Tbilisi Televiziya Qülləsi
Tbilisi Televiziya Qülləsi və ya Tbilisi teleqülləsi (gürc. თბილისის ტელეანძა — Gürcüstanın paytaxtı Tbilisidə, televiziya, radio yayımı və mobil antenlərin yerləşdirilməsi üçün istifadə olunan çox məqsədli qüllə.
| Tbilisi Televiziya Qülləsi | |
|---|---|
| gürc. თბილისის ტელეანძა | |
.JPG) Tbilisi teleqülləsinin Mtaçminda dağında görünüşü | |
 | |
| 41°41′45″ şm. e. 44°47′05″ ş. u.HGYO | |
| Ölkə |
 Gürcüstan |
| Şəhər |
 Tbilisi |
| Yerləşir | Mtaçminda dağı |
| Tikilmə tarixi | 1972 |
| Hündürlüyü | 274,5 m |
| Vəziyyəti | Fəaliyyətdə olan televiziya qülləsi |
 Vikianbarda əlaqəli mediafayllar | |
Qüllə 1972-ci ildə köhnə televiziya qülləsinin əvəzinə inşa edilmişdir. 1955-ci ildə qurulan Gürcüstan Televiziya Mərkəzinin yurisdiksiyasına aiddir.[1] Təbii yüksəklikdə (Mtatsminda Dağı) inşa edilmiş tikilidir.
Qeyri-adi bir formaya malikdir — qüllənin əsas gövdəsi iki "rekvizit" ilə birlikdə proyeksiya halında üçbucaq yaradır. Qüllənin hündürlüyü dağın səthindən 274,5 metr yüksəklikdədir. Dəniz səviyyəsindən hündürlük — 719,2 metrdir.
Hazırda teleqüllə Mtatsminda parkının ərazisində yerləşir. Televiziya qülləsi ukraynalı mütəxəssislərin layihəsinə uyğun olaraq inşa edilmişdir.
1991-ci ilin sonunda, qüllənin ətəyindəki strateji yüksəklik Gürcüstan vətəndaş müharibəsi zamanı şəhərə atəş açan silahlılar tərəfindən tutulmuşdu. Silahlılara qarşı atəş açdıqda teleqüllədə güllələrə tuş gəldi. Pulemyotdan atəşə tutulmasına baxmayaraq, televiziya qülləsi fəaliyyətini davam etdirdi.[2]
Tbilisi teleqülləsi hazırda televiziya, radio yayımı və mobil antenlərin yerləşdirilməsi üçün istifadə olunur. Müxtəlif televiziya şirkətləri — həm dövlət birinci kanalı, həm də müstəqil "Rustavi-2", "9-cu kanal", "İberiya", "Kavkasia" onun xidmətindən istifadə edirlər. "Ayeti" şirkəti də burada yerləşir. Şirkət Rusiya və digər xarici şirkətlərdən gələn siqnalların paylanması üzrə ixtisaslaşmışdır.[2]
1994-cü ilin oktyabrında 100 metr yüksəklikdə yanğın baş vermişdir. Yanğın yalnız siqnal ötürücü cihazdan antenə gələn kabellər tamamilə yandıqda dayandı. Yanğın nəticəsində televiziya yayımı bir gündən çox kəsildi, lakin ötürücü qurğu demək olar ki, zədələnmədiyindən teleyayım tez bir müddətdə bərpa edildi.[2]
Tbilisi Televiziya Qülləsindən tele-radio və mobil operatorlara xidmətlə yanaşı, bəzən sosial layihələrdə də istifadə olunur. Belə ki, teleqüllə tez-tez müxtəlif ölkələrin bayraqlarının rəngləri ilə işıqlandırılır. Teleqüllə tez-tez Azərbaycan Respublikasının əlamətdar bayram günlərində Azərbaycan bayrağının rənglərinə boyanır. 2021-ci il mayın 28-də Tbilisinin əsas simvollarından biri olan televiziya qülləsi Azərbaycan bayrağının rəngləri ilə işıqlandırılmışdır. Televiziya qülləsi Azərbaycanın Respublika Gününün 103-cü ildönümü münasibətilə bəzədilmişdir. Həmən günün axşam saatlarından etibarən teleqüllə göy, qırmızı və yaşıl rənglərdə işıq saçmağa başlayıb.[3] Həmçinin 18 oktyabr 2021-ci ildə Azərbaycanın dövlət müstəqilliyinin bərpasının 30-cu ildönümündə də televiziya qülləsi Azərbaycan bayrağının rənglərində işıq saçmışdır.[4]
- ↑ Georgian Teleradiocenter Arxiv surəti 24 mart 2014 tarixindən Wayback Machine saytında Arxivləşdirilib 2014-03-24 at the Wayback Machine
- ↑ 1 2 3 Тбилисская телевышка тоже пережила пожар Государственное телевидение Грузии в случае неприятностей получит "секретный доступ" к эфиру
- ↑ Tbilisidəki televiziya qülləsi Azərbaycan bayrağının rəngləri ilə işıqlandırılıb
- ↑ "Tbilisi teleqülləsi Azərbaycan bayrağının rəngləri ilə işıqlandırılıb — FOTO/VİDEO". 2021-11-28 tarixində arxivləşdirilib. İstifadə tarixi: 2021-10-19.