Saytama Şəhər Komaba stadionu (さいたま市浦和駒場スタジアム, Saitama-shi Urawa Komaba Sutajiamu?) — Yaponiyanın Saytama prefekturasının Saytama şəhərində yerləşən futbol stadionu. Tutumu 21.500 nəfərdir.
| Urava Komaba stadionu | |
|---|---|
 Stadionun görünüşü. | |
 |
|
| Yeri |
 Saytama,  Saytama prefekturası,  Yaponiya |
| Açılış tarixi | 9 sentyabr 1967[1] |
| Yenidən qurulma tarixi | 1982, 1993, 1995 |
| Sahibi | Saytama |
| Tamaşaçı tutumu | 21.500 |
| Ev sahibi komanda |
Urava Red Daymonds (1992-2010) Omiya Ardiya (2005-2007) |
| Meydançanın ölçüləri | 106 m x 70 m |
| Ot örtüyü | təbii |
| Rəsmi saytı | |
 Vikianbarda əlaqəli mediafayllar | |
1967-ci ildə atletika idman növlərinin keçirilməsi məqsədilə tikilmişdir. Şəhərin mərkəzindən sadəcə 1,5 kilometr uzaqlıqda yerləşir. İlkin tamaşaçı tutumu cəmi 5000 nəfər olsa da, 1982-ci ildə bu rəqəm 8000-ə çatdırılmışdır. 1991-ci ildə stadionu "Urava Red Daymonds" klubunun ev stadionuna çevirmək üçün 1,7 milyard yen pul xərclənmiş və tutum 10.000 nəfər çatdırılmışdır. Lakin işlər bununla başa çatmamış, 1 il yarım sonra 4,5 milyard yen qarşılığında yenidən genişləndirmə işlərinə start verilmişdir. İşlər 1995-ci ilin avqustunda tamamlanmış və tamaşaçı tutumu 21.500 nəfər çatmışdır.[1]
Futbol üzrə Yaponiya çempionatının iştirakçı klublarından biri olan "Urava Red Daymonds" 1992-2010-cu illərdə stadionda əsas ev oyunlarını keçirmişdir. 2005-2007-ci illərdə bu klubun əzəli rəqibi "Omiya Ardiya"nın ev oyunları əsas stadionu NAK-5 stadionunun bərpa işləri ilə bağlı olaraq bu stadionda baş tutmuşdur.
Stadion "Urava Red Daymonds" klubunun mənəvi evi hesab olunur.
- ↑ 1 2 "Urawa Komaba Stadium". Urava Red Daymonds Klubun rəsmi saytı (ingilis). 2022-08-08 tarixində arxivləşdirilib. İstifadə tarixi: 3 iyun 2016.