Vikipediya ?

Vəli Qasımov

Vəli Qasımov (tam adı: Qasımov Vəli Aydın oğlu; d. 10 aprel 1968, Gəncə, Azərbaycan SSR, SSRİ) — azərbaycanlı keçmiş futbolçu. Karyerasında "Dinamo" (Moskva), "Spartak" (Moskva), "Real Betis", "Vitoriya" (Setubal) kimi klubların şərəfini qoruyub. 1992-ci il bombardir olub.

Vəli Qasımov
Vəli Qasımov.jpg “Bakı 2019: Ulduzlar Finalı” qarşılaşmasında Prezident İlham Əliyevlə görüş zamanı çəkilmiş foto
Ümumi məlumatlar
Tam adı Vəli Aydın oğlu Qasımov
Doğum tarixi 4 oktyabr 1968 (1968-10-04) (51 yaş)
Doğum yeri Gəncə, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Boyu 186 sm
Çəkisi 77 kq
Mövqeyi hücumçu
Klub haqqında məlumat
Klub karyerasını bitirib
Karyerası
Peşəkar karyerası
1985 SSRİ 3 (2)
1985—1986 SSRİ Metalist Xarkov 23 (2)
1987—1991 SSRİ Neftçi Bakı 155 (56)
1992 Rusiya Spartak Moskva 6 (0)
1992 Rusiya Dinamo Moskva 17 (16)
1992—1995 İspaniya 42 (9)
1995—1996 İspaniya 22 (4)
1996—1997 İspaniya 14 (0)
1997—1999 Portuqaliya 41 (15)
1999—2001 Portuqaliya 46 (16)
Milli yığma
1994—1998 Azərbaycan Azərbaycan 14 (0)

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Mündəricat

Həyatı

10 aprel 1968-ci ildə Gəncə şəhərində anadan olmuşdur.

Atası usta rəssam olub. Anası isə tibb bacısı idi.

İlk illər

Uşaqlıq illərini Gəncədə evlərinin yaxınlığında yerləşən "Metallurq" stadionunda keçirir; həm futbol, həm də həndbol oynayırdı. 14 yaşında həndbolla vidalaşır və bütün diqqətini futbola yönəldir. İlk məşqçisi Yusif Məhərrəmov olur. Məhz o, böyük futbola Vəlini ümidləndirir, bir futbolçu kimi yetişməsində tövsiyələrini əsirgəmir.

13-14 yaşında ikən bir dəfə istədiyi turnirə düşə bilmir, bundan inciyir. Bu hadisədən çox keçməmiş Xarkova üz tutur. Orada futbol məktəbinə daxil olur və peşəkar futbolçu karyerasına "Mayak Xarkov"da oynayaraq başlayır.

15 yaşında ikən SSRİ yığmasının tərkibinə daxil edilir və 16 yaşında artıq öz yaş qrupunda Avropa çempionu olur.

Sonra bir çox komandalardan dəvət alır. O, Ukraynanın "Metalist" klubunun düşərgəsinə yollanır. Bir mövsüm "Metalist" Xarkov klubunun cavan futbolçular klubunda oynadıqdan sonra əsas heyətə cəlb olunub. Metalist klubunda göstərdiyi futbol nəticəsində dəvətlə"Neftçi" Bakı klubuna transfer olub. Dörd mövsüm oynayıb.

Vəli Qasımov Moskvada

Qasımov 1992-ci ilin yazında Rusiyanın "Spartak" Moskva klubuna transfer olub. Bu klubda çıxdığı 6 görüşdə qapılara yol tapa bilməyib, bunun nəticəsi kimi klub rəhbərliyi onun şəhərin digər klubu olan "Dinamo" Moskva klubuna keçidinə razılıq verib. Qasımov karyerasının ən uğurlu mövsümünü burada keçirib. O, bombardiri olub. Qasımov 17 oyunda 16 qol vurmağa nail olub. Əsas çempionatda 20 qolla bombardirlər siyahısına liderlik etməsinə baxmayaraq çempionun məlum olacağı pley-off mərhələsində iştirak etmədiyinə görə Vəli Qasımov bombardir kimi qəbul olunub. O, "Dinamo" Moskva klubunda bombardirlikdən başqa başqa bir rekorda imza atıb. Qasımov bir mövsümdə iki dəfə het-trik edən 12 futbolçudan biridir. O, bunu yalnız bir mövsümdə edərək də ayrı bir rekorda imza atıb.

İspaniya dövrü

1993-cü ilin qışında Qasımov "Dinamo" Moskva klubundan İspaniyanın "Real Betis" klubuna transfer oldu. 1992-1993 mövsümünün yarısını 1993-1994 və 1994-1995 mövsümdə "Real Betis"də çıxış edən Qasımov 1994-95 mövsümündə "Real Betis"in La Liqaya yüksəlməsində böyük rol oynamışdır. Bu dövr ərzində o, 9 qol vurmağı bacardı. 1994-1995 mövsümünün sonunda o, başqa bir La Liqa təmsilçisi "Albasete" ilə müqavilə imzaladı. Bir mövsüm ərzində 22 oyun keçirən Qasımov komandasının düşməsinə maneə ola bilmədi. Buradan o, təmsilçisi klubuna transfer oldu. Mövsümün sonunda "Esixa" ikinci divizyon B-yə düşdü.

Portuqaliya dövrü və karyerasının sonu

"Esixa"nın aşağı liqaya düşməsindən sonra o, Portuqaliyanın "Vitoriya" Setubal klubuna transfer oldu. Bu klubda Qasımov uğurlu qrafik cızdı. İlk mövsümündə klubu 13-cü pilləni tutsa da, ertəsi mövsüm "Vitoriya" Setubal 5-ci yerin sahibi oldu. 1999-cü ilin yayında Qasımov Portuqaliya 3-ci divizyon təmsilçisi "İmortal" klubuna transfer oldu. Bu klubda 2 mövsüm keçirsə də klubunu yuxari pillələrə çıxara bilmədi və 2001-ci ilin yayında futbol karyerasını başa vurdu.

Milli komanda kariyerası

Vəli Qasımov Azərbaycan yığma komandasında yalnız 14 oyun keçirib. Bu oyunlarda qapılara yol tapa bilməyib. İlk dəfə milli komandaya 1994-cü ildə dəvət alıb. Son dəfə isə 1998-ci ildə milli komandaya dəvət alıb.

Futbolla vidalaşdıqdan sonra

Vəli Qasımov qısa müddət portuqaliya aşağı divizyon klubu olan Gelvesin məşqçisi oldu. Son iş yeri Azərbaycan yığma komandasının məşqçisi Berti Foqtsun köməkçisi və 19 yaşadək futbolçulardan ibarət Azərbaycan millisinin çalışdırıcısı vəzifələri olmuşdur.

Azərbaycan, rus, ispan, portuqal dillərini bilir. Murad adlı bir oğlu var.

İstinadlar

  1. . president.az, 03.03.2019  (azərb.)
  2. news.milli.az  (azərb.)

Xarici keçidlər

  •  (isp.)
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019