Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTavropos (yun. Λίμνη Ταυρωπού), Plastira gölü (yun. Λίμνη Πλαστήρα) — Yunanıstanda dağlıq ərazidə yerləşən su anbarı. Tavropos su anbarı və ya Plastira gölü ölkənin Nevrepol yaylasında, Fessaliya periferiyasının ərazisində, Keraseya kəndinin 3 km-də yerləşir.
| Tavropos su anbarı | |
|---|---|
| yun. Λίμνη Ταυρωπού, yun. Λίμνη Πλαστήρα | |
 | |
| Ümumi məlumatlar | |
| Tikilmə tarixi | 1958-1962 |
| Dəniz səviyyəsindən hündürlüyü |
800 m |
| Eni | 4000 km |
| Uzunluğu | 12 000 km |
| Sahəsi | 24 000 km² |
| Həcmi | 400 hm³ |
| Dərin yeri | 60 m |
| Orta dərinliyi | 13 m |
| Tökülən çay | Tavropos |
| Yerləşməsi | |
| 39°17′50″ şm. e. 21°00′09″ ş. u. | |
| Ölkə |
 Yunanıstan |
  Tavropos su anbarı |
|
 | |
 Vikianbarda əlaqəli mediafayllar | |
Su anbarı dəniz səviyyəsindən 800 metr yüksəklikdə yerləşir. Ümumi su tutumu 400 milyon m³-dir. Faydalı su həcmi isə — 300 milyon m³-dir.[1] Maksimal uzunluğu 12 km, maksimal eni isə 4 km-dir. Su anbarının sahəsi 24 km²-dir. Ən dərin yeri 60 metr, orta dərinlik isə 13 metrdir. Su anbarına daxil olan və çıxan çay Tavroposdur.
Su anbarı 1958 −1962-ci illərdə Tavropos çayı üzərində inşa olunan bənd nəticəsində formalaşmışdır.[1]
Su anbarının tikilməsi ideyası Yunanıstanın 1945, 1950, 1951–1952-ci illərdə baş naziri olmuş Nikolaos Plastirasa məxsusdur. Plastiras əslən Fessaliya periferiyasından idi. 1925-ci ildə bölgədə baş vermiş katastrofik daşqınlar zamanı Nikolaos bölgəyə səfər etmiş və çay vadisinin qarşısının kəsilməsi təklifini irəli sürmüşdür. Bəndin tikintisi İtaliya dövlətinin Yunanıstana olan dövlət borcu hesabına həyata keçirildi. Tikintini fransız şirkəti həyata keçirirdi.
Hal-hazırda hündürlüyü 83 metr, uzunluğu 220 metr olan bənd Yunanıstanın dövlət energetika şirkətinə məxsusdur.[1]
Aqrafa və Kardisa vilayətlərində su təchizatında, eləcə də suvarma sahəsində su anbarının önəmi böyükdür. Mitropoli kəndi yaxınlığında gücü 400 MVt su elektrik stansiyası fəaliyyət göstərir.[2][3]
Son on ildə ərazi dağ turizm mərkəzlərindən birinə çevrilmişdir. Məhs turizm potensialına görə su anbarının son illərdə suvarma və energetika istiqamətində istifadəsi azaldılmışdır.[2]
Su anbarının yaxınlığında Petra monastırı var.
.jpg)
- ↑ 1 2 3 "Οι Τεχνητές Λίμνες της ΔΕΗ ΑΕ" (PDF) (yunan). ΔΕΗ. 27 fevral 2021 tarixində arxivləşdirilib (PDF). İstifadə tarixi: 23 may 2021.
- ↑ 1 2 "Hydrology and Earth System Sciences, 9, 507–515" (PDF). 2 dekabr 2017 tarixində arxivləşdirilib (PDF). İstifadə tarixi: 31 mart 2024.
- ↑ "Plastira Hydroelectric Power Plant Greece - GEO". globalenergyobservatory.org. 31 mart 2024 tarixində arxivləşdirilib. İstifadə tarixi: 31 mart 2024.