Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinVəli Rəşadət oğlu İsrafilov (18 oktyabr 2002, Tümen) — Azərbaycanı təmsil edən üzgüçü. 2020-ci ildə XVI Yay Paralimpiya Oyunlarının qalibi olub.
| Vəli İsrafilov | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Şəxsi məlumatlar | ||||||||||||||
| Tam adı | Vəli Rəşadət oğlu İsrafilov | |||||||||||||
| Vətəndaşlığı | ||||||||||||||
| Doğum tarixi | 18 oktyabr 2002 (22 yaş) | |||||||||||||
| Doğum yeri | ||||||||||||||
| İdman növü | üzgüçülük | |||||||||||||
|
Medallar
|
||||||||||||||
 Vikianbarda əlaqəli mediafayllar | ||||||||||||||
.svg){kind=logo}
Vəli İsrafilov 2002-ci il oktyabrın 18-də Rusiyanın Tümen şəhərində anadan olub. Əslən Masallı rayonundan olan Vəli İsrafilov, 2008-ci ildən idmanla məşğul olur.
Vəli İsrafilov 2019-cu ildə London şəhərində (Birləşmiş Krallıq) baş tutan Dünya Çempionatında 100 metr məsafəyə brass üsulu ilə üzmə turnirində bürünc medala sahib oldu.
2020-ci ildə isə Vəli İsrafilov Funşal şəhərində (Portuqaliya) Avropa Çempionatında mübarizə apardı və 100 metr məsafəyə brass üsulu ilə üzmə turnirinin qalibi oldu.
Vəli İsrafilov 2021-ci ildə XVI Yay Paralimpiya Oyunlarında mübarizə apardı. Vəli İsrafilov 100 metr məsafəyə brass üsulu ilə üzmə turnirdə mübarizə apardı.[1] 8 idmançının mübarizə apardığı final mərhələsində Vəli İsrafilov 1:04.86 dəqiqə nəticə göstərdi və XVI Yay Paralimpiya Oyunlarının qalibi oldu.[1][2] Vəli İsrafilov həm də 2016-cı ildə Belarus nümayəndəsi Vladimir İzotu tərəfindən müəyyən olunan Paralimpiya rekordunu (1:06.82) da yenilədi.[1]
Daha sonra Vəli İsrafilov 100 metr məsafəyə batterflay üsulu ilə üzmə turnirində mübarizə apardı.[3] Beş idmançının mübarizə apardığı təsnifat mərhələsində Vəli İsrafilov 1:10.58 dəqiqə nəticə göstərdi və beşini pillənin sahibi oldu.[3] Bu nəticələrə əsasən sadəcə Vəli İsrafilov final mərhələsinə vəsiqə qazana bilmədi.[3]
Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Vəli Rəşadət oğlu İsrafilov 1-ci dərəcəli "Vətənə xidmətə görə" ordeni ilə təltif edildi.[4]
Vəli İsrafilov 2022-ci ildə Madeyra şəhərində (Portuqaliya) baş tutan Dünya Çempionatında 100 metr məsafəyə brass üsulu ilə üzmə turnirində qızıl medala sahib oldu.
İsrafilov 2024-cü ildə Parisdə keçirilmiş Yay Paralimpiya Oyunlarında mübarizə aparmış, 100 metr məsafəyə brass üsulu ilə üzmədə 1:05:35 nəticə ilə bürünc medal qazanmışdır.[5] O, Prezident İlham Əliyevin 10 sentyabr 2024-cü il tarixli sərəncamı ilə Azərbaycan Respublikası Prezidentinin fəxri diplomu ilə təltif edilmişdir.[6] Prezidentin eyni tarixli digər bir sərəncamı ilə həmçinin ona 2024 Yay Paralimpiya Oyunlarında üçüncü yeri tutduğuna görə 50 000 manat, məşqçisinə isə 25 000 manat pul mükafatı verilib.[7]
- ↑ 1 2 3 Azerisport.com idman portalı. "Токио-2020: Вели Исрафилов завоевал 11-е золото Азербайджана". www.azerisport.com ( (rus.)). 01.09.2022. Archived from the original on 2022-09-26. İstifadə tarixi: 01.09.2022.
- ↑ Azerisport.com idman portalı. "17-й чемпион Паралимпиады". www.azerisport.com ( (rus.)). 01.09.2022. Archived from the original on 2022-09-26. İstifadə tarixi: 01.09.2022.
- ↑ 1 2 3 Azerisport.com idman portalı. "Токио-2020: Роман Салей выиграл третье золото". www.azerisport.com ( (rus.)). 01.09.2022. Archived from the original on 2022-08-30. İstifadə tarixi: 01.09.2022.
- ↑ Azərbaycan Dövlət İnformasiya Agentliyi. "Azərbaycan Milli Paralimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 6 sentyabr 2021-ci il tarixli Sərəncamı". www.azertag.az ( (az.)). 06.09.2022. 2022-08-05 tarixində arxivləşdirilib. İstifadə tarixi: 05.08.2022.
- ↑ "Paris-2024: Azərbaycan paraüzgüçüsü bürünc medal qazanıb". Report İnformasiya Agentliyi (az.). 5 sentyabr 2024. 22 sentyabr 2024 tarixində arxivləşdirilib. İstifadə tarixi: 22 sentyabr 2024.
- ↑ "Azərbaycan Milli Paralimpiya komandası üzvlərinin təltif edilməsi haqqında Azərbaycan Respublikası Prezidentinin Sərəncamı". president.az (az.). 10 sentyabr 2024. 10 sentyabr 2024 tarixində arxivləşdirilib. İstifadə tarixi: 22 sentyabr 2024.
- ↑ "Fransanın Paris şəhərində keçirilən XVII Yay Paralimpiya Oyunlarında Azərbaycan Respublikasının idmançıları və onların məşqçiləri üçün yüksək nəticələrə görə mükafatların müəyyən edilməsi haqqında Azərbaycan Respublikası Prezidentinin Sərəncamı". president.az (az.). 10 sentyabr 2024. 10 sentyabr 2024 tarixində arxivləşdirilib. İstifadə tarixi: 22 sentyabr 2024.