Tibet Ağırtan (1965, Mersin) — Türkiyə rok musiqiçisi.[1]
| Tibet Ağırtan | |
|---|---|
| Ümumi məlumatlar | |
| Doğum tarixi | |
| Doğum yeri | Mersin, Türkiyə |
| Milliyyəti | türkiyəli |
| Musiqiçi məlumatları | |
| Fəaliyyəti | müğənni |
| Fəaliyyət illəri | 1974 – hal-hazırda |
| Janr | rok |
| Musiqi alətləri | vokal, gitara |
| Albom şirkəti | Ada Müzik |
| Təhsili |
Tarsus Amerika Liseyi Boğaziçi Universiteti Avstraliya Viktoriya Universiteti Şimali Melburn Musiqi Akademiyası |
| Üzvlüyü |
Mavi Sakal (1980–1994) Kırık Kalpler |
Tibet Ağırtan 1965-ci ildə Türkiyənin Mersin ilində anadan olub.
Tarsus Amerika Liseyinin məzunu olub.
O, Boğaziçi Universitetində Sənaye mühəndisliyi, sonradan isə Elektronika mühəndisliyi (səs texnologiyası və səs mühəndisliyi) üzrə, Avstraliyadakı Viktoriya Universitetində Kompüter və riyaziyyat mühəndisliyi üzrə təhsil alıb.
Şimali Melburn Musiqi Akademiyasında isə simfonik caz üzrə qiyabi təhsil alıb. Vokal yarışlarında dünya çempionu olan David Jaanzdan vokal dərsləri alıb.
Tibet Ağırtanın səhnə ilə ilk tanışlığı təhsil aldığı liseyin musiqi qruplarında olub.[2] 1980-ci ildə Tarsus Amerika Liseyində "ECHO'83" adı ilə qurulan rok qrupu 1984-cü ildə adını "Mavi Sakal" (tərc. "Mavi Saqqal") olaraq dəyişdirdi.[3] Həmin qrupun təsisində rol oynayan Tibet 1994-cü ilədək vokalçısı olub.
1992-ci ildə Avstraliyaya köçüb, 1995-ci ildə qrupdan ayrılıb və solo fəaliyyətə başlayıb.
O, 1995-ci ildə "Yat Geliyorum" (tərc. "Yat, gəlirəm"), 1997-ci ildə "Kalk Gidiyorum" (tərc. "Qalx, gedirəm") adlı iki solo albom buraxıb. Bir müddət barlarda "Kırık Kalpler" (tərc. "Sınıq Ürəklər") qrupu ilə çalışıb. Sənətçi 2005-ci ildə Tanju Eren, Korhan Karuşağı, Merih Aydın və Nedim Tanyolaç ilə birlikdə rok qrupunu yenidən canlandırıb və bir çox festivallarda çıxış edib.
1999-cu ildə Avstraliyada "Gece" (tərc. "Gecə") adlı albom buraxıb. Bu albomda Murat Yücel və avstraliyalı yoldaşları ilə birlikdə klassik türk xalq mahnılarını dünya musiqisi formatında şərh edib.
"Zardanadam" rok qrupunun "Dibini Gör" (2005) albomunun prodüseri olub.
2006-cı ildə o, Murat Tümer, Taylan Dedeoğlu və Batur Yurtsever ilə Mavi Sakalın "Son…ki..beş..on" albomunda yenidən bir araya gəlib.
2012-ci ildə "Pincer" (tərc. "Kəlbətin") adlı üçüncü solo albomunu buraxıb.[4]
- ↑ "Tibet Ağırtan". Spotify (ingilis). İstifadə tarixi: 1 yanvar 2026.
- ↑ A.Ş, FırsatMe Bilgi Teknolojileri ve Turizm. "Tibet Ağırtan: Türk Rock Müziğinin Sessiz Gücü". Firsat.Me (türk). 7 dekabr 2025. İstifadə tarixi: 1 yanvar 2026.
- ↑ "Mavi Sakal'dan Naklen! | ZUHAL - Dünyanın En İyi Müzik Mağazası Tasarımı Ödülü 2024". www.zuhalmuzik.com. İstifadə tarixi: 1 yanvar 2026.
- ↑ ""Kıskaç"". Spotify (ingilis). İstifadə tarixi: 1 yanvar 2026.