Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTofiq Behbud oğlu Babayev (9 iyun 1949, Ağdam rayonu – 9 sentyabr 2012, İstanbul) — Azərbaycan Respublikası Milli Təhlükəsizlik nazirinin sabiq müavini, general-mayor.
| Tofiq Babayev | |
|---|---|
| Tofiq Behbud oğlu Babayev | |
.jpg) | |
 .svg){kind=small} | |
| 2000 – 2005 | |
| Şəxsi məlumatlar | |
| Doğum tarixi | 9 iyun 1949 |
| Doğum yeri | |
| Vəfat tarixi | 9 sentyabr 2012 (63 yaşında) |
| Vəfat yeri | |
| Təhsili | |
| Rütbəsi | General-mayor |
|
|
|
| Təltifləri |
  |
Tofiq Babayev 1949-cu il iyunun 9-da Ağdam rayonunda anadan olmuşdur. 1956–1966-cı illərdə Ağdam şəhəri 1 saylı orta məktəbdə oxumuşdur. 1971-ci ildə Azərbaycan Dövlət Universitetinin (indiki BDU) Fizika fakültəsini bitirmişdir.
1972–1974-cü illərdə leytenant hərbi rütbəsində Naxçıvan və Dağlıq Qarabağda yerləşən hərbi hissələrdə xidmət keçmişdir.
1974–1976-cı illər ərzində Ağdam şəhər 50 saylı tam orta texniki peşə məktəbində fizika müəllimi, 1976–1979-cu illərdə isə Ağdam rayon Komsomol Komitəsində II katib və rayon Partiya Komitəsində təlimatçı vəzifələrində çalışmışdır.
1979-cu ildə Azərbaycan Təhlükəsizlik orqanlarına qəbul olunub. Dağlıq Qarabağda baş əməliyyat müvəkkili, Ağdam, Quba, Yevlax, Gəncə şəhər şöbələrinin və Qarabağ üzrə idarənin rəisi vəzifəsində çalışıb.
2 iyun 2000-ci il tarixli 434 nömrəli Prezident Sərəncamı[1] ilə "Tofiq Behbud oğlu Babayev Azərbaycan Respublikası milli təhlükəsizlik nazirinin müavini — Əks-kəşfiyyat İdarəsinin rəisi vəzifəsinə təyin edilib", 25 mart 2005-ci il tarixli 706 nömrəli Sərəncamla[2] isə həmin vəzifədən öz xahişi ilə azad edilib.
15 aprel 2002-ci il tarixli 685 nömrəli "İxrac neft və qaz boru kəmərlərinin təhlükəsizliyinin təmin edilməsi haqqında" Prezident Fərmanı ilə ixrac neft və qaz boru kəmərlərinin təhlükəsizliyinin təmin edilməsi üzrə Komissiyanın tərkibinə üzv təyin edilib və 19 aprel 2005-ci il tarixli 225 nömrəli Prezident Sərəncamı[3] ilə həmin Komissiyanın tərkibindən çıxarılıb.
17 sentyabr 2004-cü il tarixli 394 nömrəli "Azərbaycan Respublikasının milli təhlükəsizlik siyasəti sahəsində İşçi Qrupunun yaradılması haqqında" Prezident Sərəncamı ilə yaradılmış İşçi Qrupuna təyin edilib və 19 aprel 2005-ci il tarixli 225 nömrəli Prezident Sərəncamı[3] ilə həmin İşçi Qrupunun tərkibindən çıxarılıb.
"Hərbi xidmətlərə görə", "Vətən uğrunda"[4] medalları və Azərbaycan Respublikası Prezidentinin "Fəxri Fərmanına" layiq gorülüb.
Qarabağ üzrə idarənin rəisi olarkən (Ağdam-1992) Xocalı soyqırımına etiraz əlaməti olaraq polkovnik rütbəsindən imtina etmişdir.
General 9 sentyabr 2012-ci ildə müalicə üçün getdiyi İstanbulda hospitalların birində vəfat etmişdir.[5].
- ↑ Hüquqi Aktların Dövlət Reyestri. "T. B. Babayevin Azərbaycan Respublikası milli təhlükəsizlik nazirinin müavini — Əks-kəşfiyyat İdarəsinin rəisi vəzifəsinə təyin edilməsi haqqında Prezident Sərəncamı". e-qanun.az (az.). İstifadə tarixi: 10 sentyabr 2025.
- ↑ Hüquqi Aktların Dövlət Reyestri. "T. B. Babayevin Azərbaycan Respublikası milli təhlükəsizlik nazirinin müavini - Əks-kəşfiyyat İdarəsinin rəisi vəzifəsindən azad edilməsi haqqında Prezident Sərəncamı". e-qanun.az (az.). İstifadə tarixi: 10 sentyabr 2025.
- ↑ 1 2 Hüquqi Aktların Dövlət Reyestri. "Azərbaycan Respublikası Prezidentinin 2002-ci il 15 aprel tarixli 685 nömrəli Fərmanında və 2004-cü il 17 sentyabr tarixli 394 nömrəli Sərəncamında dəyişikliklər edilməsi barədə Prezident Sərəncamı". e-qanun.az (az.). İstifadə tarixi: 10 sentyabr 2025.
- ↑ "Azərbaycan Respublikası Milli Təhlükəsizlik Nazirliyinin bir qrup hərbi qulluqçusunun təltif edilməsi haqqında AZƏRBAYCAN RESPUBLİKASI PREZİDENTİNİN FƏRMANI". 13 aprel 2022 tarixində arxivləşdirilib. İstifadə tarixi: 9 sentyabr 2015.
- ↑ MTN generalı Türkiyədə vəfat etdi. gunxeber.com saytı[ölü keçid]