Turan Moralı (26 sentyabr 1943, Manisa) — türk diplomatı və siyasətçi, Türkiyənin Danimarkada (1.01.1996 - 1.01.1999),[1] Azərbaycanda (19.11.2004 - 4.01.2007)[2], İranda (8.01.1999 - 11.28.2001)[3] və İrlandiyada (1.15.2007-8.31.2008) [4] fövqaladi və səlahiyyətli səfiri.
| Turan Moralı | |
|---|---|
 | |
| 2004 – 2007 | |
| Şəxsi məlumatlar | |
| Doğum tarixi | 26 sentyabr 1943 (81 yaş) |
| Doğum yeri | |
| Təhsili | |
.svg){kind=small}
Turan Moralı 26 sentyabr 1943-cü ildə Türkiyənin Manisa şəhərində anadan olub. 1966-cı ildə Ankara Universitetinin Siyasi elmlər fakültəsini bitirib.
Turan Moralı 1967-ci ildə Türkiyə Xarici İşlər Nazirliyinə daxil olaraq müxtəlif vəzifələrdə çalışıb:
1987–1988-ci illərdə xarici işlər naziri Məsud Yılmazın xüsusi müşaviri.
1996–1999-cu illərdə Türkiyənin Danimarkada səfiri.[1]
1999–2001-ci illərdə Türkiyənin İranda səfiri.[3]
2001–2002-ci illərdə Xarici İşlər Nazirliyinin müşaviri.
2002–2004-cü illərdə Türkiyə Xarici İşlər Nazirliyində Beynəlxalq Təhlükəsizlik məsələləri üzrə baş direktor.
2004–2007-ci illərdə Türkiyənin Azərbaycanda fövqaladi və səlahiyyətli səfiri olub.[5][6] Turan Moralı Bakıda işlədiyi müddətdə strateji əhəmiyyətli Bakı-Tbilisi-Ceyhan neft kəmərinin açılışı oldu və qaz kəməri layihəsinə start verildi. O, Türkiyə ilə Azərbaycan arasında sıx birliyin olduğunu, Azərbaycanın Prezident İlham Əliyevin rəhbərliyi ilə əldə etdiyi uğurları qeyd edirdi: "Bu gün Türkiyə və Azərbaycan Respublikaları bütün maneələrə və siyasi oyunlara qalib gələrək sıx birliyə nail olmuşlar və ölkələrimiz iqtisadi cəhətdən inkişaf edərək gələcəyə inamla addımlayır. Prezident İlham Əliyevin apardığı uğurlu siyasət sayəsində Azərbaycan regionun lider dövlətinə çevrilir".[7]
2007–ci ildə Türkiyənin İrlandiyada səfiri təyin olunub və 2008-ci ilə qədər bu vəzifədə çalışıb.[4]
2008-ci ildə Turan Moralı yaş həddi ilə əlaqədar təqaüdə çıxıb.
- ↑ 1 2 REPUBLIC OF TÜRKİYE TURKISH EMBASSY IN COPENHAGEN
- ↑ Büyükelçilik Tarihi ve Önceki Büyükelçilerimiz
- ↑ 1 2 REPUBLIC OF TÜRKİYE TURKISH EMBASSY IN TEHRAN
- ↑ 1 2 Embassy History and Previous Ambassadors
- ↑ Group, Taylor & Francis. Europa World Year Book 2005 (ingilis). Taylor & Francis Group. 2005-07-21. 674. ISBN 978-1-85743-304-3.
- ↑ ПРЕЗИДЕНТ АЗЕРБАЙДЖАНА ИЛЬХАМ АЛИЕВ ПРИНЯЛ ПОСЛА ТУРЦИИ В НАШЕЙ СТРАНЕ ТУРАНА МОРАЛЫ
- ↑ AZƏRTAC