Vaxuşti Baqrationi körpüsü (gürc. ვახუშტი ბაგრატიონის ხიდი) — Gürcüstanın paytaxtı Tiflis şəhərində, Kür çayı üzərində yerləşən avtomobil körpüsü. Körpü paytaxtın Saburtalo və Didube rayonlarını (Didube-Çuqureti rayonu) birləşdirir.
| Vaxuşti Baqrationi körpüsü | |
|---|---|
| gürc. ვახუშტი ბაგრატიონის ხიდი | |
 | |
 | |
| 41°43′32″ şm. e. 44°46′55″ ş. u.HGYO | |
| Keçid | avtomobillər üçün |
| Yeri | Tbilisi |
| Material | dəmir-beton |
| Uzunluğu | 220 |
| Eni | 28 |
| Açılışı | 1976 |
 Vikianbarda əlaqəli mediafayllar | |
Körpü Kutaisi və Baxuşti Baqrationi küçələrinin girəcəyində yerləşir. Bu küçələri George Saakadze enişi ilə birləşdirir. Sol sahil hissədə avtovağzal, Didube dəmir yol və metro stansiyaları vardır.
Körpüdən yuxarı axar boyunca Şota Şalikaşvili, aşağı axar üzrə isə Çariça Tamar körpüləri yerləşir.
Körpü gürcü şahzadəsi, tarixçi və coğrafiyaçısı Vaxuşti Baqrationinin şərəfinə adlandırılmışdır.
Körpü 1974–1976-ci illərdə inşa edilmişdir. Layihə "Kavqiprotrans" institutunuin mühəndisləri Q. Breqvadze, İ. Koşkadze və mühəndis N. Lomidze tərəfindən hazırlanmışdır. Tikinti işləri Baştikintinin № 39 Körpübölüyü tərəfindən gerçəkləşdirilir. Aşırım hissənin tikintisi kranların köməyi ilə aparılmışdır.
2016-cı ildə körpünün incəsənət işıqlandırılması həyata keçirilmişdir[1].
Körpü üç aşırımdan ibarətdir. dəmir-beton konstruksiyalıdır. körpünün sxemi: 44,15 + 81,6 + 44,15 м[2]. Körpünün hər iki hissəsində dəmir-betondan ibarət ikiqat dayaq dəstəyi vardır. körpünün ümumi uzunluğu 220 m, eni isə 28,4 metrdir (avtomobillər üçün olan yolun eni 20,8 m, bu yolun hər iki tərəfində isə eni 3,45 m olan iki səkiyə sahibdir).
Körpü həm avtomobillərin həm də piyadaların hərəkəti üçün hesablanmışdır. Avtomobillərin hərəkəti üçün körpü dörd zolaqlıdır. Körpünün kənarları metal kəmərlə bağlanmışdır.
- ↑ ვახუშტი ბაგრატიონის ხიდზე მხატვრული მინათება მოეწყო (ფოტოკოლაჟი)[ölü keçid] //city.kvira.ge (gürc.)
- ↑ "Навесной монтаж железобетонных пролетных строений". 2021-01-27 tarixində arxivləşdirilib. İstifadə tarixi: 2019-07-04.