Team 0% (azərb. Komanda 0%) — Super Mario Maker və Super Mario Maker 2-də istifadəçi tərəfindən hazırlanmış hər səviyyənin orijinal yükləyicidən başqa ən azı bir şəxs tərəfindən tamamlanmasını təmin etmək məqsədi daşıyan icma layihəsidir.[1]
Layihə Wii U və Nintendo 3DS onlayn serverlərinin 2024-cü ilin aprelində planlaşdırılan bağlanmasından əvvəl Super Mario Maker-də bütün səviyyələri tamamladı.[2] 2024-cü ilin aprel ayından etibarən layihənin məqsədi serverlərin bağlanmasından əvvəl, Super Mario Maker 2-də yaradılmış bütün səviyyələri tamamlamaqdır.
Super Mario Maker Wii U üçün 2015-ci il təqdim olunmuş video oyunudur. Burada oyunçular Super Mario seriyasındakı müxtəlif mexanikalardan istifadə edərək oyunda müxtəlif platforma səviyyələri yarada və oynaya bilərlər. Yalnız səviyyənin yaradıcısı səviyyəni keçdikdən sonra başqa oyunçular üçün yayımlana bilər.[3]
Team 0%, 2017-ci ildə bir oyunçunun 2015-ci ildə yüklənmiş səviyyələrin sıfır faiz dərəcəsi ilə olanları (heç kimin keçmədiyini bildirir) cədvəl şəklində tərtib etdikdə və onu Redditdə paylaşdıqda yaranmağa başladı.[1][4] Oyunçular daha sonra cədvəldəki bütün səviyyələri keçməyə həsr olunmuş Discord serveri yaratdılar. 2021-ci ilin mart ayında Nintendo, Super Mario Maker-ə yeni yükləmələri həmişəlik dayandırdı, bununla da mövcud olan səviyyələrin sayı konkretləşdi.[5] Strimerlərin diqqəti layihənin populyarlığını artırdı[1] və 2023-cü ilin fevralına qədər 41,113 keçilməmiş səviyyə var idi.[6]
2023-cü ilin oktyabrında Nintendo, Super Mario Maker daxil olmaqla Wii U və 3DS üçün onlayn xidmətlərini bağladığını elan etdi, yəni 8 aprel 2024-cü il tarixindən sonra onlayn səviyyələrə giriş mümkün olmayacaqdı.[7][8] Bağlanma elanından dörd həftə sonra komanda daha 7,384 səviyyəni bitirdi və 25,000-dən az səviyyə qaldı.[1] 5 mart 2024-cü ilə qədər yalnız 178 səviyyə qalmışdı.[7]
15 mart 2024-cü ildə "Son Rəqs" (ing. The Last Dance) adlı sonuncu səviyyə Yamada_SMM2 (天王寺やまだ) adlı istifadəçisi tərəfindən keçildi. Hesab olunurdu ki, başqa bir səviyyə, "Otları Kəsmək" (ing. Trimming the Herbs) keçilməmiş qalıb və buna 280.000 dəfə cəhd edilib.[5][9] Bir həftə sonra həmin səviyyənin yaradıcısı onun "qeyri-qanuni" səviyyə olduğunu və serverə yükləmək üçün xüsusi proqram təminatı ilə keçildiyini açıqladı. Buna baxmayaraq, səviyyə 5 aprel 2024-cü ildə sanyx91smm2 adlı istifadəçi tərəfindən tamamlandı.[10][11]
Team 0%-in uğuruna cavab olaraq, Super Mario Maker-ın tərtibatçısı Takashi Tezuka "Bu, həqiqətən çox gözəldir" açqılamasını verdi.[12]
2024-cü ilin aprelindən etibarən Team 0% Super Mario Maker 2-də bütün səviyyələri keçməyə davam etməyi planlaşdırır.[1]
- ↑ 1 2 3 4 5 Plant, Logan. "Inside the Multi-Year Quest to Finish Every Single Mario Maker Level Before the Servers Close for Good". IGN (ingilis). 2024-03-18. 2024-03-19 tarixində arxivləşdirilib. İstifadə tarixi: 2025-01-05.
- ↑ Davis, Wes. "Congratulations to Team 0%!". The Verge (ingilis). 2024-03-23. İstifadə tarixi: 2025-01-05.
- ↑ Otero, Jose. "E3 2015: 9 Exciting Things You Need to Know About Super Mario Maker". IGN (ingilis). 2015-06-16. 2017-09-12 tarixində arxivləşdirilib. İstifadə tarixi: 2025-01-05.
- ↑ Benson, Julian. "'I wasn't sure it was even possible': the race to finish 80,000 levels of Super Mario Maker". The Guardian (ingilis). 2024-03-28. ISSN 0261-3077. 2024-03-29 tarixində arxivləşdirilib. İstifadə tarixi: 2025-01-05.
- ↑ 1 2 Orland, Kyle. "The Super Mario Maker community faces its final boss". Ars Technica (ingilis). 2024-03-19. 2024-03-20 tarixində arxivləşdirilib. İstifadə tarixi: 2025-01-05.
- ↑ "There are only 178 levels left to overcome in 'Super Mario Maker'… and one month to achieve it". 2024-03-13 tarixində arxivləşdirilib. İstifadə tarixi: 2025-01-05.
- ↑ 1 2 published, Dustin Bailey. "Super Mario Maker players are 99.62% of the way to beating every single level - and they've only got a month left to clear 178 of the most devious platformer levels ever made". gamesradar (ingilis). 2024-03-05. 2024-03-12 tarixində arxivləşdirilib. İstifadə tarixi: 2025-01-05.
- ↑ Shutler, Ali. "Fans are trying to beat every level of 'Super Mario Maker' before server shutdown". NME (ingilis). 2024-03-01. 2024-03-21 tarixində arxivləşdirilib. İstifadə tarixi: 2025-01-05.
- ↑ published, Dustin Bailey. "After 280,000 attempts, the final level of Super Mario Maker turns out to be a fake, and now players can start celebrating a victory they already achieved a week ago". gamesradar (ingilis). 2024-03-22. 2024-03-25 tarixində arxivləşdirilib. İstifadə tarixi: 2025-01-05.
- ↑ Life, Nintendo. "Super Mario Maker Community Clears 'Trimming The Herbs' Just Days Before Wii U Online Shutdown". Nintendo Life (ingilis). 2024-04-06. 2024-04-06 tarixində arxivləşdirilib. İstifadə tarixi: 2025-01-05.
- ↑ "Sanyx91SMM2 clears the unbeatable Super Mario Maker level just before Wii U servers go offline". Shacknews (ingilis). 2024-04-08. 2025-01-05 tarixində arxivləşdirilib. İstifadə tarixi: 2025-01-05.
- ↑ Orland, Kyle. "After decades of Mario, how do developers bridge a widening generation gap?". Ars Technica (ingilis). 2024-04-17. 2024-05-22 tarixində arxivləşdirilib. İstifadə tarixi: 2025-01-05.