Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTaras Şamba (29 iyul 1938, Suxumi – 13 oktyabr 2020, Moskva[1]) — Abxaziya və Rusiya ictimai-siyasi xadimi, hüquq elmləri doktoru (1985), Rusiya Dövlət Ticarət və İqtisadiyyat Universitetinin prorektoru (2002-2008), Rusiya Qafqaz Xalqları Konqresinin həmsədri. Qeyri-rəsmi olaraq ömürlük "Abxaziyanın xalq prezidenti" tituluna malikdir[2][3].
| Taras Şamba | |
|---|---|
| abx. Шамба Тарас Мирон-иԥа | |
| Doğum tarixi | 29 iyul 1938 |
| Doğum yeri | |
| Vəfat tarixi | 13 oktyabr 2020 (82 yaşında) |
| Vəfat yeri | |
| Təhsili |
|
| Fəaliyyəti | siyasətçi, hüquqşünas |
| Elmi dərəcəsi | |
| Partiyası | |
| Mükafatları |
 |
Qardaşı Sergey Şamba Abxaziya Respublikasının keçmiş baş naziridir.
1963-cü ildə Moskva Dövlət Universitetinin hüquq fakültəsini bitirib. İş həyatına Suxumi Prokurorluğunun müstəntiqi olaraq başlamış, Sovet İttifaqı Kommunist Partiyası Abxaziya Regional Komitəsində təlimatçı işləmişdir. 1971-ci ildə Sovet İttifaqı Kommunist Partiyası İK yanında Ali Partiya Məktəbini, 1975-ci ildə Sovet İttifaqı Kommunist Partiyası MK yanında İctimai Elmlər Akademiyasını bitirmişdir. 1975-ci ildə namizədlik, 1985-ci ildə doktorluq dissertasiyasını müdafiə etmişdir. Dövlətin nəzəriyyəsi və praktikası, demokratiya və qanunun aliliyi, milli dövlət quruluşu və iş hüququ sahəsində mütəxəssisdir. Üstəlik bu mövzularda 300-dən çox nəşrin müəllifidir. 75-dən çox kitab və məqalənin müəllifi, Abxaziya Respublikası Konstitusiyası layihəsinin mətnini hazırlayanvə Abxaziya Respublikası Prezidentinin ilk populyar alternativ seçkilərinin təşəbbüskarı olan şəxsdir. 2002-ci ilin noyabrından 2008-ci ilin iyulunadək Rusiya Dövlət Ticarət-İqtisad Universitetinin birinci prorektoru, 2008-ci ildən Rusiya Dövlət Ticarət-İqtisad Universiteti rektorunun müşaviri olur.
Rusiya Federasiyasının fəxri vəkili, Rusiya Federasiyasının əməkdar hüquqşünası, Moskva Şəhər Notariat Palatasının notariusu, öz notariat kontorunun sahibi olaraq fəaliyyət göstərir.
Taras Şamba Beynəlxalq İnformasiya Akademiyası, Beynəlxalq Fransız Platonik Elmlər və İncəsənət Akademiyası, Adıgey Beynəlxalq Elmlər Akademiyası, Dünya Xalqlarının Ruhani Birliyi Beynəlxalq Akademiyası da daxil olmaqla səkkiz ictimai akademiyanın həqiqi üzvüdür (akademik)[4][5].
13 oktyabr 2020-ci ildə 82 yaşında vəfat etmişdir.
Qudauta rayonunuin Abqarxuk kəndində dəfn edilir.
1989-1991-ci illərdə SSRİ xalq deputatı olmuşdur. 1980-ci illərdə o, SİKP Abxaziya vilayət komitəsinə rəhbərlik etmək təklifini iki dəfə rədd etmişdir.
1992-ci ildən Ümumdünya abxaz-abaza xalqı konqresinin prezidenti olmuşdur.
1994-2005-ci illərdə Taras Şamba daxili abxaz problemlərində Abxaziyanın lideri Vladislav Arcinba ilə heç vaxt toqquşmasa da, ona qarşı taktiki müxalifətdə olub, xarici siyasət məsələlərində isə respublikanın birinci prezidentini dəstəkləyib.
Taras Şamba evli idi. bu evlilikdən iki qızı və bir neçə nəvəsi vardır[6]. Qızlarından Nazirə notarius və detektiv yazıçıdır.
- ↑ "На 83-м году ушёл из жизни абхазский и российский общественно-политический деятель, доктор юридических наук Тарас Миронович Шамба". 30 noyabr 2020 tarixində arxivləşdirilib. İstifadə tarixi: 24 oktyabr 2021.
- ↑ "Тарас Шамба: «Мы часто обсуждали с президентом проблемы нашего народа»". 18 aprel 2017 tarixində arxivləşdirilib. İstifadə tarixi: 24 oktyabr 2021.
- ↑ "Президент Всемирного конгресса абхазо-абазинского народа Тарас Шамба". 15 fevral 2012 tarixində arxivləşdirilib. İstifadə tarixi: 24 oktyabr 2021.
- ↑ "Шамба Тарас Миронович, доктор юридических наук, профессор". 14 yanvar 2011 tarixində arxivləşdirilib. İstifadə tarixi: 18 sentyabr 2011.
- ↑ "Шамба Тарас Миронович — Учёные России". 12 iyun 2021 tarixində arxivləşdirilib. İstifadə tarixi: 24 oktyabr 2021.
- ↑ "Передача «Лицом к лицу» Интервью Первого проректора РГТЭУ проф. Шамба Т.М". 15 yanvar 2011 tarixində arxivləşdirilib. İstifadə tarixi: 18 sentyabr 2011.