agenti, yəni vətən xaini, yəni şərəfsiz deyib. Və siz 1 həftəlik blok edirsiz? Zarafat edirsiz? Ya mənim səbrimin həddini yoxlayırsız?— samral ^müzakirə20:08, 27 aprel 2020 (UTC)

 Y Müzakirə dayandırıldı və böhtan daşıyan şərhlər silindi.— Turkmen ^müzakirə22:18, 27 aprel 2020 (UTC)

Ümumən vikipediyaçıları təhqirə görə blok müddəti artırıldı, bir aylıq blok olundu. — Araz Yaquboglu (müzakirə) 06:31, 28 aprel 2020 (UTC)

Mənim haqqımda yazılanların hamısı yalan və böhtandır, 3 dəfə bloklayıblar, hər biri də böhtan əsasında, üzr istəmək fikriniz yoxdursa, META-ya müraciət edəcəyəm. 21 aprel 4 may arasında başıma gətirdiyiniz oyunların hamısını olmasa da bir qismi göstərilib. Tofiq Kərimli (müzakirə) 17:25, 5 iyun 2020 (UTC)

İdarəçilərdən xahiş edirəm Şöhrət adlı istifadəçinin məqaləsində ona qarşı edilən xəbərdarlığa baxmayaraq istinadlı yazıları silməsinə və redaktə müharibəsi apardığına görə ona qarşı məhdudlaşdırıcı tədbirlər görülsün. — Thunder Storm (müzakirə) 21:25, 13 iyun 2020 (UTC)

mövzu ilə bağlı gərəkli məlumat verildi. Hörmətlə — eldarado ^✉ 22:48, 13 iyun 2020 (UTC)

( • töhfələr • ). Cheers! Nadzik (müzakirə) 13:02, 15 iyun 2020 (UTC)

Thanks! Toghrul Rahimli, problemi həll edə bilərsiniz mi? --► Hörmətlə: SolaVirum 13:17, 15 iyun 2020 (UTC)

@Nadzik, thanks for pointing out the issue. He's been blocked for a week. — Toghrul Rahimli • M/F 13:23, 15 iyun 2020 (UTC)

@Toghrul Rahimli, Solavirum,, you are welcome! Cheers! Nadzik (müzakirə) 13:29, 15 iyun 2020 (UTC)

Xahiş edirəm bu İP-nin fəaliyyətinə qısa müddətli də olsa məhdudiyyət qoyulsun. Daim məqalələr yaradır, interviki verir, lakin təmamilə başqa bir səhifəyə istiqamətləndirir. — Sofy ^₪ 04:33, 20 iyun 2020 (UTC)

Hello, user Verman1 move a page to a bad name, please look to this abuse Qondarma_Erməni_soyqırımı / Erməni_soyqırımı.--WikiBayer (müzakirə) 09:05, 23 iyul 2020 (UTC)

WikiBayer  Y Done— Turkmen ^müzakirə14:15, 23 iyul 2020 (UTC)

Salam hörmətli Vikipediya ailəsi. Sizi narahat etməkdə başlıca səbəb, Vikipediyada bu [1] şablonun mövcudluğudur. Belə ki, şablonda yazılmış LGBT insan anomaliyasıdır yazısı, Vikipediyada aqressivliyi, qeyri-tolerant mühitin çiçəklənməsinə səbəb olur. Bundan başqa onu da qeyd etmək lazımdır ki, bu cür şablon, bizdən başqa heç bir digər Vikipediya dil bölümündə mövcud deyil. Bu səbəbdən də mən, idarəçilərdən, bu şablonu silmələrini artıq dərəcədə xahiş edirəm. Hörmətlə: --Farid Aliyev (müzakirə) 07:36, 7 avqust 2020 (UTC)

  Əleyhinə: idarəçi olmasam da özümü buna fikir bildirmək məcburiyyətində görürəm. Qeyd etmək lazımdır ki, bu şablon istifadəçilərə aiddir və öz fikirlərini səsləndirmələri üçündür. "Vikipediyada aqressivliyi, qeyri-tolerant mühitin çiçəklənməsinə səbəb olur" demək olar istifadəçi şablonlarının hamısı aiddir. Adicə mənim öz istifadəçi səhifəmdə nə qədər siyasi istifadəçi şablonu var, hansı ki, İrandan tutmuş Ərdoğana qədər pisləyir. İdarəçilərin bu təklifi yerinə yetirməsi birbaşa olaraq senzura olardı. Həmçinin, "bizdən başqa heç bir digər Vikipediya dil bölümündə mövcud deyil" iddiasını təsdiqləmək lazımdır, çünki demək olar heç bir istifadəçi şablonunun intervikisi olmur ki, deyək "bax, yoxdur". --► Hörmətlə: SolaVirum 14:11, 8 avqust 2020 (UTC)

  Əleyhinə: Bənzər mesajlar digər vikipediyalarda da var. Məsələn polyakca vikipediyada bu istifadəçi səhifəsinə baxa bilərsiniz. — Drabdullayev17 (müzakirə) 15:54, 8 avqust 2020 (UTC)

Hörmətli Drabdullayev siz polyakca Vikipediyada olan şablonda LGBTnin anomaliya olduğunu bildirən yazı görürsünüz? Şablon da yazmaq olar ki, bu istifadəçi LGBTyə qarşıdır. Daha anomaliya nə deməkdir? Bu birbaşa mənə qarşı olan hörmətsizlikdir. --Farid Aliyev (müzakirə) 17:43, 8 avqust 2020 (UTC)

Hörmətli Keete 37 sizin LGBT üzvü olduğunuzu bilmiridim və bunun mənim üçün əhəmiyyəti yoxdur. Siz LGBT üzvü olmağınızı azad seçmək hüququna maliksiniz və kimsə də bunun anomaliya olduğunu düşünməkdə azaddır. Bu arada mən həkiməm və anomaliya sözünü niyə təhqir olaraq görməyiniz mənə maraqlı gəldi. — Drabdullayev17 (müzakirə) 09:26, 10 avqust 2020 (UTC)

Cənab Drabdullayev, Vikipediyada heç kim, dininə, rənginə, cinsinə və seksual oriyentasiyasına görə sıxışdırıla bilməz. Heç bir şəxsin Vikipediyada azadlıqdır, demokratiyadır deyərək, digərlərini aşağılaya bilməz. Azərbaycanca Vikipediya azərbaycan mentalitetinə uyğun şəkildə yaradılmayıb. Bizim Vikipediya sadəcə olaraq qlobal ensiklopediyanın bir dil bölməsidir. Əgər bu gün, bir insan, şablonda LGBT ANOMALİYADIR yazırsa və siz buna normal yanaşırsınızsa, deməli sabah kiminsə, üzərində QARADƏRİLİLƏR ANOMALİYADIR yazısı olan yeni bir şablonun yaradılmasına qarşı olmayacaqsınız. Bu isə qətiyyən yolverilməzdir. Siz burada demokratiya və söz azadlığı adı altında, diskriminasiya tərəfində durursunuz. Mənə deyə bilərsiniz ki, Siz homoseksualsınız, bu Sizin seçiminizdir, ancaq burada insanlar var ki, onlar bunun tərəfdarı deyillər. Buna cavab olaraq lakonik tərzdə onu demək istəyirəm ki, LGBTni aşağılamaq, bir insanı dininə və ya dərisinin rənginə görə aşağılamaq kimi bir şeydir və bu səbəbdən də, şablon ya silinməli, ya da oradakı Anomaliya sözü yığışdırılmalıdır. Çünki şəxsən mən özümü başqası tərəfindən qeyri normal birisi kimi qəbul edilməyi hazırlaşmıram. Məsələ həllini tapmadığı halda, bu barədə Qlobal Vikimediyaya müraciət edəcəm. Bu arada siz həkim ola bilərsiniz. Lakin Azərbaycanda həkimlərin LGBTyə olan münasibətləri heç də dünya standartlarına uyğun deyil. Bu ümumilikdə Azərbaycan səhiyyə sisteminin hələ də qloballaşmaması ilə əlaqədardır. --Farid Aliyev (müzakirə) 17:25, 10 avqust 2020 (UTC)

Bu məsələ çox " xarakterlidir, hər hansısa istifadəçi müəyyən qrupu "anomaliya", ya da "müqəddəs varlıq" hesab etməkdə azaddır. --► Hörmətlə: SolaVirum 13:40, 11 avqust 2020 (UTC)

Lütfən bu istifadəçinin fəaliyyətinə qısa müddətli də olsa məhdudiyyət qoyulsun. Xəbərdarlıq etməyimə rəğmən yenə də məqalələrə keçidlər əlavə edir. — Sofy ^₪ 06:10, 27 avqust 2020 (UTC)

İdarəçilərdən xahiş edirəm ki, əksər aktiv və təcrübəli idarəçilərin də şərhlərdəki arqumentlərinə də əsasən bu qanunsuz səsverməni dayandırsınlar. Əgər indi bu qanunsuz və əsassız səsvermə dayandırılmasa, sabah, birigün də bir başqası başına 1-2 ermənipərəsti yığıb gəlib səsvermə keçirəcək ki, Naxçıvan məqaləsini Vaspurakan, Qarabağ məqaləsini Artsak və s. edək.— samral ^müzakirə12:33, 28 avqust 2020 (UTC)

Araz Yaquboglu, Azerifactory, Babək Akifoğlu, Drabdullayev17, Eldarado, Eminn, Nicat49, NMW03, Qolcomaq, Sortilegus, Toghrul Rahimli, Turkmen, Wertuose, White Demon

— samral ^müzakirə19:16, 30 avqust 2020 (UTC)

Məqalə adı dəyişmək üçün nə səsvermə? O səsvermənin hüquqi əsası yoxdur, sadəcə fikir mübadiləsi kimi dəyərləndirilə bilər. — Sortilegus (müzakirə) 21:10, 30 avqust 2020 (UTC)

Samral və Sortilegusa qatılıram.Dr.Wiki54 (müzakirə) 22:00, 30 avqust 2020 (UTC)

Sözügedən səhifədə də qeyd etmişəm. Bu tip məsələlərdə səsvermə düzgün deyil, daha doğru olanı müzakirə sistemidir. Çoxluğun əzici qüvvə ilə azlığa qalib gəlməsi Vikipediya prinsiplərinə ziddir. "Vikipediya:Vikipediya nə deyil?" qaydasının "Vikipediya demokratiya deyil" bölməsinin mətninə diqqət edək : Vikipediya demokratiyanın və ya başqa siyasi sistemin sınaq meydanı deyil. Mübahisələr zamanı həqiqəti üzə çıxarmaq üçün müzakirə, konsensus əldə edilməsi daha prioritetlidir, nəinki səsvermə. Başqa sözlə, heç də çoxluğun fikri Vikipediyanın rəsmi qaydası kimi qəbul edilməməlidir. Lakin müəyyən məsələlərin həll edilməsində səsvermə daha təsirli rol oynaya bilər, məsələn Silinməyə namizəd göstərilmiş məqalələrin silinməsinə dair səsvermə.— Turkmen ^müzakirə22:22, 30 avqust 2020 (UTC)

Onsuz da orda qərar səsvermə çoxluğu ilə alınmayacaq, müzakirə yolu ilə qərarlar alınır. Vikipediya Belarus deyil ki.— 127-ci yapon imperatoru 02:39, 31 avqust 2020 (UTC)

Oradakı "səsvermə"nin şərhində qeyd etdiyim kimi - bu məsələ vaxtilə müzakirə edilib. Yenə də müzakirə edilə bilər. Amma səsvermə ilə yox. Vaxt itkisindən başqa bir şey deyil. — Araz Yaquboglu (müzakirə) 04:46, 31 avqust 2020 (UTC)

Məqalə adının dəyişdirilməsi üçün səsvermə başlamağa heç bir ehtiyac yoxdur. Belə məsələlər üçün müzakirə səhifəsi mövcuddur. — Babək Akifoğlu (müzakirə) 21:48, 31 avqust 2020 (UTC)

Səsverməni bağladım. Belə bir təcrübənin tətbiqi Vikipediyamız üçün çox mənfi nəticələrə gətirə bilər. — Eminn ismarıc 10:44, 1 sentyabr 2020 (UTC)

Salam. Tofiq Yaqublu səhifəsində , lütfən.→Vago ^ms 15:53, 15 sentyabr 2020 (UTC)

Salam.

1. Fikirimcə, silinməyə namizəd göstərməzdən əvvəl məqalələrə, məsələn, "ensiklopedik əhəmiyyətliliyi şübhə doğurur" məlumatı əks etdirilmiş şablon yerləşdirilməlidir. Beləcə, məqalənin ensiklopedik əhəmiyyətli olub-olmaması müzakirə səhifəsində isbatlanmağa çalışılmalıdır. Mümkün olduqda, müzakirəyə şəxsin fəaliyyət göstərdiyi sahə üzrə Vikipediya istifadəçiləri arasındakı mütəxəssislər cəlb edilməlidir. Bununla, həm də istifadəçilərə məqalənin müzakirə olunması üşün müzakirə səhifəsinin də olduğunu xatırlatmaq lazımdır. Eyni zamanda istifadəçilər arasında Vikipediyanı "Şəxsi mən tanımıramsa, deməli silinməlidir" əndazəsindən çıxarmaq lazımdır. Beləliklə, müzakirələrin nəticəsi olaraq İdarəçilər xüsusi səsvermə səhifəsi yaratmaqla məqalənin SNS-də müzakirəyə çıxarsınlar.
2. Onsuz da qaydasızlığın hökm sürdüyü bir Vikipediyada (yazılıb təsdiq edilməsini gözləyən 30-a yaxın qayda var) yuxarıda deyilənlər bir utopiyaya bənzəyir. Heç olmasa bunu edə bilərik ki, məqaləni silinməyə namizəd etdikdə, hansısa formada SNS səhifəsindəki şərhlərin məqalənin müzakirə səhifəsində aparılması kimi təşkil etmək olar. Bunu hər məqalə üçün ayrıca səsvermə səhifəsi yaratmaqla da həll etmək olar.
3. Ən azından bunu etmək lazımdır ki, SNS-də məqalənin saxlanılmasına qərar verildikdə, onun haqqında aparılan müzakirələr məqalənin müzakirə səhifəsinə köçürülsün ki, gələcəkdə bunu təkrarlamaq istəyənin heç olmasa bu haqda məlumatı olsun. Ola bilər bu gün bir məqalə yaradım, 5-6 nəfər dəstəkləsin və məqalənin ensiklopedikliyi sübut olsun (?), amma gələcəkdə təsdiq olunacaq Vikipediya qaydaları bunun əksini deyəcək. Hörmətlə, →Vago ^ms 03:19, 18 sentyabr 2020 (UTC)

Vəzifəm olmasa da, mövzuya müdaxilə edəcəm. Hörmətli Vago, əslində bu mövzu ilə bağlı belə bir söhbət də var ki, səhifəyə {{Saxlanıldı}} şablonu yerləşdiriləndə orada arxivə keçid verilir. Yəni, səhifə haqqında aparılan müzakirəyə istinad verilmir. Bu barədə təzəlikcə Verman1 də qeyd edib. Əgər həmin şablondan müzakirəyə keçid verilsə problem həll olar fikrimcə. — Surə ^🗯 08:18, 21 sentyabr 2020 (UTC)

• Birinci təklif maraqlıdır, amma onu texniki olaraq həyata keçirmək nə dərəcədə mümkündür onu bilmirəm. Tutaq ki, hansısa məqalənin müzakirə səhifəsində səsvermə başlanıldı. Ora kimlər və hansı yolla cəlb ediləcək? Bildiriş onlara nə yolla göndəriləcək? Belə başa düşürəm ki, bunun üçün ayrıca gadget hazırlanmalıdır. — Thunder Storm (müzakirə) 10:51, 21 sentyabr 2020 (UTC)

Məncə də SNS-də hər məqalə üçün səhifə yaratmaq olar. Amma mənim fikrimcə, səsvermənin aktiv olduğu halda müzakirə səhifəsində yerləşdirilməsi və ya müzakirə səhifəsində yeni bir müzakirə aparılması bizim vikidə heç bir nəticə gəstərməyəcək. Aktivlik barədə danışmağa gərək yoxdu. Hələlik heç olmasa dediyim şablon müzakirəyə istinad etsə, ya da müzakirə səhifəsinə keçirilmiş səsvermənin surəti yerləşdirilsə bəsdir. Təklif etdiyiniz fikirlər həqiqətən maraqlı və faydalıdır, amma dediyim kimi, bu yeniliklərin tətbiq olunacağına heç mənim də (normalda bu tipli yeniliklərin tərəfdarıyam) ümidim yoxdur. — Surə ^🗯 13:49, 21 sentyabr 2020 (UTC)

Hörmətli Vago və Verman1 bu səhifədəki versiya haqqında nə düşünürsünüz? Hələlik müzakirəni copy-paste edib yerləşdirmək mümkündür. Amma gələcəkdə SNS-də hər məqalə üçün səhifə yaradılan sistemə keçsək rahat olar inşAllah. Bu arada şablona müzakirəni əlavə etmədikdə köhnə versiya görsənir. Tənbəllər üçün də seçim var :) — Surə ^🗯 17:13, 21 sentyabr 2020 (UTC)

Hörmətli Sura Shukurlu, müzakirəni arxivləşdirib, həmin keçidi bu şablona da yerləşdirmək olar. →Vago ^ms 18:51, 21 sentyabr 2020 (UTC)

@Vago, necə məsləhət görürsünüzsə. Hansı yol daha əlverişlidirsə, ondan da istifadə edilsin. — Surə ^🗯 12:09, 23 sentyabr 2020 (UTC)

@Sura Shukurlu,, nə deyəcəyimi özüm də bilmirəm. Onu bilirəm ki, səhifənin silinməyə namizəd göstərilməsi "qeyri-ensiklopedik" sözü yazmaqla olmaz! Bu da əsaslandırılmalıdır. Əslində qaydalar təsdiq olunmadığına görə elə SNS-də vəziyyətin fal açmaq yolu ilə bu cür də davam edəcəyini düşünürəm. Vikipediya:Səsvermə/Səhifələrin qismən mühafizəsi qaydası 10 gündən yuxarıdır müzakirəyə çıxarılıb. 15 idarəçisi, 3 bürokratı olan vikipediyada cəmi məsələyə yaxşı, yaxud pis, 5 nəfər münasibət bildiririb. Çox təəssüf edirəm, indikindən fərqli olaraq, 10 il bundan qabaq bu cür məsələlər olanda, qaydaların qaydaya salınmasına hərə bir tərəfdən bacardığı qədər düzəliş və təklif verirdi.→Vago ^ms 12:51, 23 sentyabr 2020 (UTC)

Xahiş edirəm bu istifadəçini təcili bloklayın. Ancaq vandalizmlə məşğul olur. — Surə ^🗯 07:32, 21 sentyabr 2020 (UTC)

 Y — eldarado ^✉ 14:18, 21 sentyabr 2020 (UTC)

Eldarado, bu gün vandallar yaman çoxalıb. Eyni bloku bu istifadəçiyə də tətbiq edin zəhmət olmasa. — Surə ^🗯 18:34, 21 sentyabr 2020 (UTC)

 Y — Nicat^{49   ⋠müzakirə⋡} 22:48, 21 sentyabr 2020 (UTC)

Salam, Silinməyə namizəd səhifələrin baş tərəfində yazılır: "Səhifənin adı və silmə səbəbi iddiaçı tərəfindən daxil edilir. Arqumentlər göstərilir."

Əgər kimsə məqaləni bu səhifəyə daxil edirsə, deməli məqaləni ensiklopedik olmadığını hesab edir. Yəni məqaləni səhifəyə yazıb, "ensiklopedik əhəmiyyətli olduğunu düşünmürəm" kimi ifadə işlətməsi artıqdır. Buradan belə anlaşılır ki, məqaləni daxil edən məqalənin silinməsinin zəruri olması üçün səbəb kimi yalnız bu kimi ifadə işlədirsə, əslində heç bir səbəb göstərməyib. O zaman bu məqalə dərhal SNS-dən çıxarılmalı və bu haqda məqaləni daxil edən istifadəçiyə xəbərdarlıq edilməlidir. İndiyə kimi məsələyə riayət olunmayıbsa, bundan sonra diqqət olunmasını xahiş edirəm.→Vago ^ms 04:40, 28 sentyabr 2020 (UTC)

Salam. Dünən qəribə bir halla rastlaşdım. Təqribən ilyarım əvvəl belə bir səsvermə aparılıb: Məqalənin adı "Erməni soyqırımı" olsun, yoxsa, "Qondarma erməni soyqırımı". Səsvermədə "Qondarma erməni soyqırımı" lehinə 24 səs, əleyhinə 13 səs olmaqla, hörmətli idarəçi eldarado lehinə səs verdiyi səsverməni yekunlaşdıraraq, məqalə adının "erməni soyqırımı" olaraq saxlanılmasına qərar verib. Belə başa düşürəm ki, sadə səsvermə ilə (50%+1) aparılmalı olan səsverməni, yəni məqalə adı "Qondarma erməni soyqırımı" olsun, yoxsa, "Erməni soyqırımı" status-kvonun dəyişməsi adı ilə 2/3 səs çoxluğunun olmaması səbəbindən məqalənin adının saxlanılmasına qərar verilib, heç kim də etiraz etməyib (?). Gələk staus-kvonun dəyişməsi məsələsinə. Təqribən 10 il əvvəl Vikipediyada idarəçi seçkiləri il bağlı qayda hazırlanarkən, status-kvonun dəyişməsi ilə bağlı düzəlişləri tərəfimdən işlənildiyinə görə xatırımda qalıb və bura da əlavə edirəm (). Yəni idarəçi, belə deyək, səsvermədə neytral və lehinə səslərlə birlikdə 2/3 səs toplamalı olduğuna görə, bayrağın geri alınması üçün də eyni tələb irəli sürülmüşdü və bu qəbul edilmişdi. Bu da məntiqlə başadüşüləndir. Mənə qəribə gələn budur ki, hansı məntiqlə məqalə adının dəyişilməsi 2/3 səs çoxluğu ilə həyata keçirilməsidir. Məgər məqalə adı seçəndə, yaxud əvvəlki adı dəyişəndə 2/3 səs çoxluğu ilə olub ki?!

Fikrim təkcə bu məqaləyə aid deyil, ümumiyyətlə məsələyə yanaşmadadır.

Hörmətli idarəçilər Araz Yaquboglu, Azerifactory, Babək Akifoğlu, Baskervill, Eldarado, Drabdullayev17, Eminn, Qolcomaq, Nicat49, NMW03, Sortilegus, Toghrul Rahimli, Turkmen, Wertuose, White Demon, xahiş edirəm ki, iştirakçısı olduğunuz bu məsələyə aydınlıq gətirəsiniz. Hörmətlə, →Vago ^ms 04:17, 1 oktyabr 2020 (UTC)

Vago, gec də olsa, fikrimi qeyd edim. Belə məsələlərdə səsvermənin əleyhinəyəm. Müzakirə əsasında müəyyənləşməlidir adlar. Sırf bu məsələdə, ümumiyyətlə, məqalə adında əlavə izaha ehtiyac görmürəm. Yəni "qondarma" olub-olmadığı məqalənin məzmununda göstərilməlidir.—Eminn ismarıc 05:08, 27 oktyabr 2020 (UTC)

Salam VikiAz idarəçiləri xahiş edirəm, İstifadəçi:Sefer Eyvazov adlı şəxsi bloklayasınız və ya xəbərdarlıq edəsiniz. Tarix Əliyev səhifəsində vandalizmlə məşğul olmuşdur. Xeyal Azerbeyli ^🗯 18:08, 28 oktyabr 2020 (UTC)

Sizdən bir mövzu haqqında yardım almaq istəyirəm. Yaratdığımız səhifələrdə digər istifadəçilər tərəfindən edilən dəyişikliklərdən bildiriş almaq mümkündürmü ? Bu halla çox rastlaşıram. (Digər vikipediyalarda da) Lütfən, dəstək göstərəsiniz. — Bu imzasız yazı Xeyal Azerbeyli (m • t) adlı istifadəçi tərəfindən əlavə edilib;

Xeyal Azerbeyli, salam. Xeyr, bu halda bildiriş almaq mümkün deyil. Amma redaktə etdiyiniz və ya yaratdığınız səhifələr "izlədiyiniz səhifələr"ə daxil edildiyi üçün bu səhifələr üzərindəki dəyişiklikləri buradan izləyə bilərsiniz. Ümumilikdə istədiyiniz hər hansı bir səhifənin həmin siyahıya daxil edilməsini istəyirsinizsə, ulduza bir dəfə klikləməyiniz yetərlidir. — Surə ^🗯 09:53, 8 noyabr 2020 (UTC)

Xeyal Azerbeyli, "Nizamlamalar"da "istifadəçi profili" bölməsində aşağıda e-mail parametrləri hissəsində belə seçim var: "İzləmə siyahısımdakı bir səhifə və ya bir fayl dəyişdirilərkən mənə e-poçt göndərin.". Yaratdığınız səhifələri izləmə siyahınıza əlavə etsəniz və seçimi işarələrələsiniz, həmin səhifələrdə redaktə ediləndə sizə e-mail göndəriləcək.— Eminn (müzakirə) 16:51, 8 noyabr 2020 (UTC)

Salam dəyərli Surə və Eminn vikipediya istifadəçiləri. Köməyiniz üçün çox təşəkkür edirəm. Bu arada həmin səhifələrdə səhvlərimi də anlamış oldum, çalışacam ki, daha da diqqətli olum. 15:24, 9 noyabr 2020 (UTC) — Bu imzasız yazı Xeyal Azerbeyli (m • t) adlı istifadəçi tərəfindən əlavə edilib;

Hər kəsə salam. İstifadəçi Qolcomaq heç bir elmi əsas olmadan və elmi mənbəyə istinad etmədən Gəncəsər monastırı məqaləsinə populist məlumat əlavə edir. İki dəfə geri qaytarsam da, əhəmiyyət vermir. Zəhmət olmasa məsələyə diqqət yetirin. İndiki vaxtda vikipediyanın elmi dəyərinə ziyan verən bu cür addımlardan çəkinmək çox vacibdir məncə. Hörmətlə — sefer azeri 13:54, 6 noyabr 2020 (UTC)

Hörmətli sefer azeri mən məqaləyə ağlıma gələni yazmamışam. Əlavə etdiyim məlumata iki istinad əlavə etmişən. İstinadı olan cümləni artıq ikinci dəfədir ki, geri qaytarırsınız. Bundan əvvəl sizə bir dəfə xəbərdarlıq etmişdim. Bu artıq ikinci xəbərdarlıqdır ki, sizə edirəm. Üçüncü dəfə bu sizin bloklanmağınızla nəticələnək.— Q🅾⚓Ç🅾Ⓜ🅰Q ^✉ 17:50, 6 noyabr 2020 (UTC)

Qolcomaq belə olan halda, məqaləni redaktələrimdən əvvəlki hala qaytarıram və yazdıqlarımı açıq istifadəyə verməkdən imtina edirəm. İstədiyiniz redaktəni edə bilərsiz, uğurlar. — sefer azeri 17:59, 6 noyabr 2020 (UTC)

Hörmətli Qolcomaq və Sefer azeri, xahiş edirəm, bir fikrə görə belə mübahisə etməyin və nəzakətli olun. Vikipediyada ən çox məzmun zənginləşdirən istifadəçilərdənsiniz. O ad etibarlı mənbələrdə varsa, məncə, məqalədə də göstərilməlidir. Tarixi mənbələrdə yoxdursa da, məqalənin bir hissəsində əlavə məlumat kimi vermək olmaz. Tarixçi deyiləm, amma bu vəziyyətə uyğun həll yolu kimi ağlıma gələn variantı yazdım. Həmçinin təcrübəli istifadəçilərin belə vəziyyətlərdə bloklanmasını qətiyyən qəbul etmirəm.— Eminn (müzakirə) 16:38, 8 noyabr 2020 (UTC)

Eminn, mən bloklanmaqla heç nə itirmirəm, mənim fəaliyyətimi dayandırmağım azvikinin itkisi olacaq (yekəxanalıq eləmək üçün demirəm, neçə illərdi məni tanıyırsız və fəaliyyətimə bələdsiz, düşünürəm ki, belə deməyə haqqım var). On ildən çox fəaliyyət tarixçəsi olan məni məqalə redaktə elədiyimə və ya hansısa məqalənin məzmunu ilə razı olmadığıma görə bloklamaqla hədələyən idarəçinin ədalətli olduğuna qətiyyən inanmıram. İstənilən məqaləni işləyərkən tapa bildiyim qədər çoxlu sayda ədəbiyyat və elmi mənbələrdən istifadə eləməyə çalışıram. Bu məqalə ilə bağlı araşdırdığım heç bir Azərbaycan, rus və erməni mənbəsində Xəzinədağ sözünə rast gəlməmişəm. Qolcomaq heç bir elmi əsası olmayan qəzet məqaləsi və Rəşid Göyüşovun heç bir mənbəyə istinad etmədən yazdığı oçerk formalı kitabına istinadən tarixi abidəyə alternativ ad verməyə çalışır. Halbuki, bölgənin tarixi ilə əlaqəli müxtlif akademik və professorların onlarla sanballı elmi əsərlərində, həmçinin XII-XIX əsrlərə aid tarixi mənbə və sənədlərdə abidənin adı Gəncəsər (Qandzasar) kimi qeyd edilir. Ona görə bir tarixçi olaraq, o neçə həftə əziyyət çəkib, o kitabdan, bu kitabdan tərcümə elədiyim, bir araya yığıb düzüb-qoşduğum və o qədər elmi mənbəsi olan məqaləyə populist, revizionist məlumatın əlavə edilməsini özüm üçün, çəkdiyim əziyyət üçün təhqir hesab edirəm. Bütün bunları nəzərə alaraq, bu cür revizionist fikirlərin mənim yazdığım mətndə yer almaması üçün məqaləni açıq istifadəyə verməkdən imtina etdim. Qoy elə bu gündə qalsın, əsas odu preambulada "əsl adı" göstərilib. Bütün dünyanı özümüzə güldürməyə davam edək. Hörmətlə — sefer azeri 17:52, 8 noyabr 2020 (UTC)

Əvvəla sefer azeri siz bir təcrübəli istifadəçi olaraq yaxşı bilirsiniz ki, yayımladığınız hər məqalə artıq ictimai mülkiyyət sayılır və sizin şəxsi əmlakınız deyil. Məqaləni redaktələrimdən əvvələ qaytarıram və yazdıqlarımı açıq istifadəyə verməkdən imtina edirəm kimi ifadələr deyərək və redaktələrinizi geri qaytararaq qaydaları pozduğunuzu yaxşı bilirsiniz. O ki qaldı, məqaləyə əlavə etdiyim məlumatı özümdən kəşf etməmişəm. Məbədin Xəzinədağ adlandırılmasınımn səbəbi onun eyni adlı dağın ətəyində yerləşməsi ilə əlaqədardır. Sadəcə erməni dilində məbədin adına fikir verin: mənası xəzinədağı məbədi kimi tərcümə olunur (ru vikidə mənbəli tarix bölməsinə baxsaz yetər.) Bu alban məbədidir. Ermənilərin isə Qarabağa köçürülməsinin XIX əsrdən başladığını nəzərə alsaq 12-ci əsrə aid məbədin erməni dilində avtomatik Xəzinədağ məbədi - Qandzasara çevrilir. Kazna (rusca), qanc (ermənicə) və xəzinə (az.). Yer adları tarixin elə təcəssüməsidir. Məntiqi anmlamadan bir şey anlamayacaqsan. Xəzinədağ barədə kifayət qədər google axtarış sistemində səhifə tapmaq olar. Sizin bu barədə məlumatınızın olmaması hələ bu məsələnin həqiqət olmaması anlamına gəlmir.— Q🅾⚓Ç🅾Ⓜ🅰Q ^✉ 18:54, 8 noyabr 2020 (UTC)

Qolcomaq monastır dağın ətəyində yox, zirvəzindədir. Erməni dilinə gəlincə, son illərə qədər udinlər ibadət zamanı qədim erməni dilindən istifadə edirdilər. VIII əsrdə ərəblər tərəfindən alban kilsəsinin erməni kilsəsinə tabe edilməsindən sonra katolikosun göstərişi ilə alban dilində dini ədəbiyyat məhv edilir və kilsələrdə ibadət yalnız qrabarda (qədim erməni dili) həyata keçirilir. Buna görə də, bir çox orta əsrlərə aid alban məbədlərinin adlandırılmasında qədim erməni dilindən istifadə olunub. Çünki, albanlar bu dili ibadətdə istifadə edirdilər (müsəlmanların ərəb dilini istifadə etməsi kimi). Qədim erməni dilində isə bir çox sözlər parf dilindən alınma idi. Gəncəsər sözünün tərkibində olan iki söz də Ganj və sar parf dilindədir. Ganj (Gəncə adında da istifadə olunub) xəzinə, sar təpəlikdi. Eyni sözlər parf dilindən qədim erməni dilinə də keçib. Müasir erməni dilində isə istifadə olunmurlar ümumiyyətlə. Nəyinsə qədim erməni dilində olması, onun ermənilərə aid olması demək deyil, hər şeyin çox gözəl tarixi izahı var. Kalankatlının III cild, V-IX fəsillərini oxusanız dediklərimi daha yaxşı başa düşərsiz. O ki, qaldı yuxarıda qeyd etdiklərinizə, əgər müəllif olaraq, hansısa şəkili və ya mətni açıq istifadəyə verməkdən imtina edirəmsə, bu mənim haqqımdır. Yuxarıda da qeyd elədiyim kimi, heç bir qeyri-elmi məlumatı əziyyətlə topladığım, tərcümə etdiyim, yazdığım məqaləyə əlavə etməklə razılaşa bilmərəm. Hörmətlə — sefer azeri 19:15, 8 noyabr 2020 (UTC)

Dağın zirvəsi və ya ətəyi nə fərqi, Sizə bu adın yaranma etimologiyasını yazmışam, sizdə bunun mən dediyim kimi olduğunu təstiqləyirsiniz. Açıqlamasınıda gözəl tərzdə verirsiniz. Mən yenə deyirəm məlumatı özümdən kəşf etməmişəm. Axtarış sistemində baxa bilərsiniz.— Q🅾⚓Ç🅾Ⓜ🅰Q ^✉ 19:44, 8 noyabr 2020 (UTC)

Salam. Lütfən bu istifadəçinin fəaliyyəti ilə bağlı lazımi addım atılsın. İstifadəçi vandalizmlə məşğuldur. — Surə ^🗯 22:38, 28 noyabr 2020 (UTC)

 Y.— Nicat^{49   ⋠müzakirə⋡} 00:21, 29 noyabr 2020 (UTC)

İdarəçilərdən pozuculuq fəaliyyəti ilə durmadan məşğul olan bu İP-nin bloklanmasını xahiş edirəm. — Thunder Storm (müzakirə) 00:05, 9 dekabr 2020 (UTC)

Bu İP də eyni fəaliyyətlə məşğuldur. Xahiş edirəm bloklansın.— Thunder Storm (müzakirə) 17:44, 25 dekabr 2020 (UTC)

Salam hörmətli idarəçilər Tehran Mənsimov məqaləsini müvəqqəti (1 və ya 2 ay müddətinə) olaraq mühafizə edə bilərsiniz ? Rütbəsini dəyişdirənlər var, Milli Qəhrəman adı verənlər var və s. :-) Grenzsoldat (müzakirə) 19:24, 13 dekabr 2020 (UTC)

İdarəçilərdən CCavadov adlı istifadəçinin Tofiq Yaqublu məqaləsində yenidən redaktə müharibəsinə başlamasına diqqət yetirmələrini xahiş edirəm. Sentyabr ayında baş verən eyni redaktə müharibəsində məqalənin qısaldılmış variantı daha ensiklopedik kimi qəbul edilmiş və idarəçi Wertuose tərəfindən məqalə mühafizəyə alınmışdır, istifadəçi CCavadov isə pozuculuq fəaliyyətinə görə bloklanmışdı. Lakin həmin istifadəçi blokdan azad olan kimi və səhifənin mühafizəsi Turkmen tərəfindən aradan qaldırıldıqdan dərhal sonra yenidən məqaləni siyasi təbliğat alətinə çevirərək redaktə müharibəsinə davam edib. İstifadəçiyə qarşı tədbir görülməsini və səhifənin uzunmüddətli mühafizə olunmasını xahiş edirəm. — Thunder Storm (müzakirə) 22:08, 25 dekabr 2020 (UTC)

Salam hörmətli idarəçilər. Verman1 adlı istifadəçi mənimlə redaktə müharibəsi aparır. Ona cavab vermədim. Bir dəfə bir neçə ay əvvəl cavab verdim, nəticədə nədənsə mən bloklandım. Zəhmət deyilsə Verman1 adlı istifadəçiyə qarşı ölçü götürün. Grenzsoldat (müzakirə) 22:14, 25 dekabr 2020 (UTC)

Araz Yaquboglu, Baskervill, Eldarado, Toghrul Rahimli, Turkmen Grenzsoldat (müzakirə) 22:16, 25 dekabr 2020 (UTC)

Verman1, zəhmət olmasa səbəbsiz və müzakirəsiz məqalədəki iri həcmli mətni nə üçün çıxardığınızı qeyd edin. Hörmətlə — eldarado ^✉ 06:23, 28 dekabr 2020 (UTC)

Eldarado, yuxarıda açdığım müzakirədə qeyd etmişəm. — Thunder Storm (müzakirə) 06:36, 28 dekabr 2020 (UTC)