Vikipediya:İnzibatçılara müraciət

Hörmətli inzibatçılar,

Bu məsələnin məndə ən narahat edici tərəfi odu ki bütün bu ağır və sübutsuz ittihamlar adi istifadəçi tərəfindən deyil, inzibatçı statusuna malik istifadəçi tərəfindən səsləndirilir.

Son müzakirələrdə mənim ünvanıma açıq şəkildə əsassız və sübutsuz ittihamlar səsləndirilir. “Maliyyə-İqtisad Kolleci” məqaləsini guya mənim yaratdığım iddia olunur. Bu, tarixçə ilə saniyələr içində yoxlanılan faktdır və açıq şəkildə həqiqətə uyğun deyil. İstifadəçinin yoxlanıla bilən faktı araşdırmadan ictimai ittiham irəli sürməsi qəbuledilməzdir.

Bundan əlavə “Hətta müəllif saxta istinadlardan istifadə edir ki, bu da çox ciddi məsələdir.” kimi son dərəcə ağır ittiham səsləndirilir. Hansı istinadın saxta olduğu göstərilmir, heç bir diff təqdim edilmir. Bu cür ittiham konkret sübut olmadan yazıla bilməz. Əgər problemli istinad varsa, göstərilir və müzakirə olunur. Amma ümumi şəkildə “saxtadır” yazmaq artıq şəxsi nüfuzu hədəfə almaqdır.

Bir istifadəçinin digər məqalələri silinməyə namizəd göstərməsi qaydalara uyğundursa, bu onun öz yaratdığı məqalələrə avtomatik şəkildə şübhə yaratmır. Bu, məntiqi arqument deyil. Əgər konkret məqalədə problem varsa, həmin məqalə üzrə konkret əsas göstərilməlidir.

“Məqalənin müəllifi digər məqalələri silinməyə namizəd göstərir, amma öz yaratdığı məqalələr suallar doğurur” — bu cümlə 3 dəfə ayrı-ayrı sns-lərdə təkrarlansa da, konkret fakt təqdim olunmur.

30 dəqiqə ərzində ard-arda 3 məqaləni eyni məzmunlu, şablon xarakterli arqumentlərlə silinməyə namizəd göstərmək konstruktiv fəaliyYət deyil. Üstəlik hər dəfə eyni cümlələrin təkrar edilməsi və konkretləşdirmədən yayınma davranışı artıq qərəzli yanaşma təsiri bağışlayır. Bu artıq icma mühitinə mənfi təsir göstərir və bununla bağlı müvafiq tədbir görülməsi məqsədəuyğun olar.

Susdum susdum heçnə yazmadım axrıncıda isə "Ümumiyyətlə istifadəçinin fəaliyyəti çox qəribədir. Yazdığı məqalələrdə məlumatlara saxta istinadlar verir məsələn. Bir az əvvəl də süni intellekt ilə arqument yazıb sonra sildi." yazdığı üçün bu yazını geri qaytardım. Halbuki üzr istədiyi üçün silmişdim bu yazını. Javid (müzakirə) 20:21, 23 fevral 2026 (UTC)Cavabla

Baxıram və görürəm ki, yenə milçəkdən fil düzəlir. Həmkarım Sura xanım burada cinayət törətməyib ki. İnzibatçı sadəcə öz fikrini deyib. Bir az sərt deyib, bəlkə haradasa faktı səhv salıb, amma bu o demək deyil ki, biz dərhal "bloklansın" davası döyməliyik. İş görən adamın səhvi də olar, narazı qalanı da. İnzibatçını hər xırda məsələyə görə bura şikayət etmək doğru addım deyil axı. Açığı, burada "təzyiq" hiss edib hay-küy salmaq, layihənin ciddiyyətinə də yaraşmır. İnsan səhv edə bilər və Sura artıq həmin səhvə görə üzr istəyib. Əgər bir istifadəçi olaraq məqalən SNS-ə təqdim olunubsa, onda get orda sivil və əsaslandırılmış şəkildə arqument qoy. Haqlısansa, icma onsuz da səni dəstəkləyəcək. Normal, mədəni müzakirəni SNS səhifəsində aparmaq lazımdır. Adamın məqaləsini SNS-ə çıxararlar da, silərlər də. Javid, başa düşürəm, o "ittiham" canını yandırıb, amma mənə elə gəlir ki, sən sadəcə bu məsələni çox şəxsi qəbul etmisən. Amma bura şəxsi hesablaşma yeri deyil. Bir redaktorun məqaləsi SNS-ə çıxarılanda o, layihədən küsməməli (qapını çırpıb getdiniz), əksinə, öz arqumentləri ilə məqaləsini müdafiə etməlidir. İnzibatçıları da hər xırda emosional partlayışa görə bura çəkməyin. Sura Şükürlü daha əvvəl o məlum səhvinə görə üzrünü istəyib, mövzu etik olaraq orada bağlanıb. Amma üzr istəmək o demək deyil ki, Sura bundan sonra hansısa məqamda qüsur görəndə susmalıdır. "Saxta istinad" məsələsi filan isə, burada yox, soyuqqanlı şəkildə həmin məqalənin SNS müzakirəsində həll olunmalıdır. Sofia (müzakirə) 00:07, 24 fevral 2026 (UTC)Cavabla

Sofia xanım, çox gözəl cavab yazmısınız. Ancaq birdən birə girən kimi vikiyə gördümki 3 ard-arda məqalə sns-ə təqdim olunub. Eyni tipli yazılarla və orda mənə qarşı “şər” atılmışdı. “Javid, başa düşürəm, o "ittiham" canını yandırıb, amma mənə elə gəlir ki, sən sadəcə bu məsələni çox şəxsi qəbul etmisən.” Elə tam başa düşmüsünüz məni onunçün bura müraciət etmişdim. İstifadəçi bu etdiklərindən sonra birdə suni intellekt-ə aid şey yazdı haqqımda. Sonra bu yazını geri qaytardım. Normalda qaytarmayacaqdım. Çünki Sura xanım üzr istədikdə bağladım. Ancaq sonradan Yenə haqqımda yazanda artıq dözmədim və bu yazını geri qaytardım. Mənim Viki Fəaliyyətimi bilənlər bilirki əvvəllərdə belə çox halla rastlaşmışam və müraciətim olub. Əvvəldə bir xanım eyni zamanda 4-5 məqaləmi sns-ə təqdim etmişdi. Eyni zamanda bir istifadəçi ilə üslub problemi olmuşdu. 3-cü dəfə belə olanda dedim artıq yox onunçün səhifəmi bağlamaq istədim. Çünki nə vaxt məqaləmi müdafiə etsəm, həmişə eyni sözü deyillər “Niyə canla başla müdafiə edirsiniz? Marağınız var? və.s” Əvvəl o qədər məqaləmi müdafiə etmişəmki, artıq etmirəm. Javid (müzakirə) 00:25, 24 fevral 2026 (UTC)Cavabla

Sofia ilə razıyam. Biraz emosiya ilə yazılmış yazıdır. Müzakirə etməklə hər şey həll olacaq, Sofianın dediyi kimi qapını çırpıb getmək lazım deyil. Sizin məqalələriniz barəsində isə vaxtında sizə məsləhət görmüşdüm ki, müzakirələrdən biraz uzaq durub məqalələrə fokuslanasınız. Amma day bu qədər problemli yəni hər məqalə istəyən şəxsə məqalə yazmaqla yox. Nemoralis (müzakirə) 01:33, 24 fevral 2026 (UTC)Cavabla

Biraz Emosiyayla yaza bilərəm bəlkədə mənim baxışım fərqlidir, yəni 15 yaşım olduğu üçündə fərqli düşüncəm ola bilər. Artıq müraciət edənlərə yaratmayacam. Əksinə başa salacamki özləri yaratsıznlar. Fikirləriniz üçün təşəkkürlər @Nemoralis və @Sofia. Javid (müzakirə) 01:38, 24 fevral 2026 (UTC)Cavabla

Sadəcə qaydaları göstərib prosesi izah etmək bəs edir. Burada hamını məmnun etmək məcburiyyətində deyilik. "You can't satisfy everyone; you're not a pizza!!" Nemoralis (müzakirə) 01:45, 24 fevral 2026 (UTC)Cavabla

🐱 Javid (müzakirə) 01:46, 24 fevral 2026 (UTC)Cavabla