Və beləcə... (ing. And Just Like That...) — Maykl Patrik Kinq tərəfindən HBO Max platforması üçün inkişaf etdirilmiş ABŞ komediya dram teleserialı. Serial, Kendis Buşnellin eyni adlı kitabı əsasında Darren Star tərəfindən HBO telekanalı üçün yaradılmış "Böyük şəhərdə seks" teleserialının sikvelidir.
| Və beləcə... | |
|---|---|
| ing. And Just Like That... | |
 | |
| Janr |
romantik komediya komediya dram erotik komediya |
| Əsaslanır | Kendis Buşnellin "Böyük şəhərdə seks" romanı |
| İlk baxış tarixləri | 6 iyun 1998 |
| Prodüser | Teddi Au, Maykl Patrik Kinq, Sara Cessika Parker |
| Yaradıcısı | Darren Starr |
| Rollarda |
Sara Cessika Parker Kristin Devis Sintiya Nikson Mario Kantone Kris Not Sarita Çoudhuri Nikol Ari Parker |
| Bəstəkar | Aaron Ziqman |
| İstehsalçı ölkə |
 ABŞ |
| İl | 2021-2025 |
| Dil | ingiliscə |
| Mövsüm sayı | 3 |
| Seriya sayı | 33 |
| Seriya vaxtı | 37-44 dəq. |
| İstehsalçı şirkət |
Michael Patrick King Productions HBO Entertainment Pretty Matches Productions Rialto Films |
| IMDb | ID13819960 |
| Platforma | HBO Max |
| Əvvəlki | Böyük şəhərdə seks 2 |
Üçüncü filmin təxirə salınmasından sonra, 2020-ci ilin dekabrında yeni serialın hazırlıqlarına başlanmışdır. 2021-ci ilin yanvarında HBO Max tərəfindən serialın tam mövsümü sifariş edilir. 2021-ci il boyunca serialın aktyor heyəti elan edilir, 2021-ci ilin iyulunda isə Nyu-York şəhərində çəkilişlərə start verilir. 9 dekabr 2021-ci ildə HBO Max-da "Və beləcə..." serialının premyerası baş tutur.
İlk mövsüm, bir dəfəlik mini-serial kimi elan edilmiş, mövsüm finalı isə 3 fevral 2022-ci ildə yayımlanmışdır. 2022-ci ilin martında serialın ikinci mövsümü elan edilmiş, onun premyerası isə 22 iyun 2023-cü ildə baş tutmuşdur. 2023-cü ilin avqustunda serialın üçüncü mövsümü elan edilmiş, 29 may 2025-ci ildə isə üçüncü mövsümün premyerası baş tutmuşdur. 14 avqust 2025-ci ildə üçüncü mövsümün son seriyasının yayımlanması ilə serialın tamamlandığı, bununla da "Böyük şəhərdə seks" franşizasının bitirildiyi elan edilmişdir.
Serial tənqidçilər tərəfindən qarışıq rəylər almış, bəzi tənqidçilər isə onun keyfiyyət baxımından orijinal "Böyük şəhərdə seks" serialından geri qaldığını qeyd etmişlər.