"Tranz" albomun ən diqqətçəkən mahnılarından biridir. Mahnının musiqi videosu Britaniya mərkəzli prodakşn şirkətləri olan Blinky və Eddy tərəfindən istehsal olunmuşdur.

Bu dəfə Gorillaz dünyasına "The Powerpuff Girls" cizgi serialındakı bandit personajlardan Ace qoşulub. Eys bu albomda səslənən hər bir mahnı üçün bas-gitara ifa edib. O, həmçinin qrupun üzvü Mördokun qohumu və ya tanışıdır – çünki onların hər ikisi yaşıl rəngdədir. Mördok tutulub həbs edilən edilən zaman Eysə dəvət göndərilmişdir ki, gəlib onun yerini müvəqqəti olaraq əvəz etsin.

Eysin Gorillaz-dakı dizayni 1975-ci ildə çıxan "Dog Day Afternoon" adlı cinayət filmindəki Sal adlı obraza əsaslanır. Hər ikisinin zahiri görünüşü demək olar ki, eynidir. "Tranz" klipində Eysin əyin-başı The Clash qrupunun bas-gitara ifaçısı olan Pol Simononun geyim tərzi ilə oxşarlıq təşkil edir. Simonon "Plastic Beach" dövründə Gorillaz-ın konsert çıxışlarında fəal iştirak etmişdir. Eysin gitara çalan zaman göstərdiyi hərəkət və jestlər isə Gorillaz-ın canlı konsert basçısı olan Seye Adelekan-a əsaslanmaqdadır.

Deymon Albarn və həmkarı Ceymi Hyulet "The Powerpuff Girls"ün heyranı olduqlarını bildirirlər. Onların hər ikisi sözügedən şounun yaradıcısı olan Kreyq Makkreken (Craig McCracken) ilə dostdur. Onlar "Cartoon Network"dan Eysi istifadə etməkdən ötrü icazə istəyiblər. Son olaraq, 2002-ci ildə çəkilmiş "The Powerpuff Girls Movie" filmində Gorillaz-a dair bir detal var idi. Belə ki, bu filmdəki personajlardan birinin oxuduğu qəzetdə Gorillaz-ın Townsville-dəki festivalda çıxış etdiyina dair afişa var idi.