Vüqar Əliyev (azərb. Əliyev Vüqar Əliheydər oğlu; 1980, Bakı) — Azərbaycan Dövlət İnformasiya Agentliyinin (AZƏRTAC-ın) İdarə Heyətinin sədri[1]
| Vüqar Əliyev | |
|---|---|
| Vüqar Əliheydər oğlu Əliyev | |
| Doğum tarixi | |
| Doğum yeri | Azərbaycan, Bakı |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| İxtisası | Filologiya |
| Təhsili | Azərbaycan Universiteti, Moskva Dövlət Linqvistika Universiteti |
| Fəaliyyəti | jurnalistika |
| Mükafatları |
     |
Vüqar Əliyev 1980-ci il noyabrın 27-də Bakıda anadan olub.
2001-ci ildə Azərbaycan Universitetinin ingilis dili fakültəsini bitirib.
2001-2002-ci illərdə həqiqi hərbi xidmətdə olub.
“2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində 2010-2012-ci illərdə Moskva Dövlət Linqvistika Universitetində[rus.] jurnalistika ixtisası üzrə təhsil alıb.
2007-2017-ci illərdə Azərbaycan Dövlət İnformasiya Agentliyində (AZƏRTAC) ingilis dili üzrə tərcüməçi və tərcümə redaktoru vəzifələrində işləyib.
2017-2019-cu illərdə siyasət xəbərləri redaksiyasında bölmə müdiri vəzifəsində çalışıb. Bu illərdə Prezident İlham Əliyevin və Birinci vitse-prezident Mehriban Əliyevanın xarici səfərlərinin və iştirak etdikləri tədbirlərin işıqlandırılmasında iştirak edib.
2019-2022-ci illərdə Prezident Administrasiyasında Birinci vitse-prezidentin Katibliyində çalışıb.
2022-ci il noyabrın 28-də Azərbaycan Respublikası Prezidentinin Sərəncamı ilə Azərbaycan Dövlət İnformasiya Agentliyinin (AZƏRTAC-ın) İdarə Heyətinin sədri təyin olunub.[2]
Asiya və Sakit Okean Ölkələri İnformasiya Agentlikləri Təşkilatının (OANA) vitse-prezidentidir.[3]
İslam Əməkdaşlıq Təşkilatının Milli Xəbər Agentlikləri Birliyinin (UNA) İcraiyyə Şurasının üzvüdür.
Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvüdür.[4]
2023-cü ilin sentyabrında “Bir kəmər, bir yol İqtisadi İnformasiya Tərəfdaşlığı platformasının Rəyasət Heyətinin üzvü seçilib.[5]
Ailəlidir, üç qız övladı var.
- "Azərbaycan Respublikası Prezidentinin təhlükəsizliyini təmin edən orqanın 30 illiyi (1993–2023)" yubiley medalı (2023)
- "Azərbaycan Respublikasının xüsusi rabitə və informasiya təhlükəsizliyi orqanının 30 illiyi (1993–2023) yubiley medalı (2023)
- "Heydər Əliyevin 100 illiyi (1923–2023)" yubiley medalı (2024)
- Azərbaycan Respublikası Prezidentinin fəxri diplomu — 21 iyul 2025[6]
- ↑ "Prezident Vüqar Əliyevi AZƏRTAC-ın İdarə Heyətinin sədri təyin edib". 28 noyabr 2022 tarixində arxivləşdirilib. İstifadə tarixi: 28 noyabr 2022.
- ↑ V.Ə.Əliyevin Azərbaycan Dövlət İnformasiya Agentliyinin (AZƏRTAC-ın) İdarə Heyətinin sədri təyin edilməsi haqqında Azərbaycan Respublikası Prezidentinin Sərəncamı
- ↑ "OANA Executive Board". 11 yanvar 2024 tarixində arxivləşdirilib. İstifadə tarixi: 16 aprel 2024.
- ↑ "Komissiya üzvləri". 24 mart 2023 tarixində arxivləşdirilib. İstifadə tarixi: 16 aprel 2024.
- ↑ AZƏRTAC “Bir kəmər, bir yol” İqtisadi İnformasiya Tərəfdaşlığı platformasının Rəyasət Heyətinin üzvü seçilib
- ↑ "Media nümayəndələrinin təltif edilməsi haqqında Azərbaycan Respublikası Prezidentinin Sərəncamı". president.az. 21 iyul 2025. İstifadə tarixi: 21 iyul 2025.