Ubayama balıqqulağı təpəsi (姥山貝塚, Ubayama kayzuka?) – Yaponiyanın Çiba prefekturasının İçikava şəhəri yaxınlığında yerləşən arxeoloji qazıntı yeri. Şərqdən qərbə 130 metr, şimaldan cənuba 120 metr genişliyindədir.[1]
| Ubayama balıqqulağı təpəsi | |
|---|---|
 | |
| 35°44′14″ şm. e. 139°57′54″ ş. u.HGYO | |
| Yer |
İçikava, Çiba prefekturası,  Yaponiya |
| Region | Kanto regionu |
| Tarix | |
| Era | Comon dövrü |
| Yer qeydləri | |
| Vəziyyəti | park |
  Ubayama balıqqulağı təpəsi |
|
 Vikianbarda əlaqəli mediafayllar | |
Bu neolitik balıqqulağı təpəsi Comon dövrünə aiddir və 3000-5000 il əvvələ aid olduğu təxmin edilir. 1893-cü ildən etibarən burada qazıntı işləri aparılır. Burada 30-dan çox molyusk növü tapılmışdır.[1]
1926-cı ildə Tokio Antropologiya Cəmiyyəti tərəfindən aparılmış ən əhəmiyyətli qazıntı işləri zamanı iki qadın, iki kişi və bir uşağa aid sümük qalıqları ilə yanaşı fuqu balığının sümükləri də tapılmışdır. Əvvəlcə uşağın qadınlardan birinə aid olduğu güman edilsə də, daha sonra aparılmış DNT analizi bunun əksini sübut etmişdir. Onların ölümü naməlum qalmaqdadır. İndiyə qədər təpədə 39 çuxur yaşayış yeri və 147 insan qalığı, eləcə də, dulusçuluq məmulatları tapılmışdır.[2]
17 avqust 1967-ci ildə Yaponiya hökuməti tərəfindən Milli Tarixi Yer statusu verilmişdir.[3] Təpədə ictimai park yaradılmışdır.[2]
- ↑ 1 2 "姥山貝塚（うばやまかいづか）". İçikava şəhərinin rəsmi saytı (yaponca). 6 aprel 2021. 22 avqust 2024 tarixində arxivləşdirilib. İstifadə tarixi: 22 avqust 2024.
- ↑ 1 2 "Ubayama Shell Mound". Atlas Obscura (ingiliscə). 19 avqust 2024. 22 avqust 2024 tarixində arxivləşdirilib. İstifadə tarixi: 22 avqust 2024.
- ↑ "姥山貝塚". Çiba prefekturasının saytında (yaponca). (#archive_missing_date) tarixində arxivləşdirilib. İstifadə tarixi: 22 avqust 2024.
Vikianbarda Ubayama balıqqulağı təpəsi ilə əlaqəli mediafayllar var.