Tennen (alm. Tennengebirge) [1][2][3][4][5] - Avstriyada çox da böyük olmayan dağ silsiləsi. Silsilə Şimali Əhəngdaşlı Alplara aiddir. Yetərincə çox parçalanmış bu silsilə Şərqi Alplarla həmsərhəddir. Sahəsi 60 km² olan bu silsilədə karst prosesləri çox yüksəkdir. Bölgədə müxtəlif karst mağaralarına rast gəlinir. Silsilə ölkənin Zalsburq ştatındadır. Silsilənin 37 km²-lik hissəsi dəniz səviyyəsindən 2000 metr yüksəkdə yerləşir. Zalsburq yaxınlığında olan hissəində 1982-ci ildə təbiət qoruğu yaradılmışdır.
| Tennen | |
|---|---|
 | |
| Ümumi məlumatlar | |
| Mütləq hündürlüyü | 2.430 m |
| Uzunluğu |
|
| Sahəsi |
|
| Süxurları | Çökmə süxurlar |
| Yerləşməsi | |
| 47°30′ şm. e. 13°12′ ş. u.HGYO | |
| Ölkə |
 Avstriya |
  Tennen |
|
 Vikianbarda əlaqəli mediafayllar | |
Tennen silsiləsinin ən hündür zirvəsi Rauçekdir (2430 m). Rauçekdən şərqdə ikinci ən hündür zirvə Bleikogel (2412 m) yerləşir. Əksər yüksək zirvələr silsilənin cənub yamacında yerləşir. Silsilədən qərbində olan Haqen dağı Tennendən Zals çayı ilə ayrılır. Tennen silsiləsi əsasən əhəng daşlı süxurlardan təşkil olunub. Məhs bu üzdən ərazidə karst prosesləri güclü gedir. Silsilədə həm də yura yaşlı dolomit süxurlar geniş yayılıb.
Silsilədə mağaralar yetərincə çoxdur.[6] Bunlardan ən populyarın Verfen şəhəri yaxınlığında yerləşən Eisriesenwelt mağarasıdır. Uzunluğu 42 km olan bu mağara dünyanın ən böyük buz mağarasıdır. Digər mağaralardan Brunnecker və Winnerfall misal göstərmək olar. Bu mağaralar su mağaraları hesab olunur. İlin çox vaxtı mağara daxili su ilə dolu olur. Bu daha çox qar əriyən vaxtı və yağışlı mövsümdə baş verir.
Tennen silsiləsi alpinistlər üçün maraqlı məkandır. Ərazidə çoxlu marşrut cığırları var. Yollar yetərincə təhlükəlidir. Ancaq hazırlıqlı alpinistlər üçün məshləhət bilinir. Ərazidə onlarca alpinistlərə xidmət üçün dağ evləri tikilmişdir. Qış aylarında xizək turizmi populyar olur.
- ↑ Käß, Werner and Behrens, Horst (1992). Tracing Technique in Geohydrology, Gebrüder Borntraeger Verlagsbuchhandlung, Berlin/Stuttgart, p. 404. ISBN 3-443-01013-X.
- ↑ Arnold, Rosemarie and Taylor, Robert (2012). Austria, Baedeker, p. 571. ISBN 978-3-8297-6613-5.
- ↑ Bernhard, Thomas (1979). Correction, Knopf, p. 233. ISBN 978-0-3944-1141-5.
- ↑ Hammond Atlas of the World, 5th ed., Hammond World Atlas Corp., 2008. ISBN 978-0-8437-0967-4.
- ↑ Mutton, Alice Florence Adelaide (1961). Central Europe: a regional and human geography, Longmans.
- ↑ Audra, Philippe. "Premières observations morphologiques et spéléologiques sur le karst haut-alpin du Tennengebirge (Salzburg, Autriche)". ISSN 0751-7688. 2022-07-04 tarixində arxivləşdirilib. İstifadə tarixi: 2020-05-04.