Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBaronessa Vera von der Heydt (ing. Baroness Vera von der Heydt; 1899 – 1996) — əslən Alman Britaniya psixoloqu, yazıçısı. O, Karl Qustav Yunq ilə birbaşa əlaqəsi olan sonuncu şəxslərdən biri olaraq tanınır.[1]
| Vera von Heydt | |
|---|---|
| Doğum tarixi | 1899 |
| Vəfat tarixi | 1996 (96–97 yaşında) |
| Fəaliyyəti | positive psychologist, psixoloq |
Vera von Heydt 11 dekabr 1899-cu ildə Berlində anadan olmuşdur. Ailəsi zəngin bankir sülaləsi idi. Atası Paul von Sşvabax tanınmış bir maliyyəçi idi. Anası Eleanor Sşröder isə Hamburqlu bankir ailəsininin qızı idi və irland mənşəlidir. Vera ailəsinin ikinci qızı idi.[2]
Vera 1919-cu ildə Baron Eduard von der Heydt ilə evlənmiş, lakin 1927-ci ildə boşanmışdır. Evlilikdən sonra 1927-ci ildə Karl Qustav Yunq ilə tanış olmuşdur. İkinci Dünya müharibəsi zamanı Almaniyada artan antisemitizm səbəbindən 1933-cü ildə Böyük Britaniyaya köçmüşdür. 1937-ci ildə Roma-Katolik kilsəsinə qəbul edilmiş və Con Layard ilə ilk analizinə başlamışdır. Daha sonra Sürixə gedərək, İolande Yacobi və Karl Qustav Yunq ilə təlim analizlərinə başlamışdır. 1943-cü ildə Edinburqa köçərək, Dr.Vinifred Ruşford tərəfindən idarə olunan Davidson Klinikasında çalışmışdır. 1951-ci ildə Londona qayıdaraq, Qerhard Adler ilə əlavə analizlərə başlamış və Analitik Psixologiya Cəmiyyətinə qoşulmuşdur.[3] Psixologiya və ruhaniyyət mövzusunda çoxsaylı məqalələr yazmış və radio və televiziya proqramlarında iştirak etmişdir.[2]
Vera von der Heydt 14 noyabr 1996-cı ildə vəfat etmişdir. Onun analitik psixologiya sahəsindəki töhfələri və Karl Qustav Yunq ilə olan əlaqəsi, bu sahədəki tədqiqatçılar və praktikantlar üçün əhəmiyyətli bir irs buraxmışdır.[2]
- ↑ "Letter from Carl Jung to Baroness von der Heydt". carljungdepthpsychologysite.blog/. 13 fevral 1958. İstifadə tarixi: 6 iyun 2023.
- ↑ 1 2 3 Skinner, John. "Obituary. Vera von der Heydt". The Independent. 22 noyabr 1996. İstifadə tarixi: 7 iyun 2023.
- ↑ Heiydt, Vera von der. Prospects for the Soul. London: Darton, Longman and Todd Ltd. 1976. səh. xiv. ISBN 9780232513387. İstifadə tarixi: 7 iyun 2023.
- Granger, Frieda Reiss photographic portrait of Vera von der Heydt in 1928
- Vera von der Heydt interviewed by novelist Richard Adams – CG Jung Institute of Los Angeles
- von der Heydt's fellowship granted by the Guild of Pastoral Psychology
- von der Heydt on IMDb
- von der Heydt holding at the Wellcome, including Times obituary of 26 November 1996