Teotiuakan

Teotiuakan (astek Teōtīhuacān — tanrıların doğum yeri) — Mexiko şəhərindən 48 km şimal-şərqdə, San-Xuan-Teotiuakan bələdiyyəsində yerləşən qədim şəhər. Hal-hazırda Kolumbaqədərki Amerikada inşa edilmiş ən böyük piramidaşəkilli tikililərin, geniş iqamətgahların, çox sayda rəngarəng freskaların yerləşdiyi arxeoloji muzey kimi fəaliyyət göstərir.

Teotiuakan
astek Teōtīhuacān
Ölülər meydanına açılan mənzərə, Günəş və Ay piramidalarının görünüşü
19°41′33″ şm. e. 98°50′38″ q. u.HGYO
Ölkə	Meksika
Şəhər	San-Xuan Teotiuakan
Yerləşir	Mexiko ştatı
Aidiyyatı	Asteklər
Tikilmə tarixi	təxm. e.ə.100-b.e.550
Üslubu	Astek memarlığı
Sahəsi	250 ha 3.118,15 ha
Vəziyyəti	stabil
Rəsmi sayt	inah.gob.mx/zonas/23-zon…
UNESCO Ümumdünya İrsi
Tipi	Mədəni
Kriteriya	i,ii,iii,iv,vi
Təyin edilib	1987
İstinad nöm.	414
Dövlət	Meksika
Region	Latın Amerikası və Karib
Meksikanın qeydiyyata alınmış abidələri
İstinad nöm.	ZA77
Teotiuakan
Vikianbarda əlaqəli mediafayllar

Teotiuakan qərb yarımkürəsindəki ən qədim şəhər kimi məlumdur. Şəhər indiki Mexiko ştatının ərazisində erkən sinfi cəmiyyətin ən böyük mərkəzlərindən olmuşdur. E.ə. II əsrdə şəhər regional mərkəzə çevrilir. Bunun səbəbi əvvəlki mərkəz Kuikuilko şəhərinin vulkan püskürməsi nəticəsində tərk edilməsi idi.

Eramızın 250-600-cü illəri şəhərin çiçəklənmə dövrü hesab edilir. Lakin VII əsrin ortalarında şəhər tərk edilir və uzun müddət sonra bu yerlərə gələn asteklər şəhərin əzəmətli dağıntıları ilə rastlaşırlar. Şəhərin tərk edilməsi barədə iki əsas versiya mövcuddur: xarici müdaxilə və hakimiyyətə qarşı xalq üsyanı. Şəhər demək olar ki, bünövrəsinə kimi məhv edilmiş, məbədlər və müqəddəs heykəllər dağıdılmışdı. Son arxeoloji araşdırmalar şəhərin yandırıldığını və bəzi heykəllərin məqsədyönlü şəkildə məhv edildiyini göstərir.