Tektonik fəallaşma sahələri

Tektonik fəallaşma sahələri – zəlzələ, uçqun və sürüşmələr tipli neotektonik hadisələrlə müşayiət olunur. Həmin sahələr üçün aşınma və denudasiya hadisələri də səciyyəvidir. Oksidləşmə şəraiti yaradan kimyəvi elementlər və birləşmələr – sərbəst oksigen ilə yanaşı kükürd, dəmir və s. elementlərin kimyəvi fəallığı yüksəlir. Qələvi və qələvi-torpaq metallar, habelə halogenlər aqressivlik göstərir. Tektonik fəallığın yüksəldiyi sahələrdəki geokimyəvi mühitdə yaranan torpaqlar və sularda kalium, dəmir və kükürd elementləri ilə zənginləşmə baş verir. Tektonik oreollar öz mahiyyətinə görə həm də diffuziya oreolları hesab oluna bilər. Tektonik oreollarda dəmir, karbon, kükürd və s. elementlərinin zənginliyi diffuziya qabiliyyətini nümayiş etdirir. Səth və yeraltı sularda orta temperaturdan yüksək göstəricilər müşahidə edilir.^[1]