Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinUnaqi (ウナギ?) - şirinsu ankvili, xüsusilə Yapon ankvili üçün işlədilən yapon söz.[1] Unaqi Yaponiya mətbəxində geniş istifadə olunan məhsuldur, kabayaki kimi geniş istifadə olunur. Duzlu suda yaşayan və Yaponiyada anaqo kimi tanınan ankvillərlə səhv salınmamalıdır.
.jpg)
Unaqi əsasən donburi tipli xörək olan unadon şəklində servis edilir: unaqi dilimləri düyü üzərinə qoyulur (bəzən bu xörəyə unaqidon deyilir). Unaqi piroqu adlı şirin biskvit növü də unaqidən hazırlanır.[2] Unaqidə çoxlu protein, A vitamini və kalsium var.[3]
Yaponiyada unadon restoranları çoxdur. Çox vaxt bu restoranların önündə unaqi sözünün ilk hərfi olan "う" hiraqanası işarə olur. Şizuoka prefekturasının Hamamatsu şəhərindəki Hamana gölündə ən yüksək keyfiyyətə malik unaqilər yaşayır. Nəticədə gölün ətrafında bir çox kiçik unaqi restoranı açılmışdır. Unaqi əsasən isti yay aylarında yeyilir. Hətta Buğa bürcünün orta günü unaqi yemək üçün xüsusi gündür.[4][5]
İçində unaqi və xiyar olan suşi növü unakyo adlanır. Unaqi zəhərli balıq olduğundan zəhərini məhv etmək onu həmişə bişirirlər və çox vaxt tare sousu ilə servis edirlər. Taresiz qızardılan və duzlanan unaqi "Şirayaki" adlanır.[6]
Mütəxəssislər müştərilərə unaqi yeməkdən qaçınmalarını tövsiyə edir, çünki dünyada şirinsu ankvillərinin sayı getdikcə azalır. Unaqi kimi istifadə edilən hər üç ankvil növü də keçən əsrin ikinci yarısında kəskin populyasiya azalmasına məruz qalmışdır. Misal üçün, Avropa ankvilinin tutulma sayı 1960-cı illərdən bəri 80 % azalmışdır. Yaponiya Ətraf Mühit Nazirliyi Yaponiya ankvilini ölkənin Qırmızı kitabında "təhlükədə olan" kateqoriyasından "yox olmuş" kateqoriyasına daxil etmişdir.[7]
- ↑ "日本鰻". Local Sensei. 28 may 2014 tarixində orijinalından arxivləşdirilib. İstifadə tarixi: 27 may 2014.
- ↑ "Archived copy". 6 fevral 2009 tarixində orijinalından arxivləşdirilib. İstifadə tarixi: 14 sentyabr 2009.
- ↑ "Arxivlənmiş surət". 23 may 2021 tarixində arxivləşdirilib. İstifadə tarixi: 7 aprel 2019.
- ↑ Yoshizuka, Setsuko. "About.com: Introduction to Japanese Unagi". 25 yanvar 2009 tarixində arxivləşdirilib. İstifadə tarixi: 19 iyul 2009.
- ↑ "Health Hokkaido: Beef Saturday- The Origin of Eel Day". 27 avqust 2009 tarixində orijinalından arxivləşdirilib. İstifadə tarixi: 19 iyul 2009.
- ↑ "Arxivlənmiş surət". 27 mart 2017 tarixində arxivləşdirilib. İstifadə tarixi: 7 aprel 2019.
- ↑ Westlake, Adam. "Japanese eel now officially seen as endangered". Japan Daily Press. 4 fevral 2013. 22 may 2014 tarixində orijinalından arxivləşdirilib. İstifadə tarixi: 27 may 2014. (#invalid_param_val)
Vikianbarda Unaqi ilə əlaqəli mediafayllar var.
