Telman Manaf oğlu Abdinov (1 iyul 1954, Külüs, Şahbuz rayonu) — Azərbaycan rəssamı, Azərbaycanın əməkdar rəssamı (2002).
| Telman Abdinov | |
|---|---|
 Telman Abdinov | |
| Doğum tarixi | 1 iyul 1954 (71 yaş) |
| Doğum yeri | |
| Fəaliyyəti | rəssam |
| Üzvlüyü |
Azərbaycan Rəssamlar İttifaqı (1988-ci ildən) Naxçıvan Muxtar Respublikası Rəssamlar Birliyi (2012-ci ildən) SSRİ Rəssamlar İttifaqı (1992-ci ilədək) |
| Mükafatları |
 |
1 iyul 1957-ci ildə Şahbuz rayonunun Külüs kəndində anadan olub. 1978-ci ildə Əzim Əzimzadə adına Azərbaycan Dövlət Rəssamlıq Məktəbini bitirib. SSRİ Rəssamlar İttifaqının üzvü olub.[1] 1988-ci ildən Azərbaycan Rəssamlar İttifaqının, 2012-ci ildən Naxçıvan Muxtar Respublikası Rəssamlar Birliyinin üzvüdür.[2]
Rəngkarlıq və qrafikanın bir çox janrlarında əsərlərin müəllifidir. Onun əsərlərində rəngkarlıq və qrafikanın müxtəlif janrlarında işlər və yaradıcılığında portret və mənzərə janrları vacib yer tutur.
Azərbaycan prezidentləri Heydər Əliyev və İlham Əliyevin, oftalmoloq-alim Zərifə Əliyevanın, Xəlil Rza Ulutürkün, Hüseyn Cavidin, Yusif Məmmədəliyevin, Məhəmmədhüseyn Şəhriyarın, Bəhruz bəy Kəngərlinin, Əziz Şərifin, Eynəli bəy Sultanovun, Turan Cavidin, Əkbər xan Naxçıvanskinin, Kəlbəli xan Kəngərlinin, Əcəmi Naxçıvaninin, Nemətullah Naxçıvaninin, Məhəmməd ağa Şahtaxtinskinin və digər məşhur şəxslərin portretlərini təsvir etmişdir.[2]
Əsərləri Moskva, Sankt-Peterburq, Yekaterinburq, Praqa, Paris, İstanbul, Ankara, Bodrum, Ərzurum, Qars, Tehran, Bakı və Naxçıvan kimi şəhərlərdə keçirilən sərgilərdə nümayiş etdirilmişdir. Rəssamın əsərləri Heydər Əliyev muzeyi, Naxçıvan Dövlət Tarix Muzeyi, Hüseyn Cavidin Ev Muzeyi, Naxçıvan Dövlət Rəsm Qalereyası, Məmməd Arazın Ev Muzeyi, Naxçıvan Ədəbiyyat Muzeyi, Cəmşid Naxçıvanskinin Ev Muzeyi, Milli Dəyərlər Muzeyi, ""Xan Sarayı" Dövlət Tarix-Memarlıq Muzeyi, Şahbuz Rayon Tarix-Diyarşünaslıq Muzeyi, Bəhruz Kəngərli muzeyi, Cəlil Məmmədquluzadənin ev-muzeyi, Naxçıvan Xalça Muzeyi, Xatirə Muzeyi, Yusif Məmmədəliyevin ev-muzeyi, Şahtaxtinskilər Muzeyi, Məhəmməd Tağı Sidqinin Ev Muzeyi və digər bir sıra şəxsi kolleksiyalarda qorunub saxlanılır.[2]
O, 2002, 2004, 2005, 2014 və 2019-cu illərdə fərdi yaradıcılıq sərgiləri təşkil etmişdir. O, 2012, 2014, 2016 və 2018-ci illərdə "Naxçıvan-bəşəriyyətin beşiyi" Beynəlxalq Rəsm Festivalında da aktiv iştirak etmişdir.[2]
Onun tematik kompozisiyalı və təbiət təsvirli rəsm əsərlərinə aşağıdakılar daxildir:
- "Gənc qız şanapipik ilə"
- "Həyəcan yaddaş"
- "Bir dövlət iki millət"
- "Axşam qələmələri"
- "Ay işığında natürmort"
- "Dəniz"
- "Şahbuzda qış"
- "Terrorist gülləsi"
- "Göy qurşağı"
- "Axşam"
- "Batabat"
- "Mənzərə"
- "Qış"
- "Naxçıvan baharı"
- "Naxçıvan abidələri"
O, 2002-ci ildə "Azərbaycan Respublikasının əməkdar rəssamı" adına layiq görülüb.[3]
- ↑ "Arxivlənmiş surət". 2016-03-10 tarixində orijinalından arxivləşdirilib. İstifadə tarixi: 2012-07-07.
- ↑ 1 2 3 4 Telman Abdinov — Naxçıvan Muxtar Respublikası Rəssamlar Birliyinin rəsmi veb-saytında
- ↑ "Təsviri sənət xadimlərinə Azərbaycan Respublikası fəxri adlarının verilməsi haqqında Azərbaycan Respublikası Prezidentinin Fərmanı". e-qanun.az. 30 may 2002. 12 July 2021 tarixində arxivləşdirilib. İstifadə tarixi: 9 mart 2020.
- Telman Abdinov — Facebook səhifəsi