Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.

Turan Tovuz FK

Tovuz şəhərini təmsil edən Azərbaycan futbol klubu
  • Məqalə
  • Müzakirə
(Turan Tovuz İK səhifəsindən yönləndirilmişdir)
Bu adın digər istifadə formaları üçün bax: Turan FK.

Turan Tovuz FK — Tovuz şəhərini təmsil edən Azərbaycan futbol klubu. Azərbaycan Premyer Liqasında çıxış edir. 23 fevral 1992-ci ildə təsis olunan komanda, ev oyunlarını 6.500 tamaşaçı tutumuna malik Tovuz şəhər stadionunda keçirir.[1]

Turan Tovuz FK
Loqonun şəkli
Ölkə Azərbaycan Azərbaycan
Ləqəb(lər) Boz qurd
Rəng(lər) Göy-qırmızı
Yaranma tarixi 1992
Stadionu Tovuz şəhər stadionu
Tutumu 6500
Prezidenti Azərbaycan Ehtiram Quliyev
Baş məşqçisi Türkmənistan Qurban Berdiyev
Liqa Azərbaycan Premyer Liqası
2023-24 6
Ev forması
Səfər forması
Rəsmi saytı

"Turan Tovuz" bir dəfə Azərbaycan Çempionatının qızıl, bir dəfə gümüş, iki dəfə isə bürünc medalını qazanıb. 1994-cü ildə UEFA Kubokunda iştirak etməklə, Azərbaycanı ilk dəfə avrokuboklarda təmsil edən komanda kimi tarixə düşüb.[2]

Mündəricat

  • 1 Adı
  • 2 Ölkə turnirlərində
  • 3 UEFA turnirlərində
    • 3.1 UEFA turnirlərindəki statistika
    • 3.2 UEFA turnirlərindəki oyunlar
    • 3.3 UEFA turnirlərində "Turan"ın Azərbaycan ilkləri
  • 4 Uğurları
    • 4.1 Ölkədaxili turnirlərdə
  • 5 İFFHS reytinq cədvəlində
  • 6 Klubun məşhurları
  • 7 Himni
  • 8 Gerblər
  • 9 İstinadlar
  • 10

Adı

10 oktyabr 2014-cü il tarixinə qədər Turan-T adlanan klub bu tarixdən etibarən adını dəyişib. Klub bu tarixdən sonra "Turan-Tovuz" adını daşıyacağını açıqlayıb və bununla bağlı müvafiq sənədləri Peşəkar Futbol Liqasına təqdim edib.[3] Müvafiq sənədlər təqdim edildikdən sonra PFL klubun adının dəyişdirildiyini elan etmişdir.[4]

Ölkə turnirlərində

29 mart 2025-ci ildə Premyer Liqanın 2024/2025 mövsümünün XXVIII turunda Turan Tovuz turnirdəki 100-cü yubiley matçına çıxıb və matç 1:4 hesabı ilə "Qarabağ"ın qələbəsi ilə yekunlaşıb.[5]

UEFA turnirlərində

Əsas məqalə: Azərbaycan klubları UEFA turnirlərində
 

"Turan" UEFA bayrağı altında keçirilən və Azərbaycan klublarının qatıldığı 5 qitə turnirinin 1-də, ümumilikdə 1 dəfə iştirak edib.

UEFA turnirlərindəki statistika

Mənbə: uefa.com
Son yenilənmə: 30 avqust 2010

Turnir İştirak Oyun Q H M T/F T/B
UEFA Kuboku 1 2 0 0 2 0 – 7 -7
Cəmi 1 2 0 0 2 0 – 7 −7

UEFA turnirlərindəki oyunlar

Mövsüm Turnir Mərhələ Rəqib I oyun II oyun Nəticə
1994/1995 UEFA Kuboku I t/m.   Fənərbaxça (s) 0:5 (e) 0:2 0–7

UEFA turnirlərində "Turan"ın Azərbaycan ilkləri

Azərbaycanı Avropa kuboklarında ilk dəfə "Turan" təmsil etmişdir.

Uğurları

Ölkədaxili turnirlərdə

  • Azərbaycan çempionatı:
    • Qızıl medal (1) — 1993/1994
    • Gümüş medal (1) — 1994/1995
    • Bürünc medal (2) — 1992, 1993

İFFHS reytinq cədvəlində

Beynəlxalq Futbol Tarixi və ı Federasiyasının (İFFHS) 2010-cu il noyabrın 26-da açıqlanan klublarının XXI əsr üçün reytinqində ilk onilliyi 158 xal ilə Azərbaycan klubları arasında 7-ci, dünyada isə 611-ci pillədə başa vurmuşdur[6].

Klubun məşhurları

  • Komandanın formasını geyinmiş məşhur futbolçular: Nizami Sadıqov, Sakit Aliyev, Nadir Nəbiyev, Ruslan Abbasov, Rəşad Sadıqov, Eltay Aslanov, Sergey Skaçenko, Asen Nikolov, Musa və Qurban Qurbanovlar, Hüseyn Məhəmmədov, Kənan Kərimov, İlham Məmmədov, Romal Hüseynov, Tərlan Əhmədov, Vidadi Rzayev, Aftandil Hacıyev, Hüsynqulu Quliyev, Məqsəd Yaqubəliyev, Rüfət Quliyev.
  • Komandada ən çox oyun keçirən futbolçular: Nizami Sadıqov, Sakit Alıyev.
  • "Turan"ın futbolçusu Musa Qurbanov ikinci çempionatda 36 qol vuraraq bombardir olub. Komandanın qapıçısı Nizami Sadıqov BFSF(İFFHS)-nin reytinqində 1106 dəqiqəlik quru seriyayla dünyada 19-cu nəticəni göstərib, qol vurmaqda isə qapıçı dünyada ilk onluqda yer alıb (19 qol).

Himni

Musiqisi: Faiq Sücəddinov
Sözləri: İsmayıl Dadaşov

Artır şanı-şöhrəti milli futbolumuzun,
Heç vaxt unutma, "Turan", sən fəxrisən Tovuzun.
Dağlardan vüqar al sən,
Zirvələrə ucal sən,
Ey doğma komandamız,
Adına layiq ol, sən.
Nəqərat:
Hər zaman yaşa, "Turan",
Hər biriniz qəhrəman,
Sizinlə qürur duysun
Yurdumuz Azərbaycan!

Yüksəkliklər gözləyir, həmişə gedin öndə,
Qələbə sizin olsun rəqiblərin önündə.
Dağlardan vüqar al sən,
Zirvələrə ucal sən,
Ey doğma komandamız,
Adına layiq ol, sən.

[7]

Gerblər

  •  
    Turan Tovuz PFK ilk gerb
  •  
    Turan Tovuz PFK gerb
  •  
    Turan-T Tovuz İK gerb

İstinadlar

Bu məqalədəki istinadlar müvafiq istinad şablonları ilə göstərilməlidir.
  1. ↑ "Tovuz". Fif.az. İstifadə tarixi: 2024-10-19.
  2. ↑ "Azərbaycanın avrokuboklarda ilk təmsilçisi "Turan" necə yarandı? – LAYİHƏ // sportline.az//". 2022-11-30 tarixində arxivləşdirilib. İstifadə tarixi: 2022-10-08.
  3. ↑ ""Turan-T" ad məsələsini rəsmiləşdirdi" (az.). komanda.az. 2014-10-10. 2015-05-05 tarixində orijinalından arxivləşdirilib. İstifadə tarixi: 2014-10-14.
  4. ↑ ""Turan-T" "Turan Tovuz" adlanacaq" (az.). pfl.az. 2014-10-10. 2021-09-18 tarixində arxivləşdirilib. İstifadə tarixi: 2014-10-14.
  5. ↑ ""Turan Tovuz" Premyer Liqada 100-cü oyununu keçirib". Report İnformasiya Agentliyi. 2025-03-29. İstifadə tarixi: 2025-03-29.
  6. ↑ Reytinqə sözardı, yaxud "Neftçi" "Qarabağ"ı necə keçdi? Arxivləşdirilib 2022-02-18 at the Wayback Machine  (az.) apasport.az tarixi:2010.11.27
  7. ↑ "GERB, HİMN" (az.). turanpfc.com. 2014-10-14. 2014-10-13 tarixində orijinalından arxivləşdirilib. İstifadə tarixi: 2014-10-14.

  • Sabiq rəsmi saytı Arxivləşdirilib 2014-10-13 at the Wayback Machine  (az.)
  • PFL.az saytında profili
  • Tovuz futbolunun tarixi: “Trabonfeld”dən “Turan”a kimi
Mənbə — "https://az.wikipedia.org/w/index.php?title=Turan_Tovuz_FK&oldid=8084596"
Informasiya Melumat Axtar