Vüsal Qüdrət oğlu Məmmədov (3 iyun 1990, Musabəyli, Füzuli rayonu – 12 oktyabr 2020, Füzuli rayonu) — Azərbaycan Müdafiə Nazirliyinin Hərbi Dəniz Qüvvələrinin miçmanı; 2020-ci ildə Qarabağ müharibəsi zamanı Füzulinin azad edilməsi uğrunda gedən döyüşlərdə şəhid olub, ölümündən sonra "Qarabağ" ordeni ilə təltif edilib.[1]
| Vüsal Məmmədov | |
|---|---|
 | |
| Şəxsi məlumatlar | |
| Doğum tarixi | 3 iyun 1990 |
| Doğum yeri | |
| Vəfat tarixi | 12 oktyabr 2020 (30 yaşında) |
| Vəfat yeri | |
| Dəfn yeri | |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Hərbi Dəniz Qüvvələri |
| Xidmət illəri | 2010—2012 / 2015—2020 |
| Rütbəsi |
 Miçman |
| Döyüşlər | |
| Təltifləri |
    |
Vüsal Qüdrət oğlu Məmmədov 1990-cı il, iyunun 3-də Füzuli rayonunun Musabəyli kəndində anadan olub.[2][1]
2010-cu ildə Füzuli Rayon Hərbi Komissarlığı tərəfindən müddətli həqiqi hərbi xidmətə çağırılıb və 2010–2011-ci illərdə Hərbi Dəniz Qüvvələrinin N saylı hərbi hissədə xidmət edib.[1]
2015-ci ildə hərbi hissənin nəzdində "Təməl Xüsusi Təyinatlı kursu"nu bitirib.[1]
Silahlı Qüvvələrin Baş Qərargah rəisi, general-polkovnik Nəcməddin Sadıqovun 17.08.2015-ci il tarixli əmri ilə "K/miçman", Hərbi Dəniz Qüvvələri Komandanının 05.10.2017-ci il tarixli əmri ilə "miçman" hərbi rütbəsi verilib.[1]
Azərbaycan Silahlı Qüvvələrində xidmət etdiyi 5 il ərzində dəniz piyadası taqımının manqa komandiri, xüsusi təyinatlı qrupun dalğıcı-kəşfiyyatçı vəzifələrində xidmət edib.[1]
Müxtəlif illərdə müdafiə nazirinin əmri ilə "Azərbaycan Ordusunun 100 illiyi (1918–2018)" yubiley medalı ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Cəbrayılın və Füzulinin azad edilməsi uğrunda gedən döyüş əməliyyatlarına qatılıb. Oktyabrın 12-də Füzuli rayonu ərazisində döyüş tapşırığının icrası zamanı şəhid olub.[1] Füzuli rayonunda dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Füzulinin azad olunmasına görə" və "Vətən uğrunda" medalları ilə təltif edilib.[4][5][6]
Evli idi. Hüseyn adında bir oğlu var.
- ↑ 1 2 3 4 5 6 7 8 layihənin müəllifi, tərtibatçı-redaktor Abdulla Qurbani. "Vətən müharibəsi şəhidləri: Azərbaycan Ordusunun şəhid zabit və gizirləri:". Azərbaycan Prezidentinin İşlər İdarəsinin Prezident Kitabxanası ( (az.)). 01.10.2022. İstifadə tarixi: 01.10.2022.
- ↑ Müdafiə Nazirliyi. "Vətən müharibəsində şəhid olmuş hərbi qulluqçuların SİYAHISI" (PDF). www.mod.gov.az ( (az.)). 01.10.2022. 2022-08-22 tarixində arxivləşdirilib (PDF). İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycanın ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 05.11.2021-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.