Tural Şakir oğlu Abdullayev (26 fevral 1990, Ərikli, Laçın rayonu – 30 sentyabr 2020, Murovdağ) — Azərbaycan Daxili İşlər Nazirliyinin Daxili Qoşunlarının baş çavuşu; 2020-ci ildə Qarabağ müharibəsi zamanı Murovdağ istiqamətində gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Tural Abdullayev | |
|---|---|
| Şəxsi məlumatlar | |
| Doğum tarixi | |
| Doğum yeri | |
| Vəfat tarixi | (30 yaşında) |
| Vəfat yeri | |
| Dəfn yeri | |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Daxili İşlər Nazirliyi |
| Qoşun növü |
 Daxili Qoşunlar |
| Xidmət illəri | 2009—2020 |
| Rütbəsi | |
| Döyüşlər | |
| Təltifləri |
    |
Tural Şakir oğlu Abdullayev 1990-cı il, fevralın 26-da Laçın rayonunun Ərikli kəndində anadan olub.[2] Tural Abdullayev Laçın rayonunda doğulsa da, iki yaşınadək ailəsi ilə birgə Xocalıda yaşamışdı. 1992-ci il fevralın 26-da Xocalının erməni silahlı dəstələri tərəfindən işğala və əhalinin soyqırıma məruz qalmasından sonra, Abdullayevlər ailəsi Bakının Xətai rayonuna gəlmişdi.[1]
Orta təhsilini 1997–2005-ci illərdə Bakı şəhəri, Xətai rayonu ərazisində yerləşən Laçın rayonu 28 saylı tam orta məktəbində alsa da, 9–11-ci sinifləri ailəsinin təsərrüfat qurmaq səbəbilə müvəqqəti yaşamaq üçün üz tutduğu Qax rayonunun Almalı kənd orta məktəbində oxumalı olub.[1]
2009-cu ildə Xocalı Rayon Hərbi Komissarlığı tərəfindən müddətli həqiqi hərbi xidmətə çağırılıb və 2009–2011-ci illərdə Müdafiə Nazirliyinin N saylı hərbi hissədə xidmət edib.[1]
2011-ci ilin aprelindən Daxili Qoşunların Zaqatala rayonunda yerləşən "N" saylı hərbi hissəsinin "Qartal" xüsusi təyinatlı dəstəsində müddətdən artıq həqiqi hərbi xidmət hərbi qulluqçusu olaraq xidmətə başlayıb.[1]
Müxtəlif illərdə daxili işlər nazirinin əmrləri ilə "Qüsursuz xidmətə görə" 3-cü dərəcəli medalı ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Kəlbəcər-Murovdağ istiqamətində gedən döyüşlərə qatılıb. Sentyabrın 30-da Kəlbəcər istiqamətində döyüş tapşırığının icrası zamanı şəhid olub.[1] Binə Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Kəlbəcərin azad olunmasına görə" və "Vətən uğrunda" medalları ilə təltif edilib.[4][5]
Subay idi.
- ↑ 1 2 3 4 5 6 7 Azərbaycan Daxili İşlər Nazirliyinin Daxili Qoşunlarının Şəxsi Heyətlə İş İdarəsi. "Baş çavuş Abdullayev Tural" ( (az.)). 01.10.2022. İstifadə tarixi: 01.10.2022.
- ↑ Müdafiə Nazirliyi. "Vətən müharibəsində şəhid olmuş hərbi qulluqçuların SİYAHISI" (PDF). www.mod.gov.az ( (az.)). 01.10.2022. 2022-08-22 tarixində arxivləşdirilib (PDF). İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Kəlbəcərin azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.