Tompson Rivers Universiteti
Tompson Rivers Universiteti (TRU) — bakalavr və magistr təhsili və peşəkar təlimlər təklif edən ictimai tədris və tədqiqat universiteti. Universitetin əsas binası Kamlupsda, Kanada Britaniya Kolumbiyasında yerləşir.
| Tompson Rivers Universiteti | |
|---|---|
 | |
 | |
| 50°40′14″ şm. e. 120°21′57″ q. u.HGYO | |
| Əsası qoyulub | 1970 |
| Ölkə | |
| Sayt | tru.ca |
 Vikianbarda əlaqəli mediafayllar | |
Universitetin adı Şimali Tompson və Cənubi Tompson çaylarının adından əmələ gəlir.[1]
Tompson Rivers Universitetinin Britaniya Kolumbiyası, Vilyams Leyk şəhərində əlavə binası və TRU-Open Learning adlı distant təhsil bölməsi var. Universitet həmçinin TRU Vorld bölməsi vasitəsilə bir neçə Beynəlxalq tərəfdaşlığa malikdir. TRU Şimal-Qərb kolleclər və Universitetlər Komissiyası assosiasiyası tərəfindən bakalavr və magistr səviyyələrinə akkreditə edilmişdir.[2]
TRU 1OO-dən çox kampusdaxili proqramları, o cümlədən peşə hazırlığı, peşəkar sertifikatlar və diplomlar, bakalavr və magistr dərəcələri və hüquq, həmçinin Açıq öyrənmə bölməsi vasitəsilə təxminən 60 onlayn və ya distant proqramları təklif edir.
Vankuver və Viktoriya şəhərlərində universitetin 3 filialı var.[3][4]
1970-ci ildə universitetin nərzində Karibu Kolleci yaradıldı. 367 əyani və 200 qiyabi tələbə üçün dərslər 1970-ci ilin sentyabrında başladı. Karibu Kolleci həmçinin bölgədəki meşə təsərrüfatı, mədənçıxarma və digər sənaye sahələrinin ehtiyaclarına xidmət etmək üçün peşə təhsili proqramlarına başladı.
1978-ci ildə Karibu Kolleci rəsmi olaraq Britaniya Kolumbiyası Kollecləri və Əyalət İnstitutları Qanununa əsasən müstəqil statusa malik kollec kimi təyin olundu və əvvəllər onu idarə edən məktəb şuralarından müstəqil olaraq öz şurasını əldə etdi. Qanun, həmçinin coğrafi təcrid və ya digər səbəblərə görə orta təhsildən sonrakı təhsilə daxil ola bilməyən insanlara məsafədən akademik proqramlar və peşə təhsili vermək üçün sonradan TRU Açıq Öyrənmə İnstitutu (AÖİ) yaratdı.[5] Növbəti il Universitetlər Qanunu AÖİ öz adına incəsənət və ya elm sahəsində bakalavr dərəcələri vermək səlahiyyəti verdi.[6]
1989-cu ildə Karibu Kolleci əyalət tərəfindən regional mərkəzlərdə dərəcələr vermək üçün yeni bir qurum, "universitet kolleci" olmaq üçün seçilmiş üç kollecdən biri idi. Kollecin beş bakalavr dərəcəsi - İncəsənət, Elm, Təhsil, Biznesin İdarəedilməsi və Tibb - əvvəlcə əyalətin üç qurulmuş universitetinin nəzarəti altında hazırlanmış və verilmişdir: UBC, SFU və UVic. İlk məzunlar 1991-ci ildə dərəcələrini aldıqda, Karibunun adı dəyişdirilərək Karibu Universitet Kolleci (KUK) adlandırıldı.[7][8]
KUK 2002-ci ildə magistr dərəcəsi proqramları təklif etməyə başladı, daha sonra 2003-cü ildə müstəqil şəkildə tətbiqi magistr dərəcələri vermək səlahiyyəti qazandı. Növbəti il KUK vilayətin ən yeni universiteti olacağını elan etdi.[9][10]
TRU-nun Kamlupsdakı 250 hektarlıq əsas kampusu universitetin adını aldığı Şimal və Cənubi Tompson çaylarının qovuşduğu yerə baxan, şəhərin cənub-qərb hissəsində, Sahale bölgəsində yerləşir. Kampusun 40 hektar bağçası və daxili hissəsində böyük dendrarii var. Rezident tələbələr üçün kampusda yaşayış təmin edilir. Təxminən 100.000[11] əhalisi olan Kamlups şəhəri Britaniya Kolumbiyasının cənub-qərbində yerləşən Tompson-Nikola bölgəsinin, şusvap xalqının[12] ənənəvi torpaqlarında yerləşir.
- Hüquq fakultəsi
- Kulinariya, otelçilik və turizm fakültəsi
- İncəsənət fakültəsi
- Biznes və İqtisadiyyat fakültəsi
- Təhsil və Sosial iş fakültəsi
- Tibb
- Elmlər fakültəsi
- Tələbə inkişafı fakültəsi
- Sənətkarlıq və Texnologiya fakültəsi
TRU-nun həmçinin 2 bölməsi var : Açıq Öyrənmə bölməsi — bütün Departamentlərdən və məktəblərdən olan tələbələrə məsafədən, onlayn və qarışıq təlim variantları təklif edir və Beynəlxalq TRU Vorld bölməsi — xaricdə təhsil alan tələbələrə xidmət göstərir.
- ↑ "Arxivlənmiş surət". 2019-12-28 tarixində arxivləşdirilib. İstifadə tarixi: 2023-12-04.
- ↑ "NWCCU Accreditation: Office of the Provost & Vice-President Academic". 2023-10-06 tarixində arxivləşdirilib. İstifadə tarixi: 2023-12-08.
- ↑ John D. Dennison, Professor Emeritus of Higher Education, The University of British Columbia. "Higher Education in British Columbia: 1945-1995, Opportunity and Diversity". June 1996. April 14, 2012 tarixində arxivləşdirilib.
- ↑ Macdonald, John B. "Higher Education in British Columbia and a Plan for the Future" (PDF). University of British Columbia. 1962. January 4, 2018 tarixində arxivləşdirilib (PDF). İstifadə tarixi: April 15, 2019.
- ↑ British Columbia Colleges and Provincial Institutes Act, 1977, Government of British Columbia, Queen's Printer.
- ↑ Moran, L. (1991) Legitimation of Distance Education: A Social History of the Open Learning Institute of British Columbia, 1978-1988. Doctoral Dissertation, University of British Columbia, Pg 19
- ↑ Made In B.C.: A History of Postsecondary Education in British Columbia, Bob Cowin, Douglas College, November 2007, http://www.douglas.bc.ca/__shared/assets/History_of_BC_Postsecondary_Education51973.pdf [daimi ölü keçid]
- ↑ British Columbia Colleges and Provincial Institutes Act, 1977
- ↑ "UCC to become B.C.'s newest university". March 19, 2004. April 16, 2016 tarixində orijinalından arxivləşdirilib.
- ↑ "Two universities slated for B.C. Interior to boost access". University Affairs. April 12, 2004. April 12, 2014 tarixində orijinalından arxivləşdirilib.
- ↑ Government of Canada, Statistics Canada. "Census Profile, 2016 Census - Kamloops, City [Census subdivision], British Columbia and British Columbia [Province]". www12.statcan.gc.ca. 2017-02-08. 2018-09-11 tarixində arxivləşdirilib. İstifadə tarixi: 2019-05-03.
- ↑ "Arxivlənmiş surət". 2023-11-19 tarixində arxivləşdirilib. İstifadə tarixi: 2023-12-11.