Vaxtanq İliç Kotetişvili (gürc. ვახტანგ ილიას ძე კოტეტიშვილი; 24 oktyabr 1893[1] – 17 yanvar 1937[1]) — folklorşünas, esseist, ədəbiyyatşünas alim, tənqidçi, tarixçi, rəssam, heykəltəraş, sənətşünas, jurnalist və ictimai xadim. Gürcü folklorşünaslığının banisi.
| Vaxtanq Kotetişvili | |
|---|---|
| rus. ვახტანგ ილიას ძე კოტეტიშვილი | |
| Doğum tarixi | 24 oktyabr 1893[1] |
| Vəfat tarixi | 17 yanvar 1937[1] (43 yaşında) |
| Uşağı | |
| Təhsili | |
Vaxtanq Kotetişvili 1893-cü ildə Gürcü kilsəsinin baş keşişi (protoierey) İlya Kotetişvili və Yekaterina Bidzinaşvilinin ailəsində anadan olub. Ondan başqa ailədə daha üç uşaq olub. Bacısı İvlita və qardaşları Giqo və Lado.
Vaxtanq Kotetişvili 1911-ci ildə Tiflis İlahiyyat Seminariyasını bitirmiş, müqəddəs ordenlər almış və Vladimir Bexterev tərəfindən yaradılmış Sankt-Peterburq Psixonevroloji İnstitutunun pedaqoji fakültəsində təhsilini davam etdirmişdir.
Kotetişvili 1914-1918-ci illərdə Dorpat Universitetinin (hazırda Tartu Universiteti) tarix-filologiya fakültəsində təhsil almışdır. 1918-ci ildə universiteti bitirib. 1919-cu ildən Tiflisdə müxtəlif məktəblərdə müəllim işləmişdir.
Tbilisi Dövlət Rəssamlıq Akademiyasını bitirən ilk məzunlar (akademiyanın verdiyi diplomda birinci məzun) arasında olub. Sonradan Vaxtanq Kotetişvili 1930-1932-ci illərdə Tbilisi Dövlət Rəssamlıq Akademiyasının rektoru olub.
Vaxtanq Kotetişvili XIX əsr gürcü ədəbiyyatı tarixi kursunu yaratmışdır. O, Tbilisi Dövlət Universitetində folklor kafedrasını yaratmış, mühazirələr oxumuş, ilk folklor ekspedisiyasını təşkil etmişdir.
Gürcüstanın sovetləşdirilməsindən sonra Vaxtanq Kotetişvili 1921-ci ilin fevralında Gürcüstanın Sovet Rusiyasına birləşdirilməsinə etiraz olaraq, yazıçı Konstantin Qamsaxurdiya, tarixçi Pavle İnqorokva və şair Aleksandr Abaşeli ilə birlikdə bir neçə ay qara matəm çuxası geyinib.[2]
Vaxtanq Kotetişvili 30-cu illərdə sökülməsi planlaşdırılan Mtatsmindadakı Müqəddəs David kilsəsini (Mama-Daviti) fədakarlıqla müdafiə edib.
Vaxtanq Kotetişvili repressiya qurbanı olub. O, 1937-ci il yanvarın 17-də güllələnib.
- Qızları - Leyla, Manana
- Oğlu - Vaxuşti Kotetişvili (1935-2008) - ədəbiyyatşünas, folklorşünas və tərcüməçi.
- Nəvəsi - Quqa Kotetishvili - rəssam.
- Nəvəsi - Tato Kotetişvili (1959, Tbilisi - 1997, Rotterdam) - rejissor, 1997-ci ildə vəfat edib.
- ↑ 1 2 3 4 WorldCat Entities (ing.). OCLC, Inc., 2022.
- ↑ "«Носители черной чохи» — Вахтанг Котетишвили, Константинэ Гамсахурдиа, Павле Ингороква и Александрэ Абашели. 1924". 2019-05-11 tarixində arxivləşdirilib. İstifadə tarixi: 2018-07-02.
- ↑ "Улица, где отстроенный заново дом стоит сейчас, носит имя отца Вахушти". 2018-10-27 tarixində arxivləşdirilib. İstifadə tarixi: 2018-10-27.
- Он был ученым огромного диапазона Arxiv surəti 11 may 2019 tarixindən Wayback Machine saytında