Bu məqalədə heç bir məlumatın mənbəsi göstərilməmişdir. |
Vüsalə Rəfail qızı Əlizadə (12 iyul 1984, Bakı) — azərbaycanlı televiziya aparıcısı və sənətçi.
| Vüsalə Əlizadə | |
|---|---|
| Doğum tarixi | 12 iyul 1984 (40 yaş) |
| Doğum yeri | |
| Uşağı | 1 |
| Milliyyəti | Azərbaycanlı |
| Təhsili | |
| Fəaliyyəti | aparıcı, televiziya aparıcısı |
| Fəaliyyət illəri | 2002-ci ildən |
 Vikianbarda əlaqəli mediafayllar | |
Vüsalə Əlizadə 1984-cü il 12 iyulda Bakı şəhərində anadan olub. Üç bacısı və bir qardaşı var.[1] 9-cu sinifə qədər Buzovna qəsəbəsində yerləşən Əfqan Əliyev adına 125 nömrəli orta məktəbdə təhsil alıb. Daha sonra Turan Liseyini bitirib. Azərbaycan Dövlət Mədəniyyət və İncəsənət Universitetinin "Rejissorluq" fakültəsində ali təhsil alıb.
2002–2014-cü illərdə "Lider" TV-də yayımlanan "Pərdə" maqazin verilişində redaktor vəzifəsində çalışıb. 2014–2016-cı illərdə "APA Holding"-in nəzdində fəaliyyət göstərən "APA" TV-də yayımlanan "Səhər zəngi" verilişinin aparıcısı olub. 2015-ci ildən etibarən ATV-də yayımlanan "Qadına görə" verilişinin aparıcısıdır.[2][3]
2017-ci ilin oktyabr ayında ATV-də yayımlanan Maşın Realiti Şousunun Xanımlar və Cənablar adlanan 15-ci sürətinə qatılıb. Oktyabrın 17-si səsverməyə çıxarılaraq səslərin 56.44 faizini toplayıb və maşın uğrunda mübarizəni davam etdirib. Həmin gün şoudan Vüqar Əbdulovu uzaqlaşdırıb. Şounun növbəti günlərində də, uğurla çıxış edərək finala çıxıb.[4] Maşın uğrunda həlledici mübarizədə müğənnilər Talıb Tale və Xatun Əliyeva ilə yarışıb. Amma oktyabrın 23-də səhhəti ilə bağlı yaranan problemlərə görə əlini maşından çəkib və maşın uğrunda mübarizəni dayandırıb.Hal-hazırda Xəzər TV də yayımlanan İncə Səhər verilişinin aparıcısıdır.
2013-cü ilə qədər teleaparıcı Azər İsmayılov ilə ailəli olub.[5][6] 10 fevral 2012-ci il təvəllüdlü Dilək adında bir qız övladı var.[7]
- ↑ "Vüsalə Əlizadə - Bioqrafiya". Metbuat.az. 2024-07-31 tarixində arxivləşdirilib. İstifadə tarixi: 2024-07-31.
- ↑ "Aparıcı 20 il çalışdığı "ATV"dən yenicə ayrıldığını açıqlamışdı indi isə tamaşaçılar onu "Xəzər TV"də görəcəklər". www.bakupost.az.
- ↑ ""Qafqazinfo"nun məlumatına görə, aparıcı "Qadına görə" adlanan proqramın anonsu üçün müxtəlif obrazlarla kamera qarşısına keçib". Qafqazinfo.az.
- ↑ "Vüsalə Əlizadə "Maşın" şounu tərk etdi". Metbuat.az. 2024-07-31 tarixində arxivləşdirilib. İstifadə tarixi: 2024-07-31.
- ↑ "Azər 2-ci xanımından da ayrılıb". Qafqazinfo.az. 2024-07-31 tarixində arxivləşdirilib. İstifadə tarixi: 2024-07-31.
- ↑ "Tanınmış telejurnalistlər - Azər və Vüsalə boşandılar". Modern.az. 2024-07-31 tarixində arxivləşdirilib. İstifadə tarixi: 2024-07-31.
- ↑ "Aparıcı Vüsalə Əlizadə "Zərif qəhrəman" verilişinin qonağı olub - Adını öz istəyimlə *Dilək* qoydum". Sonxeber.az. 2024-07-31 tarixində arxivləşdirilib. İstifadə tarixi: 2024-07-31.