Ute Vartenberq

O, bakalavr təhsilini Saarbryukken Universitetində almış, burada qədim tarix üzrə ixtisaslaşmışdır.^[5] Daha sonra Oksford Universitetində Rods təqaüdçüsü kimi humanitar elmlər fakültəsində Oksirinx papiruslarından bəziləri adlı dissertasiya işi yazaraq 1990-cı ildə doktorluq dərəcəsi əldə etmişdir.^[6][7] 1991-1998-ci illərdə Vartenberg Britaniya Muzeyində yunan sikkələri üzrə kurator vəzifəsində çalışmışdır. Daha sonra Amerika Numizmatika Cəmiyyətinin icraçı direktoru kimi iyirmi il ərzində fəaliyyət göstərmişdir. 2000-ci ildə, ANC-nin büdcə kəsirini azaltmaq üçün cəmiyyətin fəaliyyətini yenidən təşkil edərək, təşkilatın ofisini Manhettenin Maliyyə Bölgəsinə köçürmüş və daha sonra ikinci dəfə SoHo bölgəsinə daşınmasını təmin etmişdir.^[8]

2002-ci ildə o, ABŞ Xəzinədarlığının Vətəndaş Xatirə Sikkələri Məsləhət Komitəsinə təyin edilmiş və daha sonra bu komitənin sədri olmuşdur.^[9] 2003-2007-ci illər arasında isə Vətəndaş Sikkələri Məsləhət Komitəsinə rəhbərlik etmişdir. 2017-ci ildə, Vartenberg Saxta Pullarla Mübarizə Təhsil Fondunun Saxta Pullarla Mübarizə İşçi Qrupunun üzvü təyin edilmişdir.^[10]

2008-ci ildən etibarən Nyu-Hempşirdə yerləşən Avqustus Sent-Qaudens Memorialının rəhbəri olmuşdur.^[11] 2015-ci ildən isə Beynəlxalq Numizmatika Şurasının üzvüdür. 2019-cu ildə, Beynəlxalq Muzeylər Şurasının Beynəlxalq Pul və Bank Muzeyləri Komitəsinin sədri seçilmişdir.^[4]

Vartenberg numizmatika üzrə müxtəlif elmi jurnallarda və numizmatik nəşrlərdə çoxsaylı məqalələr çap etdirmiş və mühüm elmi əsərlərə redaktor, həmmüəllif və ya töhfə verən kimi qatılmışdır. Onun ən tanınmış işlərinə aşağıdakılar daxildir:

• "Ağ Qızıl: erkən elektrum sikkələri üzrə tədqiqatlar" (ANC baş kuratoru Peter van Alfen ilə birlikdə)
• "Presbeus: qədim sikkələr üzrə tədqiqatlar (Riçard Eştona həsr olunub)" (Endryu Midous ilə birlikdə)
• "ΚΑΙΡΟΣ: Numizmatikaya töhfələr – Bazil Demetriadinin şərəfinə".^[12]

• 2002 — Numizmatika Səfiri seçilmişdir.
• 2008 — London Antikvarlar Cəmiyyətinin üzvü seçilmişdir.
• 2015 — Almaniyanın Beynəlxalq Pul Tarixi Cəmiyyətinin fəxri mükafatına layiq görülmüşdür
• 2017 — Polşanın Vrokłau şəhərində Qonaq professor olmuşdur.^[4]

Vartenberg Oksford Universitetində klassik filologiya üzrə təhsil almış Conatan Kaqan ilə evlidir.

1. ↑ Catalogue of the Library of the Italian School of Archaeology at Athens.
2. ↑ ^{1 2} Rhodes Scholar Database.
3. ↑ Gilkes, Paul. "Wartenberg steps down after two decades as ANS executive director". Coin World. 8 November 2019. İstifadə tarixi: 22 June 2021.
4. ↑ ^{1 2 3} "Ute Wartenberg Becomes First Female ANS President". Coins Weekly. 5 November 2020. İstifadə tarixi: 21 June 2021.
5. ↑ Kampmann, Ursula. "Ute Wartenberg Resigns as Executive Director of the ANS". CoinsWeekly (ingilis). 2019-10-24. İstifadə tarixi: 2023-02-07.
6. ↑ Packer, Margaret M. "RESEARCH IN CLASSICAL STUDIES FOR UNIVERSITY DEGREES IN GREAT BRITAIN AND IRELAND". Bulletin of the Institute of Classical Studies (36). 1989: 169–202. ISSN 0076-0730.
7. ↑ "A Hellenistic Bibliography - Apollonius of Rhodes". sites.google.com (ingilis). İstifadə tarixi: 2023-02-07.
8. ↑ Zuckerman, Laurence. "Coin Society's Plans Upset Some Members". New York Times. 8 January 2000. İstifadə tarixi: 15 June 2021.
9. ↑ "Citizens Commemorative Coin Advisory Committee Welcomes Two New Members". United States Mint. 6 August 2002. İstifadə tarixi: 21 June 2021.
10. ↑ "ICTA Names 11 to Task Force Steering Committee". February 2017. İstifadə tarixi: 15 June 2021.
11. ↑ "Board of Trustees". The Sait-Gaudens Memorial. İstifadə tarixi: 15 June 2011.
12. ↑ "Ute Wartenberg".