Bu məqaləni vikiləşdirmək lazımdır. |
Vəkil — qanunvericiliklə bağlı məsləhət verməyə, hüquqi sənədlər tərtib etməyə və ya şəxsləri hüquqi məsələlərdə təmsil etməyə ixtisaslaşmış şəxsdir. Vəkilin işi konkret hüquq sistemindən, yurisdiksiyadan və ixtisaslaşdığı sahədən asılı olaraq dəyişə bilər.
Tarixən vəkillərin rolu qədim sivilizasiyalara, məsələn, Yunanıstan və Roma dövrlərinə qədər gedib çıxır. Müasir dövrdə vəkillik fəaliyyəti cinayət və ya mülki məhkəmələrdə müştərilərin təmsil olunması, biznes əməliyyatları üzrə məsləhət verilməsi, əqli mülkiyyətin qorunması və qanunlara və qaydalara riayət olunmasına nəzarət kimi fəaliyyətləri əhatə edir.[1]
Ölkədən asılı olaraq, vəkil olmaq üçün tələb olunan təhsil bakalavr hüquq dərəcəsinin əldə edilməsindən tutmuş magistratura səviyyəsində təhsil və peşəkar hazırlığa qədər dəyişə bilər. Bir çox yurisdiksiyalarda hüquq fəaliyyətinə başlamaq üçün əlavə olaraq imtahan — vəkillik imtahanı vermək də tələb olunur.
Vəkil kimi işləmək, adətən, abstrakt hüquqi nəzəriyyələrin və biliklərin konkret problemlərin həllinə praktik şəkildə tətbiqini əhatə edir. Bəzi vəkillər isə əsasən hüququn aliliyinin, insan hüquqlarının və hüquq peşəsinin maraqlarının qorunması sahəsində çalışırlar.[2][3]
- ↑ Henry Campbell Black, Black's Law Dictionary, 5th ed. (St. Paul: West Publishing Co., 1979), 799.
- ↑ Geoffrey C. Hazard, Jr. & Angelo Dondi, Legal Ethics: A Comparative Study (Stenford: Stenford Universitet Nəşriyyatı, 2004, ISBN 0-8047-4882-9), 20–23.
- ↑ Con Henri Merriman və Roqelio Perez-Perdomo, The Civil Law Tradition: An Introduction to the Legal Systems of Europe and Latin America, 3rd ed. (Stenford: Stanford University Press, 2007),102–103.