Tofiq Səfərəliyev

Tofiq Səfərəliyev
Tofiq Səfərəliyev
Azərbaycan SSR sənaye tikintisi naziri
	13 iyul 1979 – 19 iyul 1983
Əvvəlki	Vasili Pyatibrat
Sonrakı	Əjdər Əliyev
Azərbaycan SSR sənaye tikintisi nazirinin birinci müavini
	30 may 1975 – 1979
Nazir	Vasili Pyatibrat
Azərbaycan SSR neftayırma və neft kimyası sənayesi nazirinin müavini
	1974 – 30 may 1975
Nazir	Kamil Akimov
Şəxsi məlumatlar
Doğum tarixi	1 yanvar 1932
Vəfat tarixi	19 iyul 1983 (51 yaşında)
Dəfn yeri	II Fəxri Xiyaban;
Partiya	Sovet İttifaqı Kommunist Partiyası (1956–1983);
Təhsili	Azərbaycan Sənaye İnstitutu (–1954);
Fəaliyyəti	dövlət xadimi
Təltifləri	;

Tofiq Şamil oğlu Səfərəliyev (1 yanvar 1932 – 19 iyul 1983) — Azərbaycan dövlət xadimi, Azərbaycan SSR sənaye tikintisi naziri (1979–1983), Azərbaycan SSR Ali Sovetinin 10-cu çağırış deputatı.

Həyatı

Tofiq Şamil oğlu Səfərəliyev 1 yanvar 1932-ci ildə anadan olmuşdur. 1954-cü ildə Azərbaycan Sənaye İnstitutunu bitirdikdən sonra Bakı neftayırma zavodlarında mühəndis, şöbə rəisi, baş mexanik işləmişdir. Bir sıra illər ərzində İraqda, Misirdə neftayırma zavodlarının tikintisində baş mütəxəssis və qrup rəhbəri, habelə SSRİ-nin Hindistandakı səfirliyin aparatında iqtisadi məsələlər üzrə müşavir olmuşdur. 1962-ci ildən 1966-cı ilədək Tofiq Səfərəliyev Vladimir İliç adına Yeni Bakı neftayırma zavoduna başçılıq etmişdir.^[1]

1974-cü ildə Tofiq Səfərəliyev Azərbaycan SSR neftayırma və neft kimyası sənayesi nazirinin müavini təyin edilmiş, 1975-ci ildən əvvəlcə sənaye tikintisi nazirinin birinci müavini, 1979-cu ildən isə Azərbaycan SSR sənaye tikintisi naziri olmuşdur.^[1]

Tofiq Səfərəliyev 1956-cı ildən Sovet İttifaqı Kommunist Partiyasının üzvü olmuş, Azərbaycan SSR Ali Sovetinin 10-cu çağırış deputatı seçilmişdir.^[2] Azərbaycan Kommunist Partiyasının XXX qurultayında Mərkəzi Komitənin üzvü seçilmişdir. "Lenin" və "Şərəf nişanı" ordenləri, eləcə də üç SSRİ medalı ilə təltif edilmişdir. Ona "Azərbaycan SSR əməkdar mühəndisi" fəxri adı verilmişdir.^[1]

Tofiq Səfərəliyev 19 iyul 1983-cü ildə vəfat etmişdir.^[1] İyulun 21-də Fəxri Xiyabanda dəfn edilmişdir.^[3]

İstinadlar

↑ ¹ ² ³ ⁴ Т. Ш. Сәфәрәлијев // Коммунист. № 166 (18399). 21 ијул 1983-ҹү ил. С. 3.
↑ Сәфәрәлијев Тофиг Шамилович // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 358.
↑ Сон мәнзилә // Коммунист. № 167 (18400). 21 ијул 1983-ҹү ил. С. 3.

Yusif Səmədov. "Xalq üçün yaşanan ömür". 525-ci qəzet. 23 fevral 2013. 13 iyun 2022 tarixində arxivləşdirilib. İstifadə tarixi: 13 iyun 2022.

Həmçinin bax

[kom83-1] ¹ ² ³ ⁴ Т. Ш. Сәфәрәлијев // Коммунист. № 166 (18399). 21 ијул 1983-ҹү ил. С. 3.

[dep10-2] Сәфәрәлијев Тофиг Шамилович // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 358.

[3] Сон мәнзилә // Коммунист. № 167 (18400). 21 ијул 1983-ҹү ил. С. 3.

[1]

[2]

[3]