Uşaq pozası - Müasir yoqa təcrübəsində diz üstə yerinə yetirilən bir asanadır.Bu poza bir çox digər asanaların əks-hərəkəti (kontra-poz) olaraq tətbiq edilir və adətən Şirşasana (Başüstə Durma) pozasından əvvəl və sonra icra olunur.[1]
"Balasana" termini,sanskrit dilində bala ("uşaq") və asana ("bədən mövqeyi,oturuş") sözlərinin birləşməsindən yaranmışdır.[2] Pozanın tarixi yazılı mənbələrdə yalnız XX əsrdən etibarən qeydə alınır;lakin 1924-cü ildə Niels Bukh tərəfindən nəşr edilmiş "Primary Gymnastics" əsərində bənzər bir forması təsvir edilmişdir."Ananda Balasana" isə XIX əsrə aid Sritattvanidhi mətnində Kandukasana ("Top pozası") kimi göstərilmişdir.
Diz üstə vəziyyətdən alın yerə gətirilir və qollar bədən boyunca,ovuç içləri yuxarı baxacaq şəkildə rahat buraxılır.[3]
Əgər ehtiyac yaranarsa,xüsusilə də hamiləlik zamanı,dizlər yana açıq saxlanıla bilər.[4] Qollar başın önünə uzadıla bilər.Boyun və çiyin nahiyəsində narahatlıq olarsa,aşağı ayaqların arxasına bükülmüş yorğan qoymaq,ön qolları bir-birinin üzərinə yerləşdirib alın hissəsini onların üzərinə söykəmək mümkündür.[5]
Uttana Shishosana,yəni "Uzanmış Balaca İt Pozası",dördayaq başlanır.Bədən irəli uzadılır,alın və ön qollar yerə toxunur,budlar isə yuxarıda şaquli istiqamətdə qalır.[6] Bu poza,rahatlaşdırıcı Balasana ilə gücləndirici Adho Mukha Şvanasana arasında körpü rolunu oynayır.
Parşva Balasana - Yan Uşaq Pozası,həmçinin Sucirandharasana -"İynənin Gözündən Keçmə Pozası" və ya "Sapı İynədən Keçirmək Pozası" kimi də tanınır.[7] Bu poza,baş və ayaqların Balasanadakı kimi yerləşdiyi,dizlərin bükülü,ombaların yuxarı qalxmış vəziyyətdə olduğu formadır.Bədənin bir tərəfi həmin tərəfin çiyni yerə söykənir və həmin tərəfin qolu üzdən irəli,bədənə 90 dərəcə bucaq altında,yer boyunca uzadılır.[8] Digər qol isə ya başın üzərindən irəli uzadıla,ya kürəyin arxasına qatlanaraq qoyula,ya da düz şəkildə yuxarı qaldırıla bilər.
Şhasannqasana,yəni "Dovşan pozası",Bikram yoqa dərslərində edilir.Burada quyruq sümüyü yuxarı qaldırılır,[9] budlar düz vəziyyətə gətirilir.Baş və qollar isə arxaya,ayaqlara doğru uzanır.Bu,onurğanın güclü şəkildə bükülməsinə səbəb olur.[10]
- ↑ https://web.archive.org/web/20161127215840/http://www.anahitayoga.com/blog/4-counter-poses-to-do-before-and-after-headstand (#bare_url_missing_title).
- ↑ https://www.yogajournal.com/poses/child-s-pose/?scope=anon (#bare_url_missing_title).
- ↑ https://books.google.com/books?id=-zzRvh1fRzEC&pg=PA18 (#bare_url_missing_title).
- ↑ https://archive.org/details/bookofyoga0000lide/page/37 (#bare_url_missing_title).
- ↑ https://www.yogabasics.com/asana/threading-the-needle/ (#bare_url_missing_title).
- ↑ https://www.yogajournal.com/poses/child-s-pose (#bare_url_missing_title).
- ↑ https://yogainternational.com/article/view/3-childs-pose-variations/ (#bare_url_missing_title).
- ↑ https://www.yogajournal.com/poses/extended-puppy-pose (#bare_url_missing_title).
- ↑ https://inspireyoga.com/pose-of-the-week-threaded-needle/ (#bare_url_missing_title).
- ↑ https://yogainternational.com/article/view/learn-sasangasana-rabbit-pose/ (#bare_url_missing_title).