Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalədəki və ya bölmədəki məlumatlar köhnədir. |
Texnofest Azərbaycan — 2021-ci ildən etibarən Azərbaycanda keçirilən aerokosmik və texnologiya festivalı.
| Texnofest Azərbaycan | |
|---|---|
| Başlayır | 26 May 2022 |
| Bitir | 29 May 2022 |
| Məkan | Bakı Kristal Zalı |
| Ölkə | Azərbaycan |
| Təşkilatçı |
Azərbaycan Respublikasının Rəqəmsal İnkişaf və Nəqliyyat Nazirliyi Türkiyə Respublikasının Sənaye və Texnologiya Nazirliyi [1] |
| Vebsayt | www.teknofest.az |
Azərbaycan ilk dəfə 2021-ci ildə Teknofest[2] Aviasiya, Kosmos və Texnologiya sahələri üzrə festivalda iştirak edib. Festivalın sərgi hissəsində Rəqəmsal İnkişaf və Nəqliyyat Nazirliyi tərəfindən qurulmuş Azərbaycan Milli Pavilyonunda 11 yerli şirkət və startapın məhsul və həlləri nümayiş olunub, həmçinin ölkəmizin yerli istehsalı olan pilotsuz uçuş aparatları sərgilənib.[3] Tədbir çərçivəsində təşkil olunan hava şoularında Azərbaycan Hərbi Hava Qüvvələrinin peşəkar pilotları "MiQ-29" qırıcı təyyarələri ilə solo pilotaj uçuşları həyata keçiriblər. Tədbirdə Azərbaycanın Müdafiə Nazirliyi tərəfindən iki "MiQ-29" təyyarəsi, eləcə də Müdafiə Sənayesi Nazirliyi tərəfindən "İti qovan", "Orbiter 2", "Orbiter 3", "Orbiter 4" kimi pilotsuz hava vasitələri də sərgilənib. "MiQ-29" təyyarələri beş gün ərzində İstanbulda hava şoularında da iştirak edib.[4]
Teknofest Azərbaycan tədbirinin 2022-ci ilin 26–29 may tarixlərində "Bakı Kristal Zalı" və Dənizkənarı bulvar ərazisində keçirilib. Festivalın təşkilatçıları "Türkiyə Texnologiya Komandası" — T3 Fondu, Azərbaycan Respublikasının Rəqəmsal İnkişaf və Nəqliyyat Nazirliyi və Türkiyə Respublikasının Sənaye və Texnologiya Nazirliyidir.[5][6] Yarışlarda beynəlxalq iştirakçıların da iştirak edib. Dünyanın müxtəlif ölkələrindən olan iştirakçılar texnologiya müsabiqələrinə qatılıblar.[7][8][9]
Həmçinin akademik tərəfdaşlar isə ADA Universiteti, Azərbaycan Texniki Universiteti və Milli Aviasiya Akademiyasıdır.[5]
Tədbir çərçivəsində Azərbaycan Hərbi Hava Qüvvələrinin "MİQ-29" qırıcı təyyarələri, Türkiyənin Solotürk və Türk Ulduzları aerobatika komandaları, Bayraktar Akıncı PUA-sı, Hürkuş təlim təyyarəsi və T-129 helikopterləri uçuşlar həyata keçiriblər.[10]
- ↑ "Texnofest aerokosmik və texnologiya festivalı". teknofest.az. 25 fevral 2022 tarixində arxivləşdirilib. İstifadə tarixi: 9 fevral 2022.
- ↑ "Azərbaycan hərbi texnikaları "Teknofest-2021" festivalında nümayiş olunur". www.azerbaycan24.com. 9 fevral 2022 tarixində arxivləşdirilib. İstifadə tarixi: 9 fevral 2022.
- ↑ "Azərbaycan "Teknofest"də 11 startapla təmsil olunur". ikisahil.az. 9 fevral 2022 tarixində arxivləşdirilib. İstifadə tarixi: 9 fevral 2022.
- ↑ "Azərbaycan "Teknofest-2021" festivalında təmsil olunur". azertag.az. 9 fevral 2022 tarixində arxivləşdirilib. İstifadə tarixi: 9 fevral 2022.
- ↑ 1 2 "Teknofest Təşkilatçılar". teknofest.az. 25 fevral 2022 tarixində arxivləşdirilib. İstifadə tarixi: 12 fevral 2022.
- ↑ "Azərbaycanda keçiriləcək "Texnofest-2022" festivalının vaxtı məlum olub". report.az. 12 fevral 2022 tarixində arxivləşdirilib. İstifadə tarixi: 12 fevral 2022.
- ↑ "Azərbaycanda "Texnofest-2022" festivalının nə vaxt keçiriləcəyi açıqlandı". sputnik.az. 12 fevral 2022 tarixində arxivləşdirilib. İstifadə tarixi: 12 fevral 2022.
- ↑ "Azərbaycanda keçiriləcək "Texnofest-2022" festivalına qeydiyyat başlayıb". apa.az. 12 fevral 2022 tarixində arxivləşdirilib. İstifadə tarixi: 12 fevral 2022.
- ↑ "Texnofest-2022 Azərbaycanda keçiriləcək". modern.az. 12 fevral 2022 tarixində arxivləşdirilib. İstifadə tarixi: 12 fevral 2022.
- ↑ ""TEKNOFEST Azərbaycan" festivalında aviaşou keçirildi". 4 iyun 2022 tarixində arxivləşdirilib. İstifadə tarixi: 28 iyun 2022.
Texnofest Azərbaycan — Instagram səhifəsi