Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMəmmədov Vahab Feyruz oğlu - Azərbaycan iqtisadçısı, dövlət qulluqçusu. Azərbaycan Respublikası Dövlət Statistika Komitəsi sədrinin birinci müavinidir. İqtisad elmləri namizədidir.
| Vahab Məmmədov | |
|---|---|
| Məmmədov Vahab Feyruz oğlu | |
Vəzifədədir | |
| 3 fevral 2016-cı ildən | |
  | |
| 19 okyabr 2015 – 3 fevral 2016 | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan SSR |
| Təhsili | Azərbaycan Xalq Təsərrüfatı İnstitutu (1984) |
| Elmi fəaliyyəti | |
| Elmi dərəcəsi | İqtisad elmləri namizədi |
Vahab Məmmədov 27 avqust 1963-cü ildə Bakı şəhərində anadan olmuşdur. 1984-cü ildə Azərbaycan Xalq Təsərrüfatı İnstitutunu bitirmişdir. İqtisad elmləri namizədidir. Evlidir, iki övladı var. Dövlət qulluğunun müşaviridir.
1984–1987-ci illərdə Əli Bayramov adına Bakı istehsalat birliyində mühasib, 1987–1992-ci illərdə Azərbaycan Elmi-Tədqiqat Kənd Təsərrüfatının İqtisadiyyatı və Təşkili İnstitutunda iqtisadçı və elmi işçi vəzifəsində çalışmışdır. 1988–1991-ci illərdə aspiranturada təhsilini davam etdirmiş, Moskva şəhərində Mərkəzi Əmək İnstitutunda elmi işini müdafiə etmişdir.
1992–1993-cü illərdə Azərbaycan Respublikasının Əmək və Sosial Məsələlər Komitəsində aparıcı iqtisadçı, baş iqtisadçı, 1993-cü ildə Əmək və Əhalinin Sosial Müdafiəsi Nazirliyində şöbə müdirinin müavini, 1994–1997-ci illərdə Əlillərin Sosial Müdafiəsi Fondunda sədrin müavini olmuşdur. 1997–2015-ci illərdə Əmək və Əhalinin Sosial Müdafiəsi Nazirliyində idarə rəisinin müavini, idarə rəisi, şöbə müdiri vəzifələrində çalışmışdır.
2000–2001-ci illərdə Nazirliyin tabeliyində olan Əmək və Sosial Problemlər üzrə Elmi-Tədqiqat və Tədris Mərkəzində direktor vəzifəsində işləmişdir. 2015-ci il 19 oktyabr tarixində Azərbaycan Respublikası Dövlət Statistika Komitəsinin aparat rəhbəri təyin edilmişdir. 2016-cı il 3 fevral tarixində Azərbaycan Respublikası Prezidentinin Sərəncamı ilə Dövlət Statistika Komitəsi sədrinin birinci müavini təyin olunmuşdur.