Tatyana Aristova (rus. Татьяна Аристова; 16 avqust 1926, Moskva – 28 fevral 2003, Moskva) — sovet-rus şərqşünası, etnoloqu, kürdoloqu, tarix elmləri doktoru. SSRİ Elmlər Akademiyasının Etnoqrafiya İnstitutunun elmi işçisi, Yaxın Şərq və Zaqafqaziya xalqlarının etnoqrafiyası, kürdlərin etnoqrafiyası üzrə mütəxəssis kimi çalışmışdır.
| Tatyana Aristova | |
|---|---|
| Doğum tarixi | 16 avqust 1926 |
| Doğum yeri | |
| Vəfat tarixi | 28 fevral 2003 (76 yaşında) |
| Vəfat yeri | |
| Elm sahələri | etnologiya, şərqşünaslıq, Kürdşünaslıq[d] |
| Elmi dərəcəsi | |
| İş yerləri |
|
| Təhsili | |
Tatyana Aristova 1926-cı il avqustun 16-da Moskvada ailəsində anadan olub. Atası Fyodor Aristovun ölümündən sonra ana uşaqları uşaq evinə verməyə məcbur olub. Anasının ölümündən sonra o, böyük bacısının himayəsində böyüdü. Məktəbi bitirdikdən sonra Bauman adına Moskva Dövlət Texniki Universitetinə daxil olub lakin daha sonra fikrini Moskva Şərqşünaslıq İnstitutuna dəyişib.[1] 1949-cu ildə Moskva Şərqşünaslıq İnstitutunun Yaxın Şərq fakültəsinin İran şöbəsini bitirmiş və SSRİ Elmlər Akademiyasının Etnoqrafiya İnstitutunun aspiranturasına daxil olmuşdur. Aspiranturada oxuduğu müddətdə Zaqafqaziyaya, kürdlərin məskunlaşdığı ərazilərə etnoqrafik ekspedisiyalarda iştirak edib.
1953-cü ildə SSRİ Elmlər Akademiyasının Etnoqrafiya İnstitutunda "İran Kürdləri (Tarixi-Etnoqrafik Oçerk)" mövzusunda namizədlik dissertasiyası müdafiə etmişdir.
1953–1979-cu illərdə SSRİ Elmlər Akademiyası Etnoqrafiya İnstitutunun Xarici Asiya şöbəsinin kiçik elmi işçisi, 1979–1984-cü illərdə baş elmi işçi olmuşdur. 1984-cü ildə təqaüdə çıxmışdır.[2]
1993-cü ildə Moskva Dövlət Universitetində "XIX əsr – XX əsrin birinci yarısı kürdlərinin maddi mədəniyyəti" mövzusunda doktorluq dissertasiyası müdafiə edib.
1996–1997-ci illərdə Rusiya Xalqlar Dostluğu Universitetində kürd tələbələri üçün kürdlərin tarixi və etnoqrafiyası mövzusunda mühazirə oxuyub.
O, "Azad Kürdüstan" qəzetinin redaksiya heyətinin üzvü olub. İraq-Sovet Dostluq Cəmiyyətinin üzvü idi.[1]