Vikipediya:İnzibatçılara müraciət

Salam. Məqalə istifadəçi qum qutusunda hazırlanıb və etibarlı elmi mənbələrlə istinadlandırılıb. Məqalə neytral üslubdadır və Vikipediya bioqrafiya qaydalarına uyğundur. Xahiş edirəm, avtomatik filtrin tətbiq etdiyi məhdudiyyətin aradan qaldırılmasına kömək edəsiniz. Təşəkkür edirəm. Əsədov İslam Nadir oğlu (müzakirə) 14:54, 13 yanvar 2026 (UTC)Cavabla

Şəxs siz özünüzsünüz? Qeyd edim ki, məqalə dərc edilməsi üçün hazır vəziyyətdə deyil. Hörmətlə, Qədir (müzakirə) 15:12, 13 yanvar 2026 (UTC)Cavabla

Bəli, məqalə mövzusu mən özüməm. Bunu gizlətmirəm və açıq şəkildə bildirirəm. Məqalə istifadəçi qum qutusunda hazırlanıb, neytral üslubda yazılıb və etibarlı, müstəqil elmi mənbələrlə istinadlandırılıb. Məqalədə reklam xarakterli ifadələr yoxdur, yalnız faktoloji məlumatlar yer alır. Əgər uyğun görsəniz, məqalənin əsas ad sahəsinə köçürülməsi və ya bunun üçün əlavə düzəlişlərin bildirilməsi barədə yönləndirmə verməyinizi xahiş edirəm. Təşəkkür edirəm. Əsədov İslam Nadir oğlu (müzakirə) 15:17, 13 yanvar 2026 (UTC)Cavabla

VP:AVTO siyasətimizlə tanış olun. Hörmətlə, Qədir (müzakirə) 15:37, 13 yanvar 2026 (UTC)Cavabla

Salam inzibatçılar. Rövşən Həsənov (Qaralama:Rövşən Həsənov) alpaqut üzrə dünya çempionatında ikinci yer tutub. Bu Gənclər və İdman Nazirliyinin saytında da təsdiqlənir. Lakin Rövşən Həsənov haqqında məqalə 4-5 dəfə silinib. Heç bir səbəb göstərilmədən. Vikipediya:Ensiklopedik əhəmiyyətlilik (şəxslər) qaydasında göstərilir:

(VP:İDMANÇI) İdmançılar

Şəxsin böyük bir həvəskar və ya peşəkar müsabiqədə fəal iştirak etdiyi və ya əhəmiyyətli bir mükafat qazandığı və bunla bağlı ikinci dərəcəli mənbələrdə əhəmiyyətli bir məlumat olduğu təqdirdə ensiklopedik olduğu təxmin edilir.

Zəhmət olmasa mənə bilgi verin, məqalə niyə silinir bəs, əgər məqalə ensiklopedikdirsə və ensiklopedik şəxs haqqındadırsa? Məqsəd nədir? Mənim ağlıma iki şey gəlir: 1.) Məqalənin dərc edilməsi üçün şəxs ödəniş etməyib. 2.) Məqaləni silən Qədir adlı inzibatçı azyaşlıdır, Vikipediya qaydalarını bilmir və məsələni başa düşə bilmir, yaxud fikrini izah edə bilmir (bu mənim subyektiv fikrimdir, bəlkə də o azyaşlı deyil, 40 yaşında kişidir? Nəzərə alın xahiş edirəm.) Xahiş edirəm məsələyə aydınlıq gətirəsiniz. Şəxs ensiklopedikdir, məqalə ensiklopedikdir, mənbələr etibarlıdır, lakin məqalə silinir. Səbəb göstərilmir, yaxud yalançı səbəb (filan qaydaya bax, lakin qaydada heç nə yoxdur, yaxud fokuslanmış mənbə tələbi, Vikipediyada belə tləb yoxdur) göstərilir. Bəlkə mən haqlı deyiləm, səhvə yol verirəm. Səhv edirəmsə, səhvimi düzəltməkdə mənə kömək edin. Haqlıyamsa, problemi həll edin zəhmət olmasa. Baxşəli (müzakirə) 08:25, 16 yanvar 2026 (UTC)Cavabla

Sizə sonuncu dəfə xəbərdarlıq edirəm, üslubunuza diqqət edin. Yalnız məzmun üzərinə şərhlər yazın. Siz məqalədəki marağınızı açıqlamalısınız, əks halda, bu sonra aşkar olunarsa birbaşa bloklanacaqsınız. Siz qaydaları və ya onu izah edəni başa düşmürsünüzsə, yaxud marağınız var deyə, o demək deyil ki haqlısınız. Fikir bildirəcək istifadəçilər və inzibatçılar buranı oxusunlar zəhmət olmasa. Məqaləni iki dəfə mən, bir dəfə də fərqli bir inzibatçı eyni səbəblə silib. Hörmətlə, Qədir (müzakirə) 08:33, 16 yanvar 2026 (UTC)Cavabla

Müzakirəyə qatılan 3-cü şəxs marağını açıqlayıb. Mən də kim olduğumu qeydiyyatda göstərmişəm. Emailimi qeyd etmişəm. Həqiqi adımı və familiyamı. Şəkili yükləyəndə özüm çəkdiyimi sizə yazdım. İndi nə istəyirsiniz? Siz niyə mənim şəxsiyyətimi axtarırsınız, bu Vikipediya qaydalarının əksinə deyilmi? Ensiklopedik şəxs haqqında, ensiklopedik məqaləni niyə silirsiniz, məqsədiniz nədir, hansı qaydaya əsasən? Niyə 10 gündür deyə bilmirsiniz ki. məqalədə nə çatışmır, məqaləyə nə əlavə edilməlidir? Baxşəli (müzakirə) 10:26, 16 yanvar 2026 (UTC)Cavabla

Hörmətli istifadəçi, sizin kimliyiniz bizə maraqlı deyil. Hələ də suala cavab verməmisiniz. Şəxslə olan marağınız və əlaqəniz nədir. Bunu açıqlamalısınız. Hörmətlə, Qədir (müzakirə) 17:16, 16 yanvar 2026 (UTC)Cavabla

Məqalənin saxlanması üçün pul ödənilməsi ciddi iddiadır, elə bir şeyi etmək, edilsə də uzun müddət gizlətmək mümkün deyil. Kimsə sizdən bunun üçün pul istəsə zəhmət olmasa info-azwikimedia.org ünvanına yazın. Məqalə ilə bağlı fikirlərimi yardım masasına yazmışam. Nemoralis (müzakirə) 21:41, 16 yanvar 2026 (UTC)Cavabla

Elə bir şey olsa tədbir görüləcək, narahat olmağa dəyməz. İstifadəçiyə qaydaları başa salıram, o isə mənə şəxsi hücumlar edir və bizi məqalənin dərc edilməsi üçün ödəniş tələb etməkdə ittiham edir. Qaydaları və faktları manipulyasiya edir və "söz oyunu" oynayır. Məncə onun marağı var və bunu gizlədir. Bu isə qadağandır. Elə arqumentlərə də məhəl qoymayaraq israrı da bu səbəbdəndir. Baxşəli, zəhmət olmasa marağınızı bildirin, bunu platformanın şərtləri tələb edir. Hörmətlə, Qədir (müzakirə) 00:31, 17 yanvar 2026 (UTC)Cavabla

Niyə mənə deyiləndə ki, məqaləni pul alıb yazmışam, bunu sakit qarşılayırsınız, amma mən deyəndə ki, məqaləni silinməməsi üçün çox gümün ki məndən pul tələb edilir, bunu "ciddi iddia" kimi qəbul edirsiniz? Mən bir məqalə yaratmışam, özüm haqqında, bunu da açıqlamışam, özüm-özümdən pul ala bilərəmmi? Bu azmış kimi, mənə yazırlar ki, guya mən söz oyunu oynayıram, guya qaydaları manipulyasiya edirəm? Və nəhayət bilmək istəyirəm, hansı əsasla məndən marağım soruşulur? Hansı qaydaya əsasən? İki-üç il əvvəl mənə Vikipediyadan zəng edib təklif etmişdilər ki, 100 dollara sənin haqqında Vikipediyada məqalə yaradaq, sonra düşdülər 50 dollara. Dedim lazım olsa məqaləni özüm də yarada bilərəm. Dedilər özün yaratsan siləcəyik. Başqalarına da zənglər olunub. Bir nəfərdən 100 dollar alıb haqqında məqalə yaradıblar, sonra siliblər. Məqalənin bərpası üçün yenə 100 dollar istəyiblər. Sonra yenə siliblər. Ümumiyyətlə, 300 dollarını alıblar. Məqaləni isə sonda siliblər. Amma şəxs tam ensiklopedik şəxs idi, məqalə də. Məqaləni silənlər və yaradanlar bir-biri ilə əlbirdirlər görünür. Hər dəfə ayrı-ayrı nömrələrdən ona zənglər olunub. Mən kimə şikayət edim indi? Amma adını e-mailiyə göndərdim. Nə isə qaralam məqaləni bərpa edirəm. Ümidvaram ki, bütün məsələlərə aydınlıq gətirildi və gələcəkdə belə hallara yol verilməyəcəkdir. Baxşəli (müzakirə) 13:28, 17 yanvar 2026 (UTC)Cavabla

Şəxsi məlumatlarını yaymadıqca bu hadisələri buradan da yaza bilərsiniz. İcma da oxusun, icma olaraq da nəzər yetirib qərar verək. Sizin məqaləniz dərc edilmir deyə maraq toqquşması baş verir və belə düşünməyə sizə əsas verir. Amma deyirsiniz ki, belə hallar olub. Bəli olub, Vikipediya adına ləkədir, amma tədbir də görülüb zamanında. Siz isə, konkret qaydaları iqnor edib sistemlə oynayaraq və hansısa hadisələri bəhanə edərək maraqlarınızı təmin etməyə və faydalanmağa çalışırsınız sadəcə. Hələ bizi məqalənin saxlanılması/dərc edilməsi üçün ödəniş tələb etməkdə ittiham edirsiniz və yadda saxlayın ki, böhtan atmaq blok səbəbidir. + Maraqlarınız naminə edirsinizsə ikiqat. Bu şəkildə istədiyinizi əldə edə bilməyəcəksiniz. Əlinizdəkiləri dəyərləndirəcəyik. Hörmətlə, Qədir (müzakirə) 11:56, 18 yanvar 2026 (UTC)Cavabla

Qədir, siz bu məqaləni niyə sildiniz və məqsədiniz nədir? Sizcə məqalədə nə çatışmır və nə əlavə edilməlidir? Siz bu suala cavab verməlisiniz. Əks-halda pul iddiası çox inandırıcı görünür. Məqalə sabah rusca dərc olunsa nə deyəcəksiniz? Bunu necə izah edəcəksiniz? Yeri gəlmişkən, qarşı tərəfə qarşı pul iddiasını siz irəli sürmüşdünüz, böhtan olduğu sübuta yetdi, amma sizi heç kim bloklamadı. İndi özünüzə qarşı pul iddiasını təkzib etməlisiniz, növbə sizindir. ~2026-38255-1 (müzakirə) 14:02, 18 yanvar 2026 (UTC)Cavabla

Rus dilində gedib o mənbələrlə yaratsaz və buradakı kimi orada da bu tonda danışsaz sizi birdəfəlik bloklayacaqlar. O mənbələr ensiklopediyin təsdiqi üçün kifayət deyil. Qaydalar sizə dəfələrlə izah edildi. İttihamı siz etdiniz, mən sizə bir istifadəçi kimi sual verdim ki, məqalə ilə bağlı marağınız var ya yox. Bu normal prosedurdur. Marağı olan istifadəçilər bunu açıqlamağa borcludurlar. Hörmətlə, Qədir (müzakirə) 22:01, 18 yanvar 2026 (UTC)Cavabla

Hesab edirəm ki, mübahisəni davam etdirməyin mənası yoxdur və müzakirəni burada bitirə bilərik. Hesab edirəm ki məqalə bu şəkildə, heç bir əlavə olunmadan tərcümə olunaraq rus Vikipediyasına yerləşdirilə bilər. Əgər siz hesab edirsinizsə ki, məqalənin bu şəkildə ru.vikiyə yerləşdirilməsi mümkün deyil, bunun baş tutması üçün kömək edin, məqaləyə nə əlavə edilməli olduğunu, nə çatışmadığını deyin. Öncədən təşəkkürlər. ~2025-34840-50 (müzakirə) 07:10, 19 yanvar 2026 (UTC)Cavabla

Çünki pulla yazmaq qadağan deyil: VP:PULLAMƏQALƏ səhifəsini oxuyun. Pul aldığınızı açıqladığınız müddətcə yaza bilərsiniz. Amma artıq pul qarşılığında məqaləni silməmək ciddi bir şeydir, məqaləni silə bilənlər məhdud saydadır (Vikipediya:İnzibatçılar) və əgər onlardan biri belə bir şey istəyibsə deməli inzibatçılıqdan uzaqlaşdırılmalıdır. Siz bir şeyi yaddan çıxartmayın ki, Vikipediya bir neçə şəxsdən ibarət deyil, pisi də olur yaxşısı da. Siz pisi şikayət edib ifşalamasaz o əməlinə davam edəcək. Nemoralis (müzakirə) 22:34, 18 yanvar 2026 (UTC)Cavabla

Burada deyil/reklam ad Xüsusi:Töhfələr/Aviabiletall — Bikar ^müzakirə 20:32, 18 yanvar 2026 (UTC)Cavabla

 Yerinə yetirildi Hörmətlə, Qədir (müzakirə) 21:12, 18 yanvar 2026 (UTC)Cavabla