Tomori daş şiri (富盛のシーサー, Tomori no şisa?) – Yaponiyanın Okinava prefekturasının Yaese qəsəbəsində yerləşən şisa.
Şisa Okinava mədəniyyətində şirə oxşayan heykəllərdir və adanın mədəni simvollarından biridir. Okinavada ilk şisanın 1689-cu ildə Tomori kəndində quraşdırıldığına inanılır.[1]
1740-cı illərdə yazılmış Ryukyu krallığının xronikaları olan "Kyuyo" əsərində qeyd olunur ki, Tomori kəndinin əhalisi tez-tez baş verən yanğınlardan əziyyət çəkirdi. Bu zaman fenşey təlimi ilə məşğul olan bir şəxs onlara Alov dağı kimi tanınan Yaese dağına tərəf baxan daş şir quraşdırmağı məsləhət görmüşdür. 1689-cu ildə Ciri-qusuku məbədinin yerləşdiyi təpənin başına Tomori daş şiri yerləşdirilmişdir.[1]
İnanca görə Tomori daş şiri daha sonra digər kəndlər tərəfindən imitasiya olunaraq bütün Okinavaya yayılmış, əvvəl apotropoik heykələ, daha sonra yerli mədəniyyət simvoluna çevrilmişdir.[1] Keçmişdə yerli əhali bu heykəlin ətrafına yığışır, rəqs edərək onları yanğından qoruması üçün dua edirdi.[2]
İkinci Dünya müharibəsi zamanı baş vermiş Okinava döyüşündə Tomori daş şiri ABŞ əsgərləri tərəfindən sipər kimi istifadə olunmasına görə tanınmışdır. Belə bir anı əks etdirən, 18 iyun 1945-ci ildə çəkilmiş foto Okinava döyüşünün ikonik fotolarınan biri olmuşdur.[2] Heykəlin səthində həmin döyüşə aid güllə dəlikləri hələ də qalmaqdadır.[1] Daş şir 1974-cü ildə Okinava prefekturasının mədəni mülkü elan olunmuşdur.[2]
-
Yandan görünüşü. -
Lövhə. -
18 iyun 1945-ci ildə ABŞ əsgərləri tərəfindən çəkilmiş foto. -
Üzü. -
Profildən görünüşü.
.jpg)
- ↑ 1 2 3 4 "Tomori Stone Lion". Atlas Obscura (ingiliscə). 24 iyun 2024. 10 iyul 2024 tarixində arxivləşdirilib. İstifadə tarixi: 10 iyul 2024.
- ↑ 1 2 3 "Tomori's stone lion one of the most famous survivors of the Battle of Okinawa". Stars and Stripes (ingiliscə). 15 mart 2018. 10 iyul 2024 tarixində arxivləşdirilib. İstifadə tarixi: 10 iyul 2024.
Vikianbarda Tomori daş şiri ilə əlaqəli mediafayllar var.- Yaese qəsəbəsinin rəsmi saytında
