Vəfa Musayeva (azərb. Vəfa Musayeva Təbriz qızı; 25 mart 1981, Bakı) — Azərbaycanlı alpinist, təlimçi. Everest zirvəsinə qalxan ilk azərbaycanlı qadın və eyni ekspedisiyada həm Everest, həm də Lhotze zirvələrinə qalxan ilk azərbaycanlı alpinist.[1] [2]
| Vəfa Musayeva | |
|---|---|
| Doğum tarixi | 25 mart 1981 (44 yaş) |
| Doğum yeri | |
| Fəaliyyəti | alpinist |
Vəfa Musayeva (ictimaiyyətə Vəfa Qəhrəman kimi tanınır) Bakı şəhərində anadan olub və burada böyüyüb. Orta təhsilini Bakı şəhəri 263 nömrəli məktəbdə başa vurmuşdur. Daha sonra Azərbaycan Universitetinə qəbul olunaraq filologiya ixtisası üzrə bakalavr təhsili almış, magistr pilləsində isə "Amerika və dünya ədəbiyyatı" üzrə təhsilini davam etdirmişdir. O, "Beynəlxalq Müəllimlik Sertifikatı" proqramını bitirmiş və beynəlxalq səviyyədə tanınan müəllim kimi fəaliyyət göstərir. Həmçinin, "Adler Kouçinq İnstitutu"nu bitirərək peşəkar həyat kouçu sertifikatına sahibdir.[3]
Vəfa Musayeva karyerasına Xaçmaz rayonunun Sərkərli kəndində müəllim kimi başlamış və burada iki il çalışmışdır. Daha sonra bir neçə beynəlxalq məktəbdə və universitetdə dərs demiş, "Azərbaycan Müəllim İnkişaf Mərkəzi"ndə təlimçi kimi və bir sıra təhsil müəssisələrində təhsil müfəttişi kimi çalışmışdır.[4] [5]
Vəfa alpinistliyə 2016-cı ildə başlamışdır.
Zirvəyə çatdığı əsas dağlar
- Savalan dağı (İran)
- Elbrus dağı (Avropanın ən yüksək zirvəsi)
- Ojos del Salado (Cənubi Amerikanın ən yüksək vulkanı)
- Barrancas Blancas (Cənubi Amerika, 5000 m+)
- Yurhim zirvəsi (Pamir dağlarında)
- Everest (15 may 2025)
- Lhotze zirvəsi (17 may 2025)
Nailiyyətləri
Vəfa Musayeva ailəlidir, iki qızı var.
- ↑ "Vəfa Musayeva Everesti fəth edən ilk azərbaycanlı qadın oldu". oxu.az.
- ↑ "Everest zirvəsinə qalxan ilk azərbaycanlı xanım alpinist Vəfa Musayeva vətənə qayıdıb". baku.tv.
- ↑ "Azerbaijani climber completes Everest-Lhotse traverse". Everestchronicle.com (ingilis).
- ↑ "BSU Hosts Everest Conqueror Vafa Musayeva". Bsu.edu.az (ingilis).
- ↑ "BDU-da Everesti fəth edən alpinist Vəfa Musayeva ilə görüş olub". Azertag.az (az.).
- ↑ "Vafa Musayeva Becomes First Azerbaijani Woman to Summit Mount Everest". Caspianpost.com.
- ↑ "Azərbaycanlı alpinistdən tarixi zirvə yürüşü". Musavat.com.
- ↑ "From Everest to Lhotse in two days: Azerbaijani climber sets new record". Caliber.az (ingilis). İstifadə tarixi: 2025-05-19.
- ↑ "Azərbaycanlı alpinist Vəfa Musayeva dünyanın ən hündür nöqtəsi olan Everest zirvəsini fəth edərək tarixi bir uğura imza atdı". Apa.az.
- ↑ ""Everestə qalxarkən ölüm təhlükəsi ilə üz-üzə qaldım" - Vəfa Qəhrəman (Musayeva)". İctimai TV.
- ↑ "Vəfa Musayeva Vətənə qayıdıb". Gənclər və İdman Nazirliyi.