Vaqif Kərim

1966-cı il mart ayının 8-də Qərbi Azərbaycanın Göyçə mahalında dünyaya gəlib. 1983–1993-cü illərdə Azərbaycan İnşaat Mühəndisləri İnstitutunda və Bakı Dövlət Universitetinin Hüquq fakültəsində təhsil alıb. Müxtəlif idarə, müəssisə və təşkilatlarda hüquqşünas vəzifəsində işləmişdir. 1992–1993-cü illərdə "525-ci qəzet" də xüsusi müxbir, 1996–2003-cü illərdə Azərbaycan Respublikası Milli Məclisi Aparatında baş məsləhətçi, 2005–2006-cı illərdə isə "Öndər" qəzetində baş redaktor vəzifələrində çalışıb. Azərbaycan Beynəlxalq Universitetində və Qərbi Kaspi Universitetində saat hesabı dərs deyərək, müəllim kimi çalışmışdır. Sosial sahə üzrə 30-dan çox Azərbaycan Respublikası Qanunlarının işlənib hazırlanmasında bilavasitə iştirak etmişdir. Azərbaycan Respublikasının qoşulduğu Beynəlxalq Əmək Təşkilatının Konvensiyalarını Azərbaycan dilinə tərcümə etmişdir. Hazırda özəl sektorda fəaliyyətini davam etdirir.

Müxtəlif janrlarda yazdığı əsərləri mövzu müxtəlifliyi ilə fərqlənir. Vətən və millət sevgisi, cəmiyyətdə baş verən ictimai-siyasi proseslər, ümumbəşəri dəyərlər şeirlərinin əsas mövzusunu təşkil edir. Bir neçə irihəcmli poemanın və bir avtobioqrafik romanın, eləcə də Qafqazda erməni siyasətinə və Azərbaycan tarixinin müxtəlif istiqamətlərinə, o cümlədən Göyçə mahalının tarixinə və bu ərazidəki toponimlərə aid tədqiqatları əks etdirən yazıların və publisistik məqalələrin müəllifidir. Bir çox şeirləri aşıqlar, o cümlədən Cənubi Azərbaycandakı aşıqlar və müğənnilər tərəfindən ifa olunub və dinləyici rəğbəti qazanıb. Türkdilli xalqların ədəbiyyatından (xakas, buryat, tıva, altay, uyğur, qaraqalpaq, kumık, kabardin-balkar, qaraçay, başqırd, çuvaş ədəbiyyatından)şeirləri və Tıva yazıçısı Zoya Donqakın "Şamanın ruhu" povestini dilimizə tərcümə etmişdir və bu sahədə işlərini davam etdirir. Bir çox kitabların redaktorudur: İntiqam Şahbazoğlunun "Göyçədən gələn səs", Ələkbər Həsənlinin "Haqq nur salsa ürəyinə", İbrahim Məmmədoğlunun "Ağlı-qaralı dünya" kitablarının redaktorudur.

Kitabları

• "Sənin xətrinə", Bakı-1999.
• "Qoşa zirvə", Bakı-2004.
• "Göyçə aşıq və şairlərinin yaradıcılığında aforizm və nəsihətlər", Bakı-2011.
• "Məni dərd yaşadır, dərd dolandırır", Bakı-2021.
• "Ötən illər, itən illər…", Bakı-2022.
• Saflıq və fədakarlıq simvolu, Bakı-2024.
• İllər yarpaq kimidir, Bakı-2024
• Tanrı dağlarından əsən meh. (türkdilli xalqlar ədəbiyyatından tərcümələr) Bakı — 2025
• Payızda bahar çiçəyi. Təbriz-2025
• İrəvanda nə xal qaldı, nə də xan. Bakı-2025

• "Göyçə mahalının Ardanış kəndi" (həmmüəllif). Bakı-2010.
• "Azərbaycan Respublikası qanunvericiliyində güzəşt və imtiyazlar", Bakı- 1998, (tərtibçi)
• "Azərbaycan Respublikasında Gender bərabərliyi, Bakı −1999, (tərtibçi)
• "Azərbaycan Respublikasının Səhiyyə qanunvericiliyi Toplusu, Bakı- 2000,(tərtibçi)

• "Əsas məslə məhəbbətin ülviliyindədir", İltifat Mirzəbəyli, "Xalq qəzeti" (2007-ci il, 7 may),
• "Torpaq ətirli, yarpaq qoxulu misralar", Məhərrəm Qasımlı.
• "Sibirə getmə, şair", Natiq Sultanoğlu, "Qoşa zirvə" qəzeti (2011-ci il, sentyabr),
• "Sərbəst qəzet" (2013-cü il),
• "Zəngəzurun səsi" qəzeti (2013-cü il),
• "Qürbətdə keçən ömür zillətli olar", Vüqar Avdısoy.

• Ardanış Arxivləşdirilib 2013-08-11 at the Wayback Machine