Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinVüqar Mənəf oğlu Yusubov (12 dekabr 1965 – 6 yanvar 2024) — Azərbaycan müğənnisi və bəstəkarı. O, 1980-ci illərdən etibarən həm Azərbaycanda, həm də Rusiyada musiqi fəaliyyəti ilə məşğul olmuş, "Təbriz" musiqi qrupunun rəhbəri kimi tanınmışdır.[1]
| Vüqar Yusubov | |
|---|---|
 | |
| Ümumi məlumatlar | |
| Doğum tarixi | |
| Doğum yeri | İmişli, Azərbaycan SSR, SSRİ |
| Vəfat tarixi | |
| Vətəndaşlığı |
 SSRİ→ Azərbaycan |
| Atası | Mənəf Yusubov |
| Musiqiçi məlumatları | |
| Fəaliyyəti | Müğənni, bəstəkar |
| Fəaliyyət illəri | 1986–2024 |
| Janr | Estrada musiqisi |
Vüqar Yusubov 1965-ci ildə İmişli rayonunda anadan olmuşdur. Uşaqlıqdan musiqi ilə məşğul olmuş, 13 yaşında ilk dəfə yerli "Röya" ansamblının konsertində səhnəyə çıxmışdır. Orta məktəbi bitirdikdən sonra İmişli rayon mədəniyyət şöbəsinin nəzdində uşaq-gənclər ansamblının yaradılmasında iştirak etmiş, 1983-cü ildə İmişlidəki Dəmiryol klubunda çıxış etmişdir.[2]
Vüqar Yusubov 1987-ci ildən etibarən kasetlər vasitəsilə mahnılarını yaymağa başlamış, bu vasitə ilə dinləyici kütləsi formalaşmış və müəyyən müddətdən sonra toylarda və konsert salonlarında çıxış etmişdir. Bu dövrdə Bakıda keçirilən konsertlərdə 20 gün ardıcıl çıxış etmişdir. Səhnə yoldaşları ilə fəaliyyətlərinin ilk illərində musiqilərini "Vesna" maqnitofonu ilə özləri lentə alırdılar. 1989-cu ildə Azərbaycan Televiziyasının "Dalğa" proqramında təqdim olunan və ifa etdiyi "Təbriz" mahnısı musiqi ictimaiyyətində tanınmışdır. Peşəkar studiya imkanlarının olmamasına baxmayaraq bu fəaliyyətləri diqqət cəlb etmiş, eyni ildə azərbaycanlı iş adamı Cənnət Əliyev onları dinlədikdən sonra əməkdaşlıq təklif etmişdir.[1][2]
Bir müddət İmişlinin qabaqcıl mədəniyyət işçisi, bəstəkar Şakir Əliyevin qurduğu "Şəms" ansamblında fəaliyyət göstərir. Ardınca Cənnət Əliyevin Rusiyada yaratdığı "Təbriz" musiqi qrupunda fəaliyyətə başlayır.[2]
1990-cı illərdə Vüqar Yusubov Azərbaycana qayıdaraq solo fəaliyyətini davam etdirmişdir. Bu dövrdə onun ifasında səslənən "Mən səni sevmədim ki", "Yalanmış" və "Ayrılıqdan yana" adlı mahnılar müstəqil musiqi fəaliyyətinin əsas nümunələrindən biri kimi tanınmağa başlamışdır.
O, Sezən Aksunun da oxuduğu "Gülümsə" mahnısını ifa edib. Vüqar Yusubovun sözlərinə görə Vüqarın ifasını çox bəyənən Sezən Aksu gülərək "bilsəydim, bu ifanı məndən sonra belə oxuyan olacaq, heç oxumazdım" ifadəsini işlədərək mübaliğə etmişdir.[3]
Vüqar Yusubov həmçinin bəstəkar kimi də fəaliyyət göstərmiş, bir çox mahnıların musiqisini özü yazmışdır. Onun ən bəyəndiyi mahnılardan birinin "Təbriz" mahnısı olduğu üçün ansamblına Təbriz adını vermiş, oğluna da bu adı qoymuşdur.[2]
- ↑ 1 2 ""Böyük pulları da, qadınları da, şöhrəti də görmüşəm!"". Kulis.az.
- ↑ 1 2 3 4 "Vüqar Yusubov: "Nə yaxşı ki, bir iz qoyub gedirəm..."". hemlemedia.az. İstifadə tarixi: 29 iyul 2025.
- ↑ "Vüqar Yusubov: "Sezen Aksu zəng edib, tanımadığım nömrə olduğuna görə cavab verməmişəm" - MÜSAHİBƏ". Apa.az.
- ↑ "Vüqar Yusubov vəfat etdi". Qafqazinfo.az. 12 iyun 2024. İstifadə tarixi: 30 iyul 2025.
- ↑ Müğənni Vüqar Yusubov vəfat etdi – Kulis.az, 6 yanvar 2024