Tokat Qaziosmanpaşa Universiteti

Adını Plevne qəhrəmanı Qazi Osman Paşadan alan universitet^[1] 3 iyul 1992-ci il tarixində 3837 saylı qanuna əlavə edilmiş 24-cü maddəyə əsasən yaradılmışdır.^[2] Əkinçilik fakültəsi əvvəlcə Cümhuriyyət Universitetinin bir hissəsi olaraq yaradılmışdır. Ədəbiyyat fakültəsi, Niksar Peşə Məktəbi, Tokat Peşə Məktəbi, Zilə Peşə Məktəbi, Ərba Elmlər İnstitutu və Sosial Elmlər İnstitutundan ibarət olan Tokat Qaziosmanpaşa Universiteti 1 noyabr 1992-ci il tarixində rektor təyinatı ilə universitet statusunda öz struktur bölmələrini formalaşdırmışdır.

Universitet 17 fakültə, 2 kollec, 12 peşə məktəbi, 1 institut, 22 tədqiqat və tətbiq mərkəzi ilə təhsil, tədris, elmi araşdırma və xidmət sahələrində fəaliyyətini davam etdirir. Universitetin tərkibində həmçinin bir texnopark da mövcuddur.

Tokat Qaziosmanpaşa Universitetində tədris ili iki semestrdən ibarətdir. Universitetdə tədris dili türk dilidir.

Tələbələrin akademik göstəriciləri və maddi vəziyyətləri nəzərə alınaraq, onlar universitetin müxtəlif bölmələrində yarımştat əsaslarla işlə təmin oluna bilirlər.

Tokat Qaziosmanpaşa Universitetinin Taşlıçiftlik kampusu Amasya yolu üzərində, Tokat şəhər mərkəzindən 9 km məsafədə, Taşlıçiftlik ərazisində təxminən 2000 dekar sahə üzərində salınmışdır. Taşlıçiftlik kampusunda mühəndislik və memarlıq fakültəsi, təhsil fakültəsi, ədəbiyyat fakültəsi, iqtisadiyyat və inzibati elmlər fakültəsi, kənd təsərrüfatı fakültəsi, islam elmləri fakültəsi, hüquq fakültəsi, əczaçılıq fakültəsi, səhiyyə elmləri fakültəsi, incəsənət fakültəsi, idman elmləri fakültəsi, Səhiyyə İnstitutu, Təhsil İnstitutu, bədən tərbiyəsi fakültəsi, Tokat Səhiyyə məktəbi, xarici dillər fakültəsi, Tokat Peşə Məktəbi, Tədqiqat və Tətbiq Mərkəzi yerləşir.

Şəhər (Əli Şəvki Ərək) kampusunda isə tibb fakültəsi, Səhiyyə Tədqiqat və Tətbiq Mərkəzi, diş həkimliyi fakültəsi və Səhiyyə Elmləri İnstitutu fəaliyyət göstərir. Artova və Reşadiyə istisna olmaqla, digər rayonlarda yerləşən peşə çəktəblərinin də ayrıca kampusları mövcuddur.

2024–2025 tədris ili etibarilə universitetdə təxminən 35 000-dən çox tələbə təhsil alır. Universitetdə 1305 inzibati heyət və 1527 akademik heyət olmaqla, ümumilikdə 2832 əməkdaş fəaliyyət göstərir.^[3]

• Stomatologiya fakültəsi
• Əczaçılıq fakültəsi
• Təhsil fakültəsi
• Ərbaa səhiyyə elmləri fakültəsi
• Ərbaa sosial və humanitar elmlər fakültəsi
• İncəsənət və elmlər fakültəsi
• Təsviri sənətlər fakültəsi
• Hüquq fakültəsi
• İqtisadiyyat və inzibati elmlər fakültəsi
• İslam elmləri fakültəsi
• Mühəndislik və memarlıq fakültəsi
• Niksar tətbiqi elmlər fakültəsi
• Səhiyyə elmləri fakültəsi
• İdman elmləri fakültəsi
• Tibb fakültəsi
• Turhal tətbiqi elmlər fakültəsi
• Kənd təsərrüfatı fakültəsi

• Dövlət Konservatoriyası
• Xarici Kolleci
• Zilə Dinçərlər Turizm İdarəetməsi və Otel İdarəetməsi Kolleci

• Aspirantura Təhsili İnstitutu

Niksar Peşə Məktəbi Tokat vilayətinin Niksar rayonu ərazisində, Çəngəlli kəndində, Ağpınar məntəqəsində yerləşən peşə məktəbidir. Niksar mərkəzindən təxminən 5 kilometr məsafədə yerləşir.

1982-ci ildə Sivas Cümhuriyyət Universitetinin tabeliyində fəaliyyətə başlamışdır. 08.01.1992 tarixli Nazirlər Kabinetinin qərarı ilə Tokat Qaziosmanpaşa Universitetinin yaradılması nəticəsində bu universitetin tərkibinə daxil edilmişdir. Qaziosmanpaşa Universiteti rektorluğunun universitetin tərkibində Niksar Texniki Elmlər Peşə Məktəbinin yaradılması və Niksar Peşə Məktəbinin adının Sosial Elmlər Peşə Məktəbi olaraq dəyişdirilməsi ilə bağlı təklifi 2547 saylı qanunun 2880 saylı qanunla dəyişdirilmiş 7/d-2 maddəsinə əsasən 23.09.2010 tarixində Ali Təhsil Baş Şurasında qəbul edilmiş və Niksar Sosial Elmlər Peşə Məktəbi yaradılmışdır.

Təxminən 30 ildir fəaliyyət göstərən peşə məktəbində hazırda 11 bölmə üzrə tədris proqramları ilə təhsil və tədris prosesi davam etdirilir.

1. ↑ "Tokat Gaziosmanpaşa Üniversitesi". gop.edu.tr. 21 Ocak 2025 tarihinde kaynağından arşivlendi. Erişim tarihi: 29 Ocak 2025.
2. ↑ "Arşivlenmiş kopya" (PDF). 11 Nisan 2020 tarihinde kaynağından arşivlendi (PDF). Erişim tarihi: 14 Nisan 2023.
3. ↑ "Tokat Gaziosmanpaşa Üniversitesi". gop.edu.tr. 21 Ocak 2025 tarihinde kaynağından arşivlendi. Erişim tarihi: 29 Ocak 2025.