Terequlovlar — əsası Səfərağa Terequlov tərəfindən qoyulan bu ailə əslən Volqaboyu tatarlarındandır.
| Terequlovlar | |
|---|---|
| Əcdadı | Səfərağa Terequlov |
| Mənşəyi | tatar |
20 il Qafqazda, mühəndis alayında rekrut xidmətində olan S. Terequlov ordudan tərxis edildikdən sonra, 1845 ildə ailəsi ilə (həyat yoldaşı, iki oğlu — Həsən və İbrahim, qızı — Fatma xanım) Tiflisə köçmüşdür. Üzeyir Hacıbəyovun həyat yoldaşı Məleykə xanımın, qayınları Hənəfi və Əli Terequlovların atası olan Həsən Səfərağa oğlu Terequlov (1835–1911) maarifçi, ictimai xadim olmuşdur. 1880-ci ildə, qardaşı İbrahimlə birlikdə Tiflisdə ilk dəfə olaraq qızların və oğlanların birgə oxuması üçün nəzərdə tutulan rus-tatar məktəbi açmışdır. O, Tiflisdə sünnilər məscidinin rəhbəri olmuşdur. Hər iki qardaş xeyriyyəçiliklə də məşğul idilər.
- Züleyxa Terequlova — Osman Əfəndi Vəlizadənin həyat yoldaşı
- Rəhilə Terequlov — Mehdi bəy Hacıbababəyovun həyat yoldaşı
- Hənəfi Terequlov — aktyor, opera müğənnisi, ictimai xadim
- Məleykə Terequlova — Üzeyir Hacıbəyovun həyat yoldaşı
- Badigülcamal Terequlova — Müslüm Maqomayev həyat yoldaşı