Vayolet Elford (ing. Violet Alford; 18 mart 1881 – 16 fevral 1972, Bristol) — xalq rəqsləri, onların musiqisi, kostyumları və xalq adətləri sahəsində beynəlxalq səviyyədə tanınmış folkloşünas.[1] Elford, Avropanın böyük hissəsində müşahidə olunan oxşarlıqların ortaq bir qədim kökdən qaynaqlandığını düşünürdü.[2]
| Vayolet Elford | |
|---|---|
| Doğum tarixi | 18 mart 1881 |
| Vəfat tarixi | 16 fevral 1972 (90 yaşında) |
| Vəfat yeri |
|
| Fəaliyyəti | musiqi etnoqrafı[d], folklorşünas |
| Mükafatları | Şablon:Wikidata/P166 |
Elford İngiltərənin Somerset qraflığının Kliv qəsəbəsində anadan olmuşdur.[3] O, Bristol Kafedralının keşişi olan Cozaya Corc Elford və Ketrin Meri Lesli Elfordun üçüncü qızı idi. Atası ona və bacılarına musiqi öyrədirdi, digər fənlər üzrə təhsilini isə müəllimə təmin edirdi. Klifton Liseyində təhsilini başa vurduqdan sonra o, İsveçrədə qızlar üçün nəzərdə tutulmuş bir məktəbə göndərildi.[1]
Elford son illərini qardaşı oğlu doktor Ormerod ilə birlikdə keçirmişdir. O, 86 yaşında Yeni Zelandiya və Avstraliyaya səyahət etmiş, Panama kanalından keçmişdir. O, 90 yaşında vəfat etmişdir.
Elford yay aylarını Pireney dağlarında rəqsləri müşahidə etməklə, qış aylarını isə Bristol Universiteti və Britaniya Muzeyində yazıb-araşdırma aparmaqla keçirirdi.[1] O, bask dilini öyrənmiş və araşdırdığı bəzi bask rəqslərini ifa etməyi bacarmışdı. O, 1935-ci ildə Londonda keçirilən ilk Beynəlxalq Xalq Rəqsləri Festivalının katibi olmuş, bu tədbir musiqişünas Maud Karpeles tərəfindən idarə olunmuşdu. 1936-cı ildə Beynəlxalq Xalq Musiqisi Şurasının təsisçilərindən biri idi.[4] Onun tədqiqatları bir həmkarı tərəfindən "rəqs ritual arxeologiyası" kimi təsvir edilmişdir. Folklorşünas Pol Kovdell yazırdı ki, o, ənənəvi adətlərin populyar formada təhrif olunmasına və media nümayişinə qarşı xüsusilə həssas yanaşırdı.[5]
Elford İkinci Dünya Müharibəsi zamanı Voqan Uilyams Memorial Kitabxanasının daşınması, kataloqlaşdırılması və yerləşdirilməsinə nəzarət edirdi.[1] Müharibədən sonra Avropa Rəqsləri üçün nəzərdə tutulmuş kitablar seriyasının redaktoru olub. O, həmçinin Llanqollen Beynəlxalq Musiqi Festivalında xalq rəqsləri və instrumental musiqi üzrə münsiflər heyətində yer almışdır. 1949-1953-cü illərdə İngiltərə Xalq Rəqsləri Cəmiyyətinin icra komitəsində çalışmışdır.[6]
Elmi araşdırmalarından əlavə, Elford iki roman da yazmışdır: Mavi Don və Cənubdan Gələn Külək.
- İngilis Xalq Rəqslərinə Baxış[7]
- İngilis Xalq Rəqsləri[8]
- Rəqs Edən Səyyahlar[9]
- Ənənəvi Rəqs (Rodni Qallop ilə birgə)
- Pireney Festivalı
- Valensiya Yolları[10]
- İngilis Folkloruna Giriş[11]
- Fransa Rəqsləri: Pireneylər
- Səyyahların Nəğmələri[12]
- Qılınc Rəqsi və Dram[13]
- Oyuncaq At və Digər Heyvan Maskaları (vəfatından sonra nəşr olunub)
- ↑ 1 2 3 4 Armstrong, Lucile. "Violet Alford. Her Life and Work: A Tribute". Folklore. 84 (2). 1973: 104–110. doi:10.1080/0015587X.1973.9716502. ISSN 0015-587X. JSTOR 1260415.
- ↑ Simpson, Jacqueline; Roud, Steve, redaktorlar Alford, Violet // Alford, Violet (1881–1972). Oxford Dictionary of English Folklore (online). Oxford University Press. 2003. ISBN 978-0-19-860766-3. İstifadə tarixi: 12 February 2018.
- ↑ Alford, Josiah George. Alford family notes, ancient and modern (ingilis). Dalcassian Publishing Company. 1908-01-01.
- ↑ Kennedy, Douglas N. "Violet Alford: An Appreciation". Folklore. 82 (4). 1971: 344–350, quote on page 345. doi:10.1080/0015587X.1971.9716750. ISSN 0015-587X. JSTOR 1260561.
- ↑ Cowdell, Paul. "Violet Alford and the Persistence of Edwardian Thinking". Folklore. 132 (4). 2021-10-02: 367–389. doi:10.1080/0015587X.2021.1905369. ISSN 0015-587X.
- ↑ Alford, Violet; Gallop, Rodney. The Traditional Dance (ingilis). Methuen & Company, Limited. 1935.
- ↑ "Violet Alford". The Society of Folk Dance Historians (SFDH). İstifadə tarixi: 2023-03-18.
- ↑ Alford, Violet. Peeps at English Folk-dances: Containing 12 Full-page Illus., 4 Being in Colour (ingilis). A. & C. Black. 1923.
- ↑ Alford, Violet. "The Dancing Travellers". Daily News. 5 October 1927. 6. İstifadə tarixi: March 18, 2023 – The British Newspaper Archive vasitəsilə.
- ↑ Alford, Violet. Pyrenean Festivals, Calendar Customs, Music & Magic, Drama & Dance (ingilis). Chatto and Windus. 1937.
- ↑ Alford, Violet. "Valencian Cross-Roads". The Musical Quarterly. XXIII (3). 1937: 367–387. doi:10.1093/mq/xxiii.3.367. ISSN 0027-4631.
- ↑ Alford, Violet. Dances of France: The Pyrenees, by V. Alford (ingilis). Parrish. 1952.
- ↑ Alford, Violet. Sword Dance and Drama (ingilis). Merlin Press. 1962. ISBN 978-0-85036-035-6.
- Violet Alford's handwritten notes on Basque dancers in 1910, in the Cecil Sharp Manuscript Collection at Clare College Cambridge