Tomas Erpenius (11 sentyabr 1584 və ya 9 sentyabr 1584 – 13 noyabr 1624^[…], Leyden, Hollandiya qraflığı) — holland naşiri, ilahiyyatçı və şərqşünas.

Tomas Erpenius
nid. Thomas Erpenius
Doğum tarixi	11 sentyabr 1584(1584-09-11) və ya 9 sentyabr 1584(1584-09-09)
Vəfat tarixi	13 noyabr 1624(1624-11-13)[…](40 yaşında)
Vəfat yeri	Leyden, Hollandiya qraflığı, Yeddi Birləşmiş Əyalət Respublikası
Elm sahəsi	teologiya
İş yeri	Leyden Universiteti
Təhsili	Leyden Universiteti
Tanınmış yetirmələri	Yakobus Qolius
Vikianbarda əlaqəli mediafayllar

Leyden Universitetində ilahiyyatı, sonralar Yaxın və Orta Şərq ölkələri dillərini öyrənmişdir. Misir, İngiltərə, Fransa, Almaniya və İtaliyaya səyahətlər edərək alimlərlə görüşmüşdür. Venesiyada fars, türk və həbəş dillərini, Parisdə isə ərəb dilini təkmilləşdirmişdir. 1612-ci ildə Leyden Universitetinin ərəb və digər Şərq dilləri üzrə professoru olmuşdur. Birləşmiş Əyalətlər Respublikasının (Niderland) rəsmi tərcüməçisi idi. 1612-ci ildə Leydendə mətbəə açmış və ərəb dilində kitab çap etmək məqsədilə şrift nümunələri hazırlamışdır. 1613-cü ildə ərəb dilinin qrammatikasına dair kitablar nəşr etmiş, 1615–22-ci illərdə dini kitablar buraxmışdır. "Qurani-Kərim"in nəşrini latın dilində şərhlərlə hazırlamış, lakin həyata keçirə bilməmişdir. Ölümündən sonra 1625-ci ildə Elzevirlər ailəsi onun mətbəəsini alaraq kitab işini davam etdirmişdir.