Ulduzlu gecə (nid. De sterrennacht) — Hollandiyalı post-impressionist rəssam Vinsent van Qoqun 1889-cu ilin iyununda kətan üzərində yağlı boya ilə çəkdiyi tablosudur. O, bu əsərində günəş doğmadan əvvəl Sen-Remi-de-Provansdakı sığınacaq otağının şərqə baxan pəncərəsindən xəyali bir kənd əlavə etməklə mənzərəni təsvir etmişdir. Van Qoqun maqnum əsəri kimi tanınan "Ulduzlu gecə" əsəri 1941-ci ildən Nyu Yorkdakı Müasir İncəsənət Muzeyinin daimi kolleksiyasına daxildir.
| Ulduzlu gecə | |
|---|---|
| nid. De sterrennacht | |
 | |
| Rəssam | Vinsent van Qoq |
| Tarixi | 1889 |
| Üslubu | peyzaj[2] |
| Ölçüləri | 73,7 ± 0,1 sm[1] × 92,1 ± 0,1 sm[1] |
| Materialı | Kətan, yağlı boya |
| Saxlanıldığı yer | Nyu-York Müasir İncəsənət Muzeyi |
| Saytı | vggallery.com/painting/p… |
| İnventar nömrəsi | 472.1941[1] |
 Vikianbarda əlaqəli mediafayllar | |
23 dekabr 1888-ci ildə sol qulağına zərər yetirdikdən sonra Van Qoq 8 may 1889-cu ildə könüllü olaraq Saint-Paul-de-Mausole dəlixanasına getdi. Saint-Paul-de-Mausole varlılara xidmət edirdi və Van Qoq gələndə o qədər də dolu deyildi. Buna görə də ona təkcə yatmaq üçün otaq deyil, həm də rəssamlıq emalatxanası kimi istifadə edə biləcəyi birinci mərtəbədəki otağı tutmağa imkan verdilər.
Van Qoq Sent-Remi-de-Provansdakı sığınacaqda qaldığı müddət ərzində karyerasının ən məşhur əsərlərindən bəzilərini, o cümlədən 1889-cu ilin may ayında çəkdiyi, hazırda J. Paul Getty Muzeyində olan Süsənlər və 1889-cu ilin sentyabrında çəkdiyi hazırda Orse muzeyində saxlanılan avtoportretini çəkmişdir.
.jpg)
- https://en.wikipedia.org/wiki/The_Starry_Night
- https://en.wikipedia.org/wiki/Museum_of_Modern_Art
- https://en.wikipedia.org/wiki/Monastery_of_Saint-Paul_de_Mausole
- https://en.wikipedia.org/wiki/J._Paul_Getty_Museum
- https://en.wikipedia.org/wiki/Irises_(painting)
- https://en.wikipedia.org/wiki/Mus%C3%A9e_d%27Orsay
- https://en.wikipedia.org/wiki/Van_Gogh_self-portrait_(1889)