Tillək yaşayış yeri — Ordubad rayonunun Nürgüt kəndindən şimalda, meşənin içərisində yerləşir. Yaşayış yerinin ərazisi 2 hektardır. Mədəni təbəqənin qalınlığı 1–2,5 m-dir. Abidənin ərazisində dördkünc formalı binaların qalıqları qalmışdır. Binaların divarları, yonulmamış qaya parçalarından, bəzən isə yonulmuş daşlardan inşa olunmuşdur. Axtarışlar zamanı çəhrayı rəngdə bişirilmiş şirli və şirsiz keramika məmulatı aşkar olunmuşdur. Abidənin yaxınlığında, dağ çayının əks tərəfində nekropol yerləşir. Arxeoloji materiallara əsasən, yaşayış yerini XIV–XVIII əsrlərə aid etmək olar.[1]
- ↑ Bахşəliyеv, Vəli. Nахçıvаnın аrхеоlоji аbidələri (PDF) (az.). Bakı: "Elm". 2008. 301s. 2019-04-12 tarixində arxivləşdirilib (PDF). İstifadə tarixi: 2019-04-12.