Vəsilə Fəttahova
Vəsilə Fəttahova (tam adı: Vəsilə Rafizovna Fəttahova; başq. Фәттәхова Вәсилә Разиф ҡыҙы; d. 31 dekabr 1979, Beloretsk, Başqırd MSSR, RSFSR, SSRİ – ö. 26 yanvar 2016, Ufa, Başqırdıstan, Rusiya) — başqırd müğənni; Başqırdıstanın (2015)[1] və Tatarıstanın (2015)[2] əməkdar artisti[3].
| Vəsilə Fəttahova | |
|---|---|
| tatar. Вәсилә Разиф кызы Фәттахова | |
| Ümumi məlumatlar | |
| Doğum adı | Vəsilə Fəttahova |
| Doğum tarixi | |
| Doğum yeri | Beloretsk, Başqırd MSSR, RSFSR, SSRİ |
| Vəfat tarixi | (36 yaşında) |
| Vəfat yeri | Ufa, Başqırdıstan, Rusiya |
| Milliyyəti | başqırd |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2000–2016 |
| Janr | pop |
| Mükafatları |
 |
Vəsilə Fəttahova 31 dekabr 1979-cu ildə Başqırd MSSR-in Beloretsk şəhərində anadan olmuşdur.
S. Nizametdinov adına Uçalı İncəsənət və Mədəniyyət Kollecinin xor şöbəsini bitirmişdir[4].
1999-cu ildə Ufa şəhərinə gəlmiş, Zaqir İsmaqilov adına Ufa Dövlət İncəsənət İnstitutunun vokal şöbəsinə daxil olmuşdur. Artıq oktyabr ayında o, Aydar Qalimovun qrupunda bekvokal kimi qastrola yollanır[5][6].
Vəsilə Fəttahova "Tuğan yak", "Yanqış mileş", "Atayım" hitlərinin də ifaçısı idi[7].
Müğənni "Tuğan yak"[8] mahnısı sayəsində populyarlıq qazanmışdır[7]. 2002-ci ildə çıxmış eyniadlı albomda yer almış "Tuğan yak" mahnısı Ural Raşitov tərəfindən xüsusilə onun üçün yazılmışdı[7]. Mahnı tatar dilində oxunsa da yalnız Başqırdıstanda deyil, bütün Rusiyada rəğbət qazanmışdı[7]. Kompozisiya "Büllur bülbül" estrada festivalında "Beynəlmiləl mahnı" nominasiyasında ən yaxşı mahnı hesab edilib, eləcə də "10 illiyin ən yaxşı hiti" nominasiyasında, 2008-ci ildə isə tatar mahnı festivalı "Tatar jırı"da laureat olub[7].
2015-ci ilin dekabrın 27-də ikinci övladını dünyaya gətirmişdi[7]. Doğuş çox ağır keçdiyindən o, Ufadakı Respublika Kliniki Xəstəxanasının reanimasiya bölməsinə yerləşdirilmişdi[3]. Həkimlər 5 cərrahiyyə əməliyyatı aparsalar da, müğənnini xilas edə bilməyiblər[7]. Nəticədə Vəsilə Fəttahova 36 yaşında ikən 26 yanvar 2016-cı ildə Ufada Respublika kliniki xəstəxanasında vəfat etmişdir[4][7].
Başqırdıstan Mədəniyyət Nazirliyinin mətbuat xidmətindən onun vəfatı ilə əlaqədar belə münasibət bildirilmişdir:
"Mədəni ictimaiyyət öz yaradıcılığı ilə müxtəlif millətləri vətənə ülvi məhəbbət hissi ilə birləşdirən müğənnini itirdi."[7]
Müğənni ilə vida mərasimi 2016-cı il yanvar ayının 28-də Ufadakı Başqırd Dövlət Filarmoniyasının binasında keçirilmişdir[7]. Ufadakı "Şöhrət gedişi" Cənub qəbiristanlığında dəfn edilmişdir.
Başqırdıstanın əməkdar artisti (2015)
Tatarıstanın əməkdar artisti (2015)
- ↑ Указ Главы Республики Башкортостан от 20 августа 2015 года № УГ-192 «О присвоении почетных званий Республики Башкортостан».
- ↑ Удостоверение заслуженного артиста Татарстана вручено 5 декабря 2015 года в Казани: Вәсилә Фәттахова Татарстанның атказанган артисты булды Arxivləşdirilib 2016-04-15 at the Wayback Machine
- ↑ 1 2 Tatarıstanın məşhur müğənnisi doğuşdan sonra öldü Arxivləşdirilib 2020-11-29 at the Wayback Machine. qafqazinfo.az, 27.01.2016 (az.)
- ↑ 1 2 Аралбаева Л. "В Уфе скончалась популярная певица, исполнительница хита «Туган як» («Родина») Василя Фаттахова" (rus). Башинформ. 2016-01-27. 2016-01-28 tarixində arxivləşdirilib. İstifadə tarixi: 2016-01-27.
- ↑ "Интервью газете «АиФ»". 2011-10-16 tarixində orijinalından arxivləşdirilib. İstifadə tarixi: 2017-09-04.
- ↑ "samtatnews.ru". 2016-05-06 tarixində arxivləşdirilib. İstifadə tarixi: 2017-09-04.
- ↑ 1 2 3 4 5 6 7 8 9 10 Doğuşdan sonra vəziyyəti ağırlaşan müğənni öldü Arxivləşdirilib 2020-12-02 at the Wayback Machine. oxu.az, 28.01.2016 (az.)
- ↑ "«Туган як» җырының язылу тарихын кара: «Акчарлак», № 52, 29.12.2016, 3нче биттә". 2017-05-27 tarixində orijinalından arxivləşdirilib. İstifadə tarixi: 2017-09-04.
- "Tuğan yak". youtube.com
- Василя Фаттахова "Каеннар". youtube.com
- Василя Фаттахова - яңғыҙ миләш. youtube.com